2 Samuel 5:3 - Bible azumeina

³ Ni hina ba, suma nglo suma Israel-lâ pet a mba gen amulâ David avo Hebron. David mi djin vunam ki sed’ezi avok Ma didina avo Hebron. Azi manam a tinim amula yam Israel-lâ.

2 Samuel 5:3 Iomraidhean Croise

2 Samuel 2:4

Suma Juda-na a mba Hebron, azi tin David amula yam suma Juda-na. Suma a de mi David ala: Ni Jabes suma Galät-na ba, a tos Saulî aziya.

2 Samuel 2:7

Ar agi fagi ad’enga, agi kagagi nandjof suma gangrangâ. Kayam salagina Saul mi mit wa; ki tchetchemba, ni an ba, suma Juda-na a tinin amula kaziya.

2 Samuel 3:21

Apner mi de mi David ala: An tchol ni iya, an ni tok Israel-lâ pet ad’u ang salana amul mana. A mba ndjak vunazi ki sed’engû; ang mba te kazi ki sum mangâ d’igi ang min na. David mi ar Apner mi i hawa.

1 Amuleina 1:34

Ata yi máma Sadok ma ngat buzuna ki Natan ma djok vun Alona a vom mbulâ kamu, a tinim iram vam á kak amula yam Israel-lâ. Ata yi máma agi bugi adifa, agi eregi ad’ugi akulo ala: Amulâ Salomon, ar va mi lang ngi!

2 Amuleina 11:17

Jehojada mi mba ki vun ma djinda aduk Ma didina kamulâ ki sumuna, a djin vunazi ala ar azi ka’î suma hi Ma didinina. Mi mba ki vun ma djinda aduk amulâ ki sumuna mi.

1 Sunda Hamuleinid’a 11:1

Israel-lâ pet a tok gen David avo Hebron, a dum ala: Gola! Ami ni simiyêngû, ami ni hliwing mi.

1 Sunda Hamuleinid’a 11:3

Ni hina ba, nglo suma Israel-lâ pet a mba gen amulâ David avo Hebron. David mi djin vunam ki sed’ezi avok Ma didina avo Hebron, a vom mbulâ kam á tinim amula yam Israel-lâ d’igi Ma didina mi de zlad’a avun Samuel na.

1 Sunda Hamuleinid’a 28:4

Wani Ma didina Alona hi Israel-lîna mi manan aduk suma habuna pet á kak amula yam Israel-lâ gak didin. Mi man Juda á tak lovota mi Israel-lâ. Bugola, mi man suma habuna aduk suma hi Juda-na. Bugola, aduk suma habuna mi manan an á tamula yam Israel-lâ pet mi.

2 Sunda Hamuleinid’a 23:16

Jehojada mi djin vunam kablau d’a peta kamula, mi ala, ar azi ka’î suma hi Ma didinina.

Nehemi 9:38

A de kua ala: Kayam ndata, ami hami tamiya, ami djinimi vunamiya, ami b’irim kä. Mami suma avok sumina, mami suma hi Levi-na ki mami suma ngat buzuna a tin simiyêzi kur mbaktumba, a tum tampongâ kua mi.

Buzuk ka Abud’a 3:16

Ang i tok suma nglo suma Israel-lâ, ang dazi ala: Ma didina, Alona habuyogi ma nde tam mbei irana, Alona hi Abraham-ma, Alona hi Isa’â, Alona hi Jakob-ma, mi dan ala: An mba á ndjunugi gagazi, kayam an wahle suma suma a nga lagizi avo Ezipte-na.

Josue 10:36

Josue azi ki azigar suma Israel-lâ a tchol Eglon, a i gak Hebron, a ndazì máma durâ.

Suma ka sariyad’a 11:11

Jefte mi i ki suma nglo suma Galät-na. A tinim ma ngolâ kaziya, a tinim ngola hi azigarîd’a mi. Jefte mi dugot zla d’a mi data pet avok Ma didina avo Mispa.

1 Samuel 11:15

Suma pet a i Gilgal. Ata yi máma, a tinim amula kua avok Ma didina. Ni kua ba, azi he vama ngat buzu ma zlap darigïd’a mi Ma didina. Saul azi ki Israel-lâ pet a le furîd’a ngola heî.

1 Samuel 16:13

Samuel mi hle mbulâ, mi vom yam David avok b’oziyoma. Muzu’â hi Ma didinina mi ve David, mi kak ki sed’em kur bur máma gak kur bur ma avo’â mi. Bugola, Samuel mi hulong avo Rama.

1 Samuel 23:18

Azi djak a djin vunazi avok Ma didina. David mi ar kaka aduk agud’a; Jonatan mi hulong avo.