2 Samuel 23:17 - Bible azumeina

¹⁷ David mi dala: Ma didina, ar an lahle ndazina d’i. Wana ni buzuna hi suma a he tazi woi á matnina d’uo zu? Mi tchum nga d’i. Wana ni vama grang suma hindi ndazina a luma.

2 Samuel 23:17 Iomraidhean Croise

Ad’u Tinda 44:17

Josef mi dazi ala: Hawa yak! An ndak á le hina d’i! Sama an fe kopma aboma, ni mam ba, mi ar magom mana; wani agi suma dingâ igi gen abugi hawa.

Ad’u Tinda 9:4

Agi mud’ugi vama nga ki buzuwam kuruma d’i, kayam arid’a ni kur buzuna.

2 Samuel 20:20

Jowap mi hulong dat ala: An nga ki djib’era á b’lak azina d’oze á dris gulumuna kä woi d’i!

1 Amuleina 21:3

Wani Nabot mi hulong de mi Ahap ala: Nga djivid’a avok Ma didina tala an hang asine ma guguzlu ma abuyomi ngolo a hamizi djonina d’i.

1 Sunda Hamuleinid’a 11:19

David mi dala: Ma didina, ar an lahle ndazina d’i! Wana ni buzuna hi suma a he tazi woi á matnina d’uo zu? Mi tchum nga d’i. Wana ni vama grang suma hindi ndazina a luma.

Sawal la giled’a 72:14

Mam mba mi prud’uzi woi abo suma a nga djobozi vunazina, ki suma a nga lazi murud’umbina, kayam azi ni vama kal teglesâ iramu.

Sunda hi suma hi Levi-nid’a 17:10

Le ma Israel-lâ d’oze angei ma nga kaka adigagina, mi te buzuna hi vama lara ni, an mba ni mbut iran ni kak djangûna ki sama te buzu mámina, a mba pad’am mbei aduk sum mama.

Matiye 26:28

kayam ma wana ni buzuwanu. Ni vun ma djin ma awilina hAlonina, ni buzuwan ma mba mi djang ngei yam ablau sumina, kayambala Alona mba mi vat hurum mbei yam tcho mazid’a d’a.

Marik 14:24

Mi dazi ala: Ma wana ni buzuwanu, ni vun ma djin ma awilina hAlonina, ni buzu ma mba mi djang ngei yam ablau sumina.

1 Korente-na 15:30

Ni kayam me ba, ami nga hami tami avun matna teteu ge?

Suma ka sariyad’a 5:18

Suma hi Zabulon-na a he tazi á matna, suma hi Neftali-na a le ni hina mi, a tchol avun ayî ma durâ.

1 Samuel 2:30

Kayam ndata, an Ma didina Alona hi Israel-lîna an nga ni dangû: An hle vunan adjeu mi suma habungâ ki sum mangâ ala: Agi mba kagagi ni man suma ngat buzuna gak didin. Wani ki tchetchemba, an nga ni dang ngei mbak ala: Nga na d’uo d’a! An nga ni he ngola mi suma a nga han ngolina; wani suma a nga golon isâ, an mba ni golozi is mi.

1 Samuel 26:11

Ar Ma didina mi ngomon á tin abon ata ma mam tinim amulina! Ang hle ni asap pa nga ped’a kamba ki gugur ra mbina go, ei iya.