2 Samuel 5:2 - Bible azumeina

² Avok ka Saul nga tamula kami tua d’a, ni ang ba, i ki Israel-lâ á durâ, ang hulong ki sed’ezi mi. Ma didina mi dang ala: Ni ang ba, mba pol man suma Israel-lâ, ang mba kak amulâ hi Israel-lîna mi.

2 Samuel 5:2 Iomraidhean Croise

Ad’u Tinda 49:24

Wani agu yeû mamba nga ndira woi ad’enga, abom nga ved’a ad’enga, kayam ad’enga hAlo ma sib’ika hi an Jakob-ma, kayam mam mi ma pola, ahina d’a deng tad’a hi an Israel-lîd’a.

2 Samuel 6:21

David mi hulong dat ala: An lü avok Ma didin ma mi manan an kal abuk ki sum mama pet ma mi tinin amula yam mam suma Israel-lîna.

2 Samuel 7:7

Ata yima lara ma an nga ni tit ki Israel-lîna, an de zla tu mandjafâ hi Israel ma ding ma an hlum vunan ala mi polon man suma Israel-lâ na ala: Ni kayam me ba, agi minin-ngi gonga kagu sedrena d’uo ge zu?

2 Samuel 7:8

Ki tchetchemba, ang i de mazong mana David ala: An Ma didin ma ad’engên kal petna ni dala: Ni an ba ni vangî ata yima pol tumiyôna á tining amula yam man suma Israel-lâ.

2 Amuleina 20:5

Ang hulong gen Ezekiyas amulâ hi sum manina, ang dum ala: Ma didina Alona habung ngolo David-na mi dala: An hum tchen manga, an we simi mangâ mi. Gola! An nga ni tcholong akulo. Kur bur ma hindina ang mba fad’enga á i kur gong man nda kud’ora.

1 Sunda Hamuleinid’a 11:2

Avok ka Saul nga mi tamula kami tua d’a, ni ang ba, i ki Israel-lâ á durâ, ang hulong ki sed’ezi avo mi. Ma didina Alo mangâ mi dang ala: Ni ang ba, mba pol man suma Israel-lâ, ang mba kak amula kazi mi.

2 Sunda Hamuleinid’a 1:10

Ki tchetchemba, ang han ned’a ki wad’ud’a, kayam an we lovota á tit avok sum ndazina. Ni nge ba, mi ndak á te yam mang suma ablau suma tchotcho ndazina ge?

Isai 40:11

Mam mi d’igi ma pola na. Mi mba mi pol tumiyô mama, mba mi kod’ozi kabomu, mba mi yo suma gureina akulo didigamu, mba mi tit ki suma a nga he grozina aponina lalam mi.

Isai 55:4

Gola! An tinimî ma glangâsâ yam suma, ma tak lovota mi suma, ma te yam suma mi.

Ezekiyel 34:23

An mba ni tin ma pola kazi ni tu, nazong mana David. Mam mba mi poloziya, mam mba mi arî ma pol ma gagazina.

Mise 5:4

Ni mam ba, mba mi mba ki b’leng nga halasa. Ata yima suma Asiri-na a mba mba kur ambas meid’a, a mba kal kur azì mei ma ad’eng ma ngungunina, ei mba tcholei ki suma nglo suma avok sumina ablaud’a á duruziya.

Ndumba 27:17

Ni sama mi ndak á nde avorozi á i ki sed’ezi abuna, ni ma tit avorozi á hulongôzi avona, ni ma mi buzuguzi abuna, ni ma hulongôzi avona mi. Kayambala ablau manga ti kak d’igi tumiyô suma bei salazi ma pola ba na na d’uo d’a.

Matiye 2:6

Ang azì ma Betelehem ma yam ambas sa Juda-d’ina, ang nga gogora aduk azì ma Juda-na d’i, kayam ma te yamba mba mi ndeï ni kurungû, mba mi pol man suma Israel-lâ.

Jean 10:11

An ni Ma pol tumiyô ma djivina. Ma pol tumiyô ma djivina nga mi he tam mbei yam tumiyôna.

Hebre-na 2:10

Kayam Alo ma lahlena pet ma ahlena pet a nga ni ved’a aboma, ni djivid’a iram á mbut Jesus sama ndak memetna yam ndak ka mi fata, á mba ki grona ablaud’a kur subur mamba. Kayam Jesus ni Salazi ma sud’uzina.

1 Samuel 13:14

Wani ki tchetchemba, leu manga mba d’i kak didin ndi; Ma didina mi man wa sama mam hurum minima, mi tinim wa amula yam sum mama. Ni kayamba ang ngom nga vun mam ma hed’a d’uo d’a.

1 Samuel 16:1

Ma didina mi de mi Samuel ala: Ni mindja ba, ang mba ar bei tchi yam Saul ma an pad’am mbei ala mi kak amul ma Israel-lâ d’uo na ge? Ang hle gugur mang nga mbulâ abongû, ang tchola; an nga ni sunung avo hi Jesse ma Betelehem-ma, kayam an fe nga amul ma nde irana aduk groma.

1 Samuel 18:13

Ni kayam ndata ba, mi wal David tei ki sed’emu, mi tinim ngola yam suma dubuna. David nga mi ndabua, nga mi hulongî avo avok sum mama.

1 Samuel 18:16

Israel-lâ ki suma Juda-na pet huruzi ve David, kayam mam nga mi ndabua, nga mi hulongî avo avoroziya.

1 Samuel 18:5

Ata yima lara ge pet ma Saul nga mi sun David kuana, nga mi le sun mamba djivid’a. Ni hina ba, Saul mi tinim ngola yam suma dur ayîna; suma pet kazungeîna hi Saul-lâ, tazi nga d’i lazi djivid’a kam mi.

1 Samuel 25:28

An nga ni tchenengû, ang vat hurung ngei yam tchod’a hi an wei mangid’a. Kayam an we tetet ala Ma didina mba mi he lovota mi sum mangâ á te leud’a teteu, kayam ang nga kur ayîna hi Ma didinina. Kur kak mang nga yam andagad’id’a, a mba fe vama tcho atang ngi.

1 Samuel 25:30

Fata Ma didina mi ndak vun djivid’a mi hlang vunam kata, mi tining wa amula yam Israel-lâ mi ni,

1 Samuel 9:16

Avin aboina hina dedege, ang mba ngaf ki sama Benjamin-na. Ang vom mbulâ kam á tinim amula yam man suma Israel-lâ, kayam mi pad’azi woi abo suma Filistê-na. Kayam sum mana a yan ala an ndjunuziya, an we ndak mazid’a mi.