2 Samuel 21:16 - Bible azumeina

¹⁶ Jisbi-Benop gor ma Rafa-na, mi min á tchi David. Asap mamba aneget kal kilona hi kawei ma hleunina hindi, mi djin mbigeu d’a fiyak ka awilid’a furum mi.

2 Samuel 21:16 Iomraidhean Croise

Ad’u Tinda 14:5

Kur biza d’a dogo yam fid’id’a, Kedorlaomer kamulei suma nga zlapa ki sed’ema, a kal yam suma Refa suma avo Asterot-Karnayim-ma, suma Zus suma avo Ham-ma, suma Em suma avo Kiriyatayim-ma

Ad’u Tinda 6:4

Kur bur máma suma fuyogeina a nga yam andagad’a tua, ata yima Alona groma a mba a zlap ki gro aropmina, a vut grona; azi ni suma ad’eng suma a nga adjeuna, ni suma simiyêzi nde yina heîna.

2 Samuel 21:18

Bugol ahle ndazina, ayîna mi tchol tchol la dinga ki Filistê-na avo Gop. Ata yi máma Sibekai ma Husa-na mi tchi Saf gor ma Rafa ma dingâ.

2 Samuel 21:20

Ayî ma dingâ mi tchol kua avo Gat. Sama fiya’â mi nga kua, tchitchit ta abomba ki d’a asemba ni karagaya karagaya. Tchitchid’am pet ni dok mbà yam fid’i; ni gor ma Rafa ma dingâ mi.

2 Samuel 21:22

Suma fid’i ndazina ni suma ad’u andjafâ hi Rafa ma Gat-nina. David azi ki azigar mama a tchazi pet.

2 Samuel 5:18

Suma Filistê-na a mba ndjar kä woi kur hor ra Refa-d’a.

Ndumba 13:22

A hle lovot ta abo ma sutnid’a, a i gak a mbaza Hebron ata yima Ahiman, Sesai ki Talmai Anak groma a nga kuana. Hebron a minit ni bizad’a kid’iziya avok Sowan nda Ezipte-d’a.

Ndumba 13:28

Wani suma a nga kaka katna a ni suma sib’ika, azina ni nguid’a ki gulumun ma ad’eng ma ngunguna, azina kal ngola heî mi. Ami wami Anak groma ki irami mi.

Gat ta a hat á mbàd’id’a 1:28

Agi dagi ala: Ei i ni lara ge? B’oziyoina a tchugi tei susub’ok ala: Suma kur ambas ndatina a ad’enga kaleya, a fuyogeid’a kalei mi. Azì mazi ma nglona nazì ma ki gulumun ma ad’eng ma ngunguna gak i akulo hur alonina. Ami wami Anak groma ki irami mi.

Gat ta a hat á mbàd’id’a 2:10

(Suma Em-ma a kak kua avogo. Ni suma ad’eng suma ablauna, ni suma fuyogeid’a d’igi suma Ana’â na na.

Gat ta a hat á mbàd’id’a 2:11

A golozi ni d’igi suma Refa-na d’oze suma Ana’â na, wani suma Mowap-ma a yazi ala suma Em-ma.

Gat ta a hat á mbàd’id’a 2:21

Ni suma ad’eng suma ablauna, ni suma fuyogeid’a d’igi suma Ana’â na na. Wani Ma didina mi dabazi woi avok suma Amon-na, a digizi woyo, a kak blangâziya.

Gat ta a hat á mbàd’id’a 3:11

(Ok amul ma Basan-na ni ma mi ar danan ad’u andjafâ hi suma Refa-nina. Azang mam ma kaweina a fumî kur Raba azì ma ngolâ hi suma Amon-nina. Fiyagam kal metred’a fid’i, bubuwam metred’a mbà mi.)

Gat ta a hat á mbàd’id’a 9:2

Azi ni Anak grom suma fuyogei suma agi wagizina. Ni suma agi humugi a nga de kazi ala: Ni nge ba, mba mi tchol avok Anak groma ge na.

Josue 11:22

Sama Anak mi ar nga yam ambasa hi Israel-lîd’a d’i; a arî avo Gaza ki Gat ki Asdot hol.

Josue 15:14

Kalep mi dik Anak groma woi hindi, nala, Sesai, Ahiman ki Talmai; azi ni Anak groma.

1 Samuel 17:7

Agu asap mamba ni d’igi del abong na, siyat anek mamba ndak kilona kid’iziya. Sama zim mbarei mambina nga mi tit avoromu.