2 Samuel 21:9 - Bible azumeina

⁹ Amulâ mi hazi mi suma Gabawon-na; a gabazi akulo ata aguna yam ahinad’a avok Ma didina. Azi ki zlazi d’a kid’iziyad’a pet a bo nabo tazi tu. A tchazi ni kur bur ma avok kikidjina hi bur ma a fet awunina; ni bur ma a tin ad’ud’a á dut awu orsîna.

2 Samuel 21:9 Iomraidhean Croise

2 Samuel 21:6

Kayam ndata, ang hami grom suma andjofâ kid’iziya, ami gabazi akulo avok Ma didina avo Gibeya avo hi Saul amul ma Ma didina mi manama. Amulâ mi dazi ala: An mba ni hagiziya.

2 Samuel 6:17

Ata yima a tin zandu’â hi Ma didinina kur zlub’u d’a David mi minimzi kamba tin na, David mi he he d’a hawa d’a ngala mi Ma didina ki he d’a hawa d’a ngat buzu d’a zlap darigïd’a.

2 Samuel 6:21

David mi hulong dat ala: An lü avok Ma didin ma mi manan an kal abuk ki sum mama pet ma mi tinin amula yam mam suma Israel-lîna.

Buzuk ka Abud’a 20:5

Ar ang grif kä avorozi d’i, ar ang kud’urozi d’i, kayam an Ma didina Alo mangâ nAlo ma yungôrâ. Sama kak djangûna ki sed’ena, an mba ni ngobom kandjavam gak andjavam ma kur atchogoi d’a hindid’ina d’oze ma kur atchogoi d’a fid’id’ina.

Buzuk ka Abud’a 9:31

Baru d’a mayanga kawu orsâ a b’lak keyo, kayam awu orsâ mi tchuk yam mbeyo, barud’a ti b’o ni b’ö tua mi.

Buzuk ka Abud’a 9:32

Gemena kawu ma a yum ala epotrena a b’lak nga d’i, kayam azi ni suma a ne bugolâ.

Ndumba 25:4

Ma didina mi de mi Moise ala: Ang yo suma nglo suma avok sumina pet, ang tchuguzi ziyona kelezi ang gabazi akulo ir afata avogon an Ma didina tala hurun b’leng yam Israel-lâ d’a.

Gat ta a hat á mbàd’id’a 21:22

Moise mi de kua ala: Le sama le tcho d’a ndak á matnid’a, le agi tchum agi tchugum ziyona kelem agi gabam akulo ata aguna ni,

Wana ni mbaktum mba a b’irit yam Rut-ta 1:22

Ni na ba, Naomi ti tcholï yam ambas sa Mowap-pa kakunota Rut ta gor ra Mowap-pa. Kid’a azi mba Betelehem-mba, suma a nga fet nawu orsâ.

1 Samuel 15:33

Samuel mi dum ala: D’igi mbugiyo mang suma fuyogeina a ar aropma bei grona na, asung mba d’i ar bei gorâ na mi. Samuel mi ngat Agak kä woi avok Ma didina avo Gilgal.