2 Samuel 20:9 - Bible azumeina

⁹ Jowap mi de mi Amasa ala: Wiyena, ang hawa ko zu? Mi vum dudumam kabom ma ndjufâ á gum depa ki furîd’a.

2 Samuel 20:9 Iomraidhean Croise

2 Samuel 15:5

Le sana mi mba avok Apsalom á grif kä avoromu ni, mi mat abom mi vumu, mi bed’em kok.

2 Samuel 17:25

Apsalom mi tin Amasa ngola hi azigarîd’a balum Jowap. Amasa ni Jitra ma Israel-lâ goroma; ni ma ve Abigal Nahas goromba, ni d’a Seruya Jowap asum wiyetid’a.

2 Samuel 18:29

Amulâ mi djobom ala: Azongâ Apsalom mi nga hawa ko zu? Ahimas mi hulong dum ala: Ata yima Jowap nga mi sun azong mangâ ki an azong mangâ mi na, an hum siwela ngola, wani an we nga vama mi le ata yi mámina d’i.

2 Samuel 3:27

Kid’a a hulongî Apner avo Hebron-nda, Jowap mi vumï woi avun azina d’igi mi min dum zla d’a gumunda na. Ata yi máma mi tchogom hurum tup. Apner mi mid’a; Jowap mi tchumî yam wiyema Asayel.

1 Amuleina 2:32

Ma didina mba mi ka sariyad’a kamu, kayam mi tchi suma mbà suma a kalam ki d’ingêra ki djivid’a mi na, abun mi we d’uo mi. Mi tchi Apner Ner goroma ma ngolâ hi azigar suma Israel-lîna ki Amasa Jeter goroma ma ngolâ hi azigar suma Juda-nina mi.

Sawal la giled’a 55:21

Sama nana mi mbut ni ir buniyôma, mi b’lak vun mam ma djinda woi mi.

Zla d’a d’ogolâ 26:23

Sama vunam akud’a ma hurum tchod’ina, mi ni d’igi dei ma andaga ma a gulud’um ki sud’o kawei ma hapmina na.

Zla d’a d’ogolâ 27:6

Ngop pa banangâ mi ngobonga nga d’i tak o mam mba kanga woi abua, wani bet ta mang ma djangûna mi bed’eng kokoka ni lop ira.

Jeremi 41:2

Ata yi máma Ismael Netaniya goroma mi tchol akulo zlapa ki suma dogo suma a nga ki sed’ema, a tchi Gedaliya Ahikam gorom ma Safan gorom ngolonina ki mbigeu d’a fiyaka. Ni hina ba, a tchi Gedaliya ma amul ma Babilon-na mi tinim á te yam ambasina.

Mise 7:2

Sama d’engzeng nga kur ambasa d’i, sama irat nga d’uo mi. Azi pet ni suma a bur suma kä á tchid’ina, nge nge pî nga mi gun dauna kä yam wiyema.

Suma ka sariyad’a 3:15

Israel-lâ a nde tchi yam Ma didina; Ma didina mi tchol ki ma sud’uzina Ehut Gera gorom ma ad’u andjafâ hi Benjamin-na, ni ma gulad’a. Israel-lâ a sunum ki he d’a hawad’a mi Eglon amul ma Mowap-ma.