2 Samuel 20:15 - Bible azumeina

¹⁵ Jowap azi mba a ngui Seba avo Abel-Bet-Mäka, azi mbu andagad’a akulo ad’u gulumuna gak ti ndjak ki gulumuna. Jowap ki sum mama pet a nga djugot ad’u gulumuna á drizim kä.

2 Samuel 20:15 Iomraidhean Croise

2 Samuel 20:14

Jowap mi tchuk andjafâ hi Israel-lîna woi blogom pet, mi mbaza Abel-Bet-Mäka; suma hi Bikri-na pet a tok tazi a i ad’u Seba mi.

1 Amuleina 15:20

Ben-Hadat mi ve zlad’a hi Asa-d’a, mi sun azigar mam suma nglo suma ad’engâ. A ngruf azì ma Israel-lâ durâ, a dur Ijon ki Dan ki Abel-Bet-Mäka kazì ma avun apod’a Kinerot-tina kambas sa Neftali-d’a pet mi.

2 Amuleina 15:29

Kur atchogoi d’a Peka amul ma Israel-lâ nga mi tamulid’a, Tiglat-Pileser amul ma Asiri-na, mi mba mi hlazì ma Ijon-na, Abel-Bet-Mäka, Janowa, Kedes, Hasor kambas sa Galät-ta ki d’a Galile-d’a kandaga d’a Neftali-d’a pet. Mi yo suma kuruzina pet, mi izi Asiri.

2 Amuleina 19:32

Isai mi de kua ala: Alona mi dala: Wana ni vama an Ma didina nga ni dum yam amul ma Asiri-nina: Mam mba mi kal ka hî kur azì ma ngol ma wana d’i, azigar mam tu pî mba mi yet yeûd’a kurum mbi, sa tu pî mba mi mba ki mbareid’a avorom mbi, sa tu mba mi mbu andagad’a akulo ad’um á dur ki sed’em mbuo mi.

Ma tchi wala 9:14

An wazì ma gorâ mi nga, suma a nga kurum ablau d’uo mi. Amul ma ad’engâ mi mba atam á dur ayîna, mi nguyum kä, mi mbu andagad’a akulo ad’um ngola.

Isai 37:33

Isai mi de kua ala: Alona mi dala: Wana ni vama an Ma didina nga ni dum yam amul ma Asiri-na: Mam mba mi kal ka hî kur azì ma ngol ma wana d’i, azigar mam tu pî mba mi yet yeûd’a kurum mbi, sa tu pî mba mi mba ki mbareid’a avorom mbi, sa tu pî mba mi mbu andagad’a akulo ad’um á dur ki sed’em mbuo mi.

Jeremi 32:24

Gola! A nga mbu andagad’a ad’u azì ma ngol ma wana á hlumu. A mba hazì ma ngol máma abo suma Babilon suma a nga durum ayînina. A nga hal á hlum kayî ma durâ ki baktarad’a ki tugud’ei d’a tcho d’a tchi matna mi. Zla d’a ang data ti ndak wa, ang nga golot ki irang mi.

Jeremi 33:4

Ni hina ba, an Ma didina Alona hi Israel-lîna ni de yam gongîyo suma kur azì ma ngol ma wanina, yam azì ma amula hamulei suma Juda-na ma a nga tom kä woi kandaga d’a a mbut ad’umba kayî ma durîna.

Jeremi 6:6

Kayam Ma didin ma ad’engêm kal petna mi dala: Agi kagi aguna kä woyo, agi mbugi andagad’a akulo ad’u Jerusalem. Nazì ma ngol ma ndak á ngopina, kurut ni djop vuna vam tu.

Ezekiyel 4:2

Bugola, ang nguyum kä kayîna, ang lak azigarâ adesâ adesâ nguyum mbei d’uhl, ang mbu andagad’a ad’um akulo, ang ve kangâ, ang tin vama to gulumuna, ang nguyum mbei d’uhl mi.

Wana ni Zla d’a Djivi d’a Luc mi b’irita 19:43

Kayam burâ nga mba kagiya, magi suma djangûna a mba nguyugi ki gulumuna, a mba hebegi abo yina pet.