2 Samuel 20:19 - Bible azumeina

¹⁹ Azì ma ngol mamina nazì ma halas ma d’engzeng ma kalâ aduk azì ma Israel-lâ, wani ang nga hal á b’lak abu azì ma ngol máma woyo. Ni kayam me ba, ang nga hal á b’lak azina hi Ma didina máma woi ge?

2 Samuel 20:19 Iomraidhean Croise

Ad’u Tinda 18:23

Abraham mi hut gevemu, mi dum ala: Na ni ang mba b’lak suma d’ingêrâ woi zlapa ki suma tchona zu?

2 Samuel 14:16

Gagazi, ang amulâ mba hum zlad’a hi an wei mangid’a, ang mba prud’un ndei abo sama nga mi halan an á tchid’a ki gorona woi aduk suma Alona mi manazina.

2 Samuel 17:16

Ki tchetchemba, agi sunugi ata David atogo zak, agi dum ala ar mi bur kur fula ata yima suma a djak mbina kua máma andjege hî d’i, wani mi hut tei dei tala a tchum ki sum mama pet tuo d’a.

2 Samuel 20:18

Ata yi máma ti dum ala: Adjeu a nga dala: A hal ad’u zlad’a ni avo Abel, a min ahlena pet ni kua mi.

2 Samuel 20:20

Jowap mi hulong dat ala: An nga ki djib’era á b’lak azina d’oze á dris gulumuna kä woi d’i!

2 Samuel 21:3

David mi de mi suma Gabawon-na ala: An lagi ni me ba, agi mba vad’agi hurugi woi á b’agi vunagi woi yam suma hi Ma didinina ge?

1 Amuleina 8:53

Ni ang ba, manami aduk suma á mbud’umi sum mangâ d’igi ang de woi mazong mangâ Moise na ata yima ang buzugï abuyomi ngolo woi kur ambas sa Ezipte-d’ina!

Sawal la giled’a 106:5

kayambala an we haheîd’a hi mang suma mandid’a d’a, an le furîd’a kandjaf sum mangâ, tan ndi lan zlezleû ki suma a te djo mangîna mi.

Sawal la giled’a 124:3

kur hur mazi ma zal ma keina, a mba ligi ni karid’a.

Sawal la giled’a 33:12

Andjaf suma Ma didina nAlo mazinina a le furîd’a; suma mi manazi d’igi djo mama na na a le furîd’a mi.

Sawal la giled’a 78:71

Mi vumï woi ata yima nga mi pol tumiyônina, kayam mi mbut ma pol sum mama andjafâ hi Jakob-ma, Israel sumala ni djo mama na.

Jeremi 51:34

Jerusalem ti dala: Nebukanezar amul Babilon-na mi kizagan ndeyo, mi b’lagan ndei mi. Mi mbud’un ni d’igi dei ma va nga kua d’uo na na, mi ni d’igi ambur ma a yum ala dragona na, mi ligin wa, mi hop wa hayam kahle man suma djivina, mi vinin wa woyo.

Jeremi 51:44

An mba ni ngop Bel alo ma avo Babilon-na, an mba ni pat vama mi ligima woi avunamu, andjaf suma a mba i gevem mbuo d’a. Gulumun ma Babilon-na tamba mi to wa kä woyo.

Hor ma tchina 2:16

Mak suma djangûna pet a nga mal vunazi á dak zla d’a tchod’a, a mba tchi feta, a mba et siyazi a dala: Ei b’lagat wa! Gagazi, wana ni bur ma ei tini huri kama! Ei mbei wa kuru, ei weizi wa mi!

Hor ma tchina 2:2

Salad’a mi b’lak yima kaka hi suma hi Jakob-ma woi bei mi wum hohowom ba. Kur ayî mama mi to azì ma nglo ma ad’eng ma ngunguna hi Juda-na woyo, mi tom kä woi andaga, mi mbut leud’a zulona ki mat suma nglona pet mi.

Hor ma tchina 2:5

Salad’a mi mbut tam d’igi ma djangûna hi Israel-lîna na, mi b’lak Israel-lâ woyo, mi b’lak azì mazi ma nglo ma amula woyo, mi b’lak azì mazi ma ad’eng ma ngunguna woyo, mi zul tchina ki zam tad’a avo Juda.

Ndumba 16:32

Andagad’a ti ngo vunat tei ti ligizi ki sum mazina ki suma hi Kore-na kahle mazina pet mi.

Ndumba 26:10

Andagad’a ti ngo vunat ti ligizi zlapa ki Kore, ata yima sum mama a bona, akud’a ti ngal suma dingâ kikis mbà yam dok vahl mi. Azi mbut ni vama ge humba mi suma.

1 Korente-na 15:54

Fata ta d’a matna ti tchuk ta d’a bei matnid’a, ta matna mba tchuk ta bei matnid’a mi, ata yi máma, zla d’a a b’irit kur mbaktumba hAlonid’a ala: Kusa ndak wa memet, matna a b’lagam wa woyo d’a mba d’i ndaga.

2 Korente-na 5:4

Ata yima ami nga kur zlub’u ndata tua na, ami nga zamami tami d’igi sama nga mi zi anekina na, nala, ami min fogomi hliwimi ma yam andagad’ina woyo d’i, wani ami min tchugumi hliu ma akulona atamiya, kayam arid’a kal yam matna.

Gat ta a hat á mbàd’id’a 20:10

Le agi mbagi sä wa avun azina go á durâ ni, agi dagi suma hur azì mámina ki del la djivid’a á mba ki halasa.

Gat ta a hat á mbàd’id’a 32:9

Wani b’raud’a hi Ma didinid’a ni Israel-lâ, andjafâ hi Jakob-ma ni djo mama.

1 Timote 2:2

yam amuleina, yam suma te yamba pet mi, kayam ei kagei tchugot ki b’leng nga halasa á le mandar Alona, á tid’i memet á gei yei kä avorom mi.

Suma ka sariyad’a 5:7

Suma gangrangâ a nga aduk Israel-lâ d’uo d’a, sa nga d’uo gak an Debora ni tchol akulo, an tchol akulo d’igi asu suma na aduk Israel-lâ.

1 Samuel 10:1

Samuel mi hle gugur ra mbul la nga abomba, mi vo mbulâ yam Saul, mi vum atamu, mi dum ala: Ni Ma didina tamba ba, mi manang tining amula yam sum mama.

1 Samuel 26:19

Ki tchetchemba, salana amul mana, ang hum zlad’a hi an azong mangîd’a. Le Ma didina mi zud’ung á kak djangûna ki sed’en ni mamu ni, ar mi ve he d’a hawad’a. Le d’i tcholï nata suma ni, ar Ma didina mi gazi vuna, kayam ni azi ba, a nga digin ini á walan ndei kandaga d’a Ma didina mi hat mi sum mamid’a. Ni d’igi azi nga dan ala: Ang i kud’or alo ma dingâ na.