2 Samuel 23:3 - Bible azumeina

³ Alona hi Israel-lîna mi de, ahinad’a hi Israel-lîd’a ti dan ala: Sama nga mi te yamba aduk suma ki d’ingêrina, nga mi te yamba kur mandarâ hAlonina,

2 Samuel 23:3 Iomraidhean Croise

Ad’u Tinda 33:20

mi min yima ngal ahle suma ngat buzuna, mi yum ala El, Elohe Israel.

2 Samuel 22:32

Alo ma iratna ni nge? Ni Ma didina; Ahina d’a irata ni nge? NAlo meina.

2 Samuel 8:15

David mi te yam Israel-lâ pet, nga mi ka sariyad’a yam sum mama pet ki d’ingêra.

1 Amuleina 10:9

Ei gilei Ma didina Alo mang ma mi manang mi tining yam zlam mba amula á tamula yam Israel-lîna. Ma didina nga mi le kazi teteu. Kayam ndata, mi tining amula á ka sariya d’a d’ingêr ra memeta kaziya.

Nehemi 5:14

Kur bur ma amulâ mi tinin ma te yamba kazi yam ambas sa Juda ei kur biza d’a dok mbàd’a dei gak mba kur biza d’a dok hindi yam mbà d’a amulâ Artazerses nga mi tamulid’a, kur biza d’a dogo yam mbà ndata an ki b’oziyona ami vami nga tar ra amulâ ngat yam sumid’a abozi d’i.

Wana ni mbaktumba hi Job-pa 34:17

Na ni sama kak djangûna ki d’ingêrina mba mi te yamba zu? Ang ndak á ka sariyad’a yam Ma d’ingêr ma ad’engêm kal petna zu?

Sawal la giled’a 110:2

Ma didina mba mi hang totogo mang nga tamula kad’engid’a ei ni Siyon. Ang mba te yam mang suma djangû suma a nguyungâ.

Sawal la giled’a 42:9

Ma didina, ang tagan djivi manga faleya, ar an hle sawal manga andjege á tcheneng ang Alo ma han arid’ina.

Sawal la giled’a 72:1

Ni sawal la gile d’a Salomon mi hlata. Alo mana, ang he d’alâ mamulâ á ka sariyad’a d’igi ang na, ang tak ad’u d’ingêr manga mamulâ goroma mi.

Sawal la giled’a 72:2

Ar mi ka sariyad’a yam sum mangâ ki d’ingêra, yam mang suma hohoud’a ki gagazid’a mi.

Buzuk ka Abud’a 18:21

Ang man suma nda’â aduk suma a le mandara Alonina suma gagazi suma a nga ve bege d’a mbut ira abo suma d’uo na. Ang tinizi suma ka sariyad’a yam suma dudubuna, yam suma kikisâ, yam suma dok vahl dok vahlâ, yam suma dodogona mi.

Buzuk ka Abud’a 20:2

An ni Ma didina Alo mang ma pad’angî woi kur ambas sa Ezipte-d’a ata yima a lang magomba kuana.

Buzuk ka Abud’a 3:15

Alona mi de mi Moise kua ala: Ang i de mi Israel-lâ ala: Ma didina Alona habuyogina, Alona hi Abraham-ma, Alona hi Isa’â, Alona hi Jakob-ma, mi sununï gevegi ni mamu. Wana ni simiyên ma a mba yan ki kur atchogoi d’a lara ge petna.

Zla d’a d’ogolâ 31:9

Ang ngo vunang á ka sariya d’a d’ingêra á ndjun suma hohoud’a ki suma kid’aka mi.

Isai 32:1

Kur bur máma amulâ mba mi tamula ki d’ingêra, mam suma nglona a mba te yamba ki d’ingêra mi.

Jeremi 23:5

Ma didina mi dala: An mba ni tchol ki sama d’ingêrâ ad’u andjafâ hi David-na. Mba mi tamula, mba mi i avogovogo, mba mi ka sariya d’a d’ingêra, mba mi le sun nda irata kur ambasa mi.

Zakari 9:9

Agi suma Jerusalem-ma, agi eregi ad’ugi akulo ki furîd’a! Agi suma Siyon-na, agi eregi ad’ugi akulo, agi lagi hur ma hapma! Gola! Amul magina nga mi djïya. Ni ma d’ingêrâ, ni ma kus ayîna, ni ma lulumana, ni ma nga nga yam korona, ni ma nga nga yam koro ma gorâ yam gor korod’ina.

Gat ta a hat á mbàd’id’a 32:4

Ma didina nahina d’a ndjunid’a. Sun mam mba led’a ndak memet, nga hur mama pet ni ma iratna, ni ma d’engzengâ burâ ki burâ, ni Ma bei tchod’a ba na, ni ma d’ingêrâ, ni ma gagazina mi.

Hebre-na 1:8

Wani Alona mi de yam Goroma ala: Ang Alona, zlam mang nga amula ni d’a gak didinda. Ang nga te leu manga ni ki d’ingêra.