2 Samuel 24:16 - Bible azumeina

¹⁶ Ata yima malaikana abom nga tinda á b’lak Jerusalem-ma, Ma didina mi mbut hat hurum yam b’lak ndata, mi de mi malaika ma tchi suma máma ala: Ndaga! Ki tchetchemba, ang hlabong ngeyo! Malaikana hi Ma didina máma mi tchol go ki yima to awuna hi Arafna ma Jebus-sâ.

2 Samuel 24:16 Iomraidhean Croise

Ad’u Tinda 10:16

Suma Jebus-sâ, suma Amor-râ, suma Girgas-sâ,

Ad’u Tinda 6:6

mi mbut hat hurum yam le d’a mi le sana yam andagad’id’a. Kayam ndata, hurum zal ngola,

2 Samuel 24:18

Kur bur máma tamba, ma djok vuna Gat mi mba avo hi David mi dum ala: Ang i min yima ngal ahle suma ngat buzuna mi Ma didina ata yima to awuna hi Arafna ma Jebus-sîna.

2 Samuel 5:8

Kur bur máma David mi dala: Nge nge pî ma min dur Jebus-sâ, mbeî mi kalî kur b’irlim ma djang mbina kä ad’u andagad’ina á tchi suma duka ki suma dileî suma an David ni noyôzina woyo! Ni kayam ndata ba, a nga dala. Suma duka ki suma dileîd’a a mba kal kur gong nga kud’ora hi Ma didinid’a d’i.

1 Amuleina 19:4

wani mam tamba mi i iram abagei hur fulâ, mi le burâ sop ki tita, mi i kak kä ad’u agu ma gorâ, mi tchen Alona ala mi mid’a. Mi dala: Ma didina, ki tchetchemba, an ndak wa ang hlan muzuganu, kayam an kal nga abuyon ngolo d’i.

2 Amuleina 19:35

Kur andjege ndata malaikana hi Ma didinina mi kal kur kangâ hi Asiri-na, mi tchi suma 185.000. Kid’a suma a zlit akulo yorogod’a, a gol matna kä didi.

1 Sunda Hamuleinid’a 1:14

Suma Jebus-sâ, suma Amor-râ, suma Girgas-sâ,

2 Sunda Hamuleinid’a 3:1

Salomon mi tin ad’u min gong nga kud’ora hi Ma didinid’a avo Jerusalem yam ahina d’a Moriya-d’a, ata yima Ma didina mi nde tam mbei kua ir abum David kur ambid’a’â hi Ornan ma Jebus-sîna.

2 Sunda Hamuleinid’a 32:21

Ata yi máma Ma didina mi sunï malaikana tu, mi dap suma gangrangâ ki suma nglona ki suma avok suma woi tchid’a kur kangâ hamul ma Asiri-nina. Ata yi máma amul ma Asiri-na mi hulong yam ambas mamba ki zulona, mi kal kur gong nga kud’ora halo mamid’a. Ata yi máma grom suma vuta a tchum ki mbigeu d’a fiyaka.

Sawal la giled’a 135:14

Ma didina mba mi ka sariyad’a hi sum mamid’a, mba mi we hohowa azungeî mama mi.

Sawal la giled’a 35:6

Ata yima malaika mangâ mi digizina, ar lovot mazid’a ti mbut nduvunda, ti mbut azlard’eid’a mi.

Sawal la giled’a 78:38

Wani mi wazi hohowoziya, mi vat hurum mbei yam tcho mazid’a, mi dabazi nga woi d’i, nga mi d’el tam kur ayî mam ma bibiliuna teteu.

Sawal la giled’a 90:13

Ma didina, ang mba ar ayî mangâ kami hina gagak mindja ge? Ar ang wami ami azungeî mangâ hohowomiya!

Buzuk ka Abud’a 12:13

Buzu máma mba mi mbut ni vama taka avun gong nga agi nga kuad’a. Ata yima an mba ni tchi Ezipte-nina, an mba ni we buzuna, an mba ni kal kagiya. Hina wani, ndak ka tcho d’a tchi matna mba d’i fagi d’i.

Buzuk ka Abud’a 12:23

Ata yima Ma didina mba mi kal avo Ezipte á tchi sumina, mba mi we buzuna akulo avun bilâ, avun gonga abo hî abo hî, mba mi kal yam vun azì máma, mba mi ar ma tchi suma mba mi kal avo hatagi á tchagi d’i.

Buzuk ka Abud’a 32:14

Ma didina hurum b’lengâ, mi ar bei lazi tcho d’a mam hurum zal ala mi lat mi sum mama d’a woyo.

Buzuk ka Abud’a 9:28

Agi i tchenegi Ma didina tala breîd’a ki mogoina a le d’uo d’a. An mba ni aragi agi igiya, an mba ni d’elegi d’uo d’a.

Isai 27:8

Hawa, wani ni ki lalamba ba, mi ngobozi mi izi magomba ki fo d’a ad’eng nga avunamba d’igi simet ma abo ma yorogona na.

Isai 57:16

An mba ni tchol ad’enga hina gagak kuo, an mba ni zal hurun hina baba d’uo mi. Le d’uo ni, suma an lazina, a mba kau a bo woyo.

Jeremi 26:19

Na ni Ezekiyas amul ma Juda-na ki suma Juda-na pet a tchum zu? Ezekiyas mi le nga mandara Ma didina d’uo zu? Mi tchen nga Ma didina ba, Ma didina mi ar nga tcho d’a mi ngat kurum á lazizid’a woi mi d’uo zu? Ei lei hî ni tei tcho d’a ngola d’uo zu?

Jeremi 42:10

Le agi aragi kaka kur ambas sa wanda ni, an mba ni minigi akulo, an mba ni b’lagagi woi d’i, an mba ni pagi ad’ugi kä, an mba ni pad’agi woi d’i. Kayam an mbut hat hurun yam tcho d’a an lagizid’a.

Amos 7:3

Ma didina mi djok djib’er mamba, mi dala: Ahle ndazina a mba mba d’i!

Amos 7:6

Salad’a Ma didina mi djok djib’er mamba, mi dala: Ahle ndazina a mba mba d’uo mi.

Habakuk 3:2

Ma didina, an hum zla d’a ang data, Ma didina, mandarâ van heî abo sun mang nga led’a. Ang le sun manga kur atchogoi mamid’a d’igi ang lat adjeu na; kur atchogoi mamid’a ang tagat tei mi suma. Le hurung zal pî, ar ang djib’er yam we hohou mang nga kamid’a.

Zakari 9:7

An mba ni prud’uzi hliu ma arina woi avunaziya, an mba ni prud’uzi ahle suma ndjendje suma a nga mud’uzi avunazina woyo. Mazi suma a arâ a mba arî suma hAlo meinina, azi mba mbut ni d’igi suma nglo suma avok sumina na avo Juda, suma Ekron-na a mba mbut ni d’igi suma Jebus-sâ na mi.

Marik 14:41

Mi hulong mi mba yam á hindid’a, mi dazi ala: Ki tchetchemba, agi nga burugi sena, agi tugugi tagi tua! Yina ndak wa, yina mba wa go. Gola! A nga han an Gor Sana abo suma tchona.

Sunda hi suma a sunuzinid’a 12:23

Ata yi máma na wat, malaikana hi Salad’ina mi tumumu, kayam mi subur nga Alona d’i. Mi tchuk ndjuvulâ, mi mid’a.

1 Korente-na 10:10

Ar agi guruyôgi d’igi suma dingâ adigazi a gureî hina ba malaika ma tchi suma b’lagazi woi na d’i.

2 Korente-na 2:6

Sariya d’a suma ablaud’a a kat yam sa mámid’a, ti ndaga.

Josue 15:63

Andjafâ hi Juda-na ad’engêzi ndak nga á dik suma Jebus suma a nga kaka Jerusalem-ma woi d’i. Ni kayam ndata ba, suma Jebus-sâ a nga kaka aduk andjafâ hi Juda-na avo Jerusalem gak ini.

Suma ka sariyad’a 1:21

Suma hi Benjamin-na a dik nga suma Jebus suma a nga kaka Jerusalem-ma woi d’i. Suma Jebus-sâ a nga kaka Jerusalem ki suma hi Benjamin-na gak ini.

Suma ka sariyad’a 19:11

Ata yima a mbaza go ki Jebus-sâ, afata kalazi ngola. Gor azongâ mi de mi salama ala: Ei i kur azina hi suma Jebus-sâ, ei buri kä to.

1 Samuel 15:11

An mbut hurun hata kayamba an man Saul ni tinim amulid’a, kayam mam wal lei ki sed’enu, nga mi tit yam vun man ma hed’a d’i. Samuel hurum hat ngola; kur andjege ndata mi tchi avok Ma didina ngola.