2 Samuel 21:1 - Bible azumeina

¹ Kur atchogoid’a hi David-ta, baktara ti nde, ti le bizad’a hindi. Wani David mi tchen Ma didina. Ma didina mi hulong dum ala: Ni yam Saul ki mam suma a tchi suma woina, kayam mi tchi suma Gabawon-na woyo.

2 Samuel 21:1 Iomraidhean Croise

Ad’u Tinda 12:10

Baktarad’a nde yam andaga d’a Kanan ndata. Abram mi i mbeid’a yam ambas sa Ezipte-d’a á kak sä kua ndjö, kayam baktarad’a nga kur andaga ndata ngola heî.

Ad’u Tinda 26:1

Baktarad’a ti nde yam andagad’a d’igi ti ndadjeu kur atchogoid’a hi Abraham-mba na mi. Isak mi i Gerar avo hi Abimelek amul ma Filistê-na.

Ad’u Tinda 41:57

Suma yam ambas sa lara ge pet a nga mbeï Ezipte á gus awuna abo Josef, kayam baktarad’a nde yam andagad’a pepet.

Ad’u Tinda 42:5

Jakob groma a mba kur Ezipte á gus awuna d’igi suma ding suma a i á gusina na mi, kayam baktarad’a nde yam ambas sa Kanan-nda.

Ad’u Tinda 43:1

Baktarad’a nga d’i le suma ngola yam ambas sa Kanan-nda.

2 Samuel 16:8

Ma didina mi hulong wa matna hi suma hi Saul ma ang vrak amula blangâma kangû. Ma didina mi he wa amula abo gorongâ Apsalom. Gola! Ang mbut hohoud’a nata yad’u, kayam angî sama tchi suma.

2 Samuel 20:26

Ira ma Jayir-râ mi nga kad’enga yam ahlena hi David-na teteng mi.

2 Samuel 21:5

A hulong de mamulâ ala: Sa máma mi tchami woi mi tin hurum ala mi b’lagami woi mi dabami woi kur ambas sa Israel-la ped’u.

2 Samuel 24:1

Ma didina hurum zal zal la dinga ata Israel-lâ, mi zut David mi kak djangûna ki sed’eziya, mi dum ala: Ang i ndum Israel-lâ ki Juda-na.

2 Samuel 5:19

David mi djop Ma didina ala: An i dur ayîna ki suma Filistê-na zu? Ang mba handji abon ndju? Ma didina mi de mi David ala: Ang iya! An mba ni hangzi abongû.

2 Samuel 5:23

David mi djop Ma didina kua. Ma didina mi hulong dum ala: Ang i d’i. Ang mbud’ï blogoziya, ang tezezi ngagad’a yam agu murâ teteng.

1 Amuleina 17:1

Elie ma Tisbe ma nga kaka Galät-na, mi de mamulâ Ahap ala: An nga ni dang ngei avok Ma didin ma bei matna Alona hi Israel-lâ ma an nga ni lum sundina: Gola! Biza d’a ar avok wanda wani, mbad’ï mba d’i ge d’i, alo mba mi se d’uo mi, gak bur ma an mba ni tchenema tua mbeî!

1 Amuleina 18:2

Elie mi i á tak tam mbei avok Ahap. Baktara d’a avo Samari-d’a kal ngola heî.

2 Amuleina 6:25

Wani meid’a nde kur azina ngola. Suma mba á durîna a ngui azina teweler gak yam korona baba a guzut ni ir bege d’a hapa dok klavandi, sud’o gugud’a kur angot ta ngad’a tu ni ir bege d’a hapa vahl mi.

2 Amuleina 8:1

Bur tu Elise mi de matcha d’a mam zlid’it gorotna akulo ata yima matnid’a ala: Ndak tchol ki suma avo hata’â, agi i kagagi ata yima ndak iragi á kakina, kayam Ma didina nga mi mba ki baktarad’a yam andaga d’a Israel-lâ, baktara ndata mba d’i le ni bizad’a kid’iziya mi.

Wana ni mbaktumba hi Job-pa 10:2

An mba ni de mAlona ala: Ang kan sariyad’a kan ndi, ang dan ad’u vama ang kak djangûna ki sed’en kama.

Sawal la giled’a 27:8

An djib’er yam zla d’a ang dat ala: Agi halagi á wan iranu d’a. Ni kayam ndata ba, Ma didina, an nga ni hal á wang irangû.

Sawal la giled’a 50:15

Ata yima agi nga kur ndakina, agi yanu. Hina wani, an mba ni sud’ugiya, agi mba suburun mi.

Sawal la giled’a 91:15

Le mi yanu ni, an mba ni humumu. An mba ni ndjunum kur ndak mamba, an mba ni prud’um mbeyo, an mba ni suburum mi.

Sunda hi suma hi Levi-nid’a 26:26

Ata yima an mba ni d’el avungô maginina, aropma dogo a mba gavungôna kur für ma tuna, a mba ngagizi ni ngä; agi mba tumu, wani mba mi hobogi d’i.

Ndumba 27:21

Mi tchol avok ma ngat buzuna Elazar, mi djop kam ki Urima avogon an Ma didina. Mam tamba zlapa kablaud’a hi Israel-lîd’a pet a mba buzuk kei nad’u vun ma hed’a hi Elazar-râ, a mba hulong nad’u vun mam ma hed’a mi.

Josue 7:1

Israel-lâ a le tchod’a ngola kahle suma a d’el kazi ala a yozi d’uo na. Sana tu ad’u andjafâ hi Juda-na a yum ala Akan mam mi Karmi ma Zapdi goromina goroma, abum ngolo ni Zera, mi yo ahle suma Ma didina mi d’el kazina. Ni kayam ndata ba, Ma didina hurum zal ngola yam Israel-lâ.

Josue 9:20

Vama ei mba lum ki sed’ezina ba wana: Ei mba arazi bei tchid’a, kayam gun nda ei gunuzi teid’a. Le d’uo ni, Ma didina hurum mba mi zal keya.

Wana ni mbaktum mba a b’irit yam Rut-ta 1:1

Ni kur atchogoi d’a suma nglo suma avok Israel-lîna a nga te leud’id’a ba, baktarad’a ti nde yam ambasa. Sama Betelehem ma kur ambas sa Juda-d’ina kamamba ki grom suma andjofâ mbà, a mber á i kak yam ambas sa Mowap pa tub’ad’a ndjö.

1 Samuel 10:22

Azi djop Ma didina kua ala: Sa máma mi mba nga ka hî zu? Ma didina mi hulong dazi ala: Agi gologi aduk ahlena, mi nga ngeid’a kä.

1 Samuel 23:11

Na ni suma nglo suma Keila-na a mba han abom zu? Mba mi mba d’igi an azong mangâ ni hum hina zu? Ma didina Alona hi Israel-lîna, ang hulong an azong mangâ humba. Ma didina mi hulongôm humba ala: Nga mi mba.

1 Samuel 23:2

David mi djop Ma didina ala: An i ni dur suma Filistê ndazina zu? Ma didina mi hulong dum ala: Ang i duruziya. Ang mba sut suma Keila-na woyo.

1 Samuel 23:4

David mi djop Ma didina kua. Ma didina mi hulong dum ala: Ang tchol i Keila, kayam an hang wa suma Filistê-na abongû.