2 Samuel 23:16 - Bible azumeina

¹⁶ Grang suma nglo suma hindi ndazina a b’at kangâ hi Filistê-nina kad’enga, a gulï mbiyo ma kur golong nga sä avun azì ma Betelehem-mid’a, a mbam mi David. Wani David mi tchum nga d’i, mi hum he d’a hawad’a mi Ma didina, mi vom kä woi andaga.

2 Samuel 23:16 Iomraidhean Croise

Ad’u Tinda 35:14

Jakob mi tin ahinad’a akulo kad’ut ata yima Alona dum zlad’a kuana, mi he süm guguzlud’a he d’a hawad’a kat mAlona, mi vot mbulâ kat mi.

2 Samuel 23:9

Ma kama ni Elazar Dodo goroma, mam mi Ahohi gorom ngolona. Mam mi ma aduk grang suma hindi suma a i ki David-na. Ata yi máma a nde Filistê-na ata yima a tok tazi á dur ayînina, Israel-lâ a yo ringâ avoroziya.

1 Sunda Hamuleinid’a 11:18

Ata yi máma suma hindi ndazina a b’at kangâ hi Filistê-nina kad’enga, a gulï mbiyo ma kur golong nga sä avun azì ma Betelehem-mid’a, a mbam mi David. Wani David mi tchum nga d’i, mi hum he d’a hawad’a mi Ma didina, mi vom kä woi andaga.

Ma tchi wala 4:12

Sana mi ndak á kal yam sama vam tuna, wani mi ndak á kal yam suma mbàna d’i. Ziyo ma a dogom hindina nga mi tchal atogo d’uo mi.

Hor ma tchina 2:19

Ndak tchol akulo, ndak tchi wulula kad’u tinda hi ma ndjol ma avok kikidji ma andjegena, ndak de zla d’a kuruka woi avok Salad’a, ndak yo abok akulo avorom ki tchen nda labiyad’a yam grok suma a nga seî kä ir palumba abo meid’a tetengâ.

Ndumba 28:7

Ata yima ang mba ki gor timi ma yorogona á ngatina, ang mba ki süm guguzlud’a lidirâ tu ki nusa, ang handji nata yima a tinim iram vama.

Sunda hi suma a sunuzinid’a 20:24

Wani an gol tan ni vama kal tegles si, á ndak vun tit manda ki sun nda Salad’a Jesus mi handjid’a, nala, á tchi wal Zla d’a Djivi d’a yam sumad’a hAlonid’a.

Romê-na 5:7

Nad’enga heî á sana mi mit yam sama d’ingêrâ. Dam, sama ding mba mi ve tam á mit yam sama djivina.

2 Korente-na 5:14

Kayam od’a hi Christ-sa ti te kamiya. Gagazi, ami wami tetet ala sana tu mi mit wa yam suma pet. Kayam ndata, suma pet a bo wa zlapa ki mam mi.

Filip-ma 2:17

Wani le a ngad’an yam sunda hi he gagazi magid’a d’igi vama ngat buzuna na pî, an nga ki furîd’a, an mba ni le furîd’a zlapa ki sed’egi mi.

1 Samuel 19:5

Mi he tam mbeyo, mi tchi ma Filistê-na. Ma didina mi le ki sed’em mi sut Israel-lâ pet sut ta ngola. Ang tang we ki irangû, ang le furîd’a. Ni kayam me ba, ang le tchod’a á tchi ma bei zlad’a kama David bei lovod’ot ke?

1 Samuel 7:6

Azi tok avo Mispa, a gul mbina, a vom mbei avok Ma didina, a d’el tazi bei te tena. Kur bur máma a de woi ala azi le tchod’a avok Ma didina. Navo Mispa ba, Samuel mi kak ma ngolâ avok Israel-lâ.