2 Samuel 21:17 - Bible azumeina

¹⁷ Wani Abisai Seruya gorotna mi mba mi ndjun David, mi tchi ma Filistê máma. Ata yi máma suma hi David-na a gun tazi a de mi David ala: Ang dok i dur ayîna ki sed’emi tala ang tchi vun adjo ma ar helâ hi Israel-lîna woi d’uo d’a.

2 Samuel 21:17 Iomraidhean Croise

2 Samuel 14:7

Wani andjavami a tchol djangûna ki sed’en an wei manga ala: Ndak hami ma tchi wiyemina, ami tchum balum wiyema, ami min tchami ma te djona woyo. Azi min tchan vun adjo man ma ar helâ woyo. Kayambala ndjuvun simiyêm yï d’oze va ar blogom yam andagad’a d’uo mi d’a.

2 Samuel 18:2

David mi wal suma dur ayîna adesâ hindi, mi tin Jowap yam ma hina, mi tin Abisai Seruya gorot ma Jowap wiyemina yam ma hina, mi tin Itai ma Gat-na yam ma hina mi. Mi dazi ala: An tan ni i dur ayîna ki sed’egi mi.

2 Samuel 18:3

Ablaud’a ti dala: Hawa yak! Ang nga i d’i, kayam le ami ringîmiya ni, sa mba mi djib’er kami d’i. Le a tchi suma hiuna adigami pî, sa mba mi djib’er kami d’i. Wani ki tchetchemba, ang adigami ni d’igi suma 10.000 na; djivid’a ang kak avo, ang mba ndjunumiya.

2 Samuel 22:19

Ata yima an nga kur yor tad’ina, azi mba kan dumuzi, wani Ma didina mi mba mi van akulo atamu.

2 Samuel 22:29

Ma didina, angî lalam manda, Ma didina, ang b’o yima nduvun ma an nga kurâ woyo.

1 Amuleina 11:36

Wani an mba ni ar andjafâ mi goroma tu, kayam zla azong mana David ad’u andjavam mi tamula avoron teteu avo Jerusalem kur azì ma an manam á kak adigazi kuana.

1 Amuleina 15:4

Hina pî, Ma didina mi vrak goroma blangâmu, kayam andjavam mi dap pei d’i, mi ar Jerusalem ti ka’î azì ma amula yam David

Sawal la giled’a 132:17

An mba ni tin amul ma ad’engâ ad’u andjafâ hi David-na kur Siyon, an mba ni min lovota avok ma an mba ni vragam balum ma an manam tinim amulina.

Sawal la giled’a 144:10

Ang ma nga sut amuleinina, ang sud’un an azong mangâ David woi avun mbigeu d’a fiyak ka tchi matna.

Sawal la giled’a 46:1

Ni sawal la Kore groma a hlat a hat mi ma ngolâ hi suma hle sawalina.

Jeremi 40:15

Johanan Kareya goroma mi de mi Gedaliya gumun avo Mispa ala: Ang aran lovota an i ni tchi Ismael Netaniya goroma bei sa mi we ba. Ni kayam me ba, mi tchang ngei hawa d’ar ba, suma Juda-na pet suma a tok gevengâ a ndjoî woi ba, suma Juda suma a arâ a dap pei ge?

Jean 5:35

Jean ni lalam mba nga d’i ngal la nga d’i b’od’a mi. Agi lagi furîd’a kur b’o mata ndjö.