2 Samuel 20:1 - Bible azumeina

¹ Wani sama bateina mi nga kua, a yuma ala Seba; ni Bikri ma Benjamin-na goroma. Mi bu adifa mi dala: Va mi ndolei nga ki David ti. Ei nga tei djo aduk tei ki Jesse goroma d’i. Agi Israel-lâ nge nge pî, mi hulong avo hatamu!

2 Samuel 20:1 Iomraidhean Croise

Ad’u Tinda 46:21

Benjamin groma ni Bela, Beker, Asbel, Gera, Näman, Ehi, Ros, Mupim, Hupim ki Arde.

2 Samuel 15:10

Apsalom mi tchuk suma d’u yina ad’u andjafâ hi Israel-lîna, mi dazi ala: Le agi humugi adifa tchina ni, agi dagi ala: Apsalom sä tamula avo Hebron.

2 Samuel 16:11

David mi de mi Abisai kazungeî mama pet ala: Gola! Goron ma kuruna tamba pî nga mi halan á tchid’a. Ma Benjamin máma zla mamba djivid’a kal luo zu? Agi aram mi ngula. Ma didina mi hum vuna ni mamu.

2 Samuel 16:7

Simei nga mi krak David ngula ala: Ang huttcha woyo, ang huttcha woyo, angî ma tchi suma, angî ma hawa ya’â!

2 Samuel 18:17

A hle Apsalom, a gum kur zul la ngol la aduk agud’id’a, a togom ahinad’a kam gindiu. Suma hi Apsalom suma a arâ a ringâ, nge nge pî mi i avo hatamu.

2 Samuel 20:2

Israel-lâ pet a wal lei ki David, a zlap ki Seba Bikri goroma. Wani suma Juda-na a ve tazi ki David, a tcholï ki sed’em dei gak a mba ki sed’em Jerusalem.

2 Samuel 20:22

Atcha ndata ki ne mata, ti i avo gen suma kur azinina pet. A ngad’ï yam Seba Bikri goroma, a gattcha mi Jowap yam gulumuna. Jowap mi bu adifa, suma a b’rau woi a ar azì máma; nge nge pî mi i avo hatamu. Jowap tamba mi hulong avo Jerusalem gen amulâ mi.

2 Samuel 23:6

Wani suma bateina pet a ni d’igi awei d’a kat gat tei ba sa nga mi vat kabom mbuo d’a na.

1 Amuleina 12:16

Ata yima Israel-lâ pet a wala amulâ mi min nga zla mazid’a d’uo na, a dum ala: Va mi ndolomi nga ki David ti. Ami nga tami djona ki Jesse gorom mbi! Agi Israel-lâ, ar nge nge pî mi hulong avo kur zlub’u mamba! A dum kua ala: Ki tchetchemba, ang David goroma, ang tamul manga! Ni hina ba, Israel-lâ a i avo hataziya.

1 Amuleina 21:10

Agi tchologi suma asa’atna mbà avoromu, a tchugum zlad’a kam ala: Ang ngul Alona, ang ngul amulâ mi! Bugola, agi im mbei kel azina, agi durum kahinad’a baba, mi mid’a.

2 Sunda Hamuleinid’a 10:16

Ata yima Israel-lâ pet a wala amulâ mi min nga zla mazid’a d’uo da na, a dum ala: Va mi ndolomi nga ki David ti. Ami nga tami djona ki Jesse gorom mbi! Agi Israel-lâ, ar nge nge pî mi hulong avo kur zlub’u mamba! A dum kua ala: Ki tchetchemba, ang David goroma, ang tamul manga! Ni hina ba, Israel-lâ a i avo hataziya.

2 Sunda Hamuleinid’a 10:6

Robowam mi djop suma nglo suma a kak kabum Salomon kid’a mi nga iram tua d’ina ala: Agi dandiya! An i ni de mi sum ndazina nana ge?

Sawal la giled’a 17:13

Ma didina, ang tchol akulo, ang ngavaziya, ang zud’uzi kä, ang prud’un ndei abo suma asa’atna ki mbigeu mang nga fiyaka.

Sawal la giled’a 34:19

Ma didina mi nga go ki suma huruzi b’la’â, nga mi sut suma huruzi nga mi vazi yam tcho mazid’ina mi.

Zla d’a d’ogolâ 25:8

Ang kal tang ata yima ka sariyad’a atogo zak ki. Le ndrangâ mi mbud’ung wa zulona ni, ang mba le ni nana ge?

Zla d’a d’ogolâ 26:21

Sama nga mi hal huneîd’a heîna, mi ni d’igi gordjo ma a tchugum yam kiwilîna na, d’igi agu ma a tchugum aku á vakud’ina na mi.

Marik 3:24

Le ba leu d’a tud’a ti wal kä mbà á dur tad’u ni, leu ndata ti ndak á kak kuo d’a.

Wana ni Zla d’a Djivi d’a Luc mi b’irita 19:14

Wani suma yam andaga mambina a noyômu, a ge sunda blogomu, a dala: Ami min sa máma mi te kami d’i.

Wana ni Zla d’a Djivi d’a Luc mi b’irita 19:27

Wani man suma djangû suma a min an te kazi d’uo na, agi mbeyendjï ka hî, agi tchazi kä woi avoron wana.

Jean 13:8

Pierre mi hulong dum ala: Ang ndak á mbuzun asen ndi. Jesus mi hulong dum ala: Le an mbuzung aseng nguo ni, angî mana d’i.

Gat ta a hat á mbàd’id’a 13:13

Suma zlazi nga d’uo na a tchol adigagi á lop suma a nga kaka kur azì ma ngolîna ala: Ar ei i kud’orei alo ma ding ma tetengâ, nala, ma agi wum nga yagi tu d’uo na ni,

Suma ka sariyad’a 19:22

Ata yima a nga le furîd’ina, gol wani, suma kur azì ma ngolîna, ni suma asa’atna, a ngui azina, a nga tum vun agre’â zazak, a nga de mi sama mamar mazina ala: Ang ndami sama kal avo hatang adjïna woi abua, kayam ami burumi ki sed’emu.

Suma ka sariyad’a 3:27

Ata yima mi mbazina, mi bu adifa yam ahinad’a hi Efraim-mba. Israel-lâ a togï gevem yam ahinad’a, mi ge tam avoroziya.

Wana ni mbaktum mba a b’irit yam Rut-ta 2:3

Rut ti iya, nga d’i tchi helena bugol suma zawuna, ti nde ni kur asinena hi Bowas ma ad’u andjafâ hi Elimele’îna.

1 Samuel 13:2

Saul mi man suma aduk Israel-lâ 3000. Suma 2000 a kak ki sed’em Mikmas, a kak yam ahina d’a Betel-la mi; suma 1000 a kak ki Jonatan avo Gibeya d’a Benjamin-nda. Saul mi tchuk Israel suma a arâ a i avo hataziya.

1 Samuel 2:12

Eli groma ni suma zlazi nga d’uo na, a we nga Ma didina d’i.

1 Samuel 30:22

Suma tcho suma hawa yak suma a nga aduk suma a i ki David-na a dala: Azi i nga ki ei d’uo da ni, ei hazi ahle suma ei prud’uzïna d’i; nge nge pî ei hum amamba ki groma hol, azi i ki sed’eziya.