2 Samuel 5:11 - Bible azumeina

¹¹ Hiram amul ma Tir-râ, mi sunï suma gen David kagu sedrena, zlapa ki suma tchet aguna ki suma tchet ahinad’a á min gong nga amula mi David.

2 Samuel 5:11 Iomraidhean Croise

2 Samuel 5:12

David mi wala Ma didina nga mi siram á tamula yam Israel-lâ, amul mamba nga d’i i avogovok yam mam suma Israel-lâ mi.

2 Samuel 7:1

Ma didina mi pat amulâ David tei abo mam suma djangû suma a nguyuma, mi hum tuk tad’a. David mi nga kaka kur aziyam ma amula.

2 Samuel 7:2

Bur tu David mi de mi Natan ma djok vun Alona ala: Gola! An nga kaka kur azì ma a minim kagu sedrenina, wani zandu’â hAlonina mi nga tinda kur zlub’ud’a.

1 Amuleina 5:15

Salomon mi nga ki suma zi ahinad’a 70.000 ki suma tchet ahinad’a 80.000, wani bei ndum suma nglo suma 3300 suma Salomon mi tinizi á gol suma ablau suma a nga le sundina ba. Azi nga le sunda mi Salomon yam ahuniyôna akulo.

1 Amuleina 5:18

Suma sunda hi Salomon-na ki suma sunda hi Hiram-ma ki suma Biblos-sâ a tchet ahinad’a, a min aguna kahina d’a ndak á min gong nga kud’ora hAlonid’id’a.

1 Sunda Hamuleinid’a 14:1

Hiram amul ma Tir-râ, mi sunï suma gen David kagu sedrena, suma tchet ahinad’a ki suma tchet aguna á min gong nga amula mi David.

Esdras 3:7

A he bege d’a hapa mi suma tchet ahinad’a ki suma tchet aguna. A hahle suma tena, ahle suma tched’a ki mbulâ mi suma Sidon-na ki suma Tir-râ, kayam a djagï agu sedre ma Liban-na woi kur alum ma ngolâ gak a mbam Jafa d’igi Sirus amul ma Perse-na mi heï vuna na.

Sawal la giled’a 30:1

Ni sawal la David mi hlat ki furîd’a á mal vun gong mambid’a.

Ezekiyel 26:2

Ang gor sana, suma Tir-râ a de yam Jerusalem ala: Tchuhu ngrang! Azì ma ngol ma andjaf suma a kal kuana, mi b’lak wa woyo! Ki tchetchemba, suma a i kuruma a mba mbeï geveya, ei mba mbud’i suma ndjondjoîna kayam mi ar djona da’. Ni kayam ndata ba, an Salad’a Ma didina ni dala:

Josue 19:29

Ti yoï hagad’a abo ma Rama-na, ti kal gak ti mbaza avun azì ma ngol ma ad’eng ma Tir-râ, ti kal ti i Hosa, ti i dabï avun alum ma ngol ma Mediterane-na hur ful la Aksip-pa.