2 Samuel 2:1 - Bible azumeina

¹ Bugol ahle ndazina, David mi djop Ma didina ala: An i kur azì ma ngol ma Juda ma ding tu zu? Ma didina mi hulong dum ala: Ang iya! David mi djobom ala: An i ni lara ge? Ma didina mi hulong dum ala: Ang i Hebron.

2 Samuel 2:1 Iomraidhean Croise

Ad’u Tinda 13:18

Ata yi máma Abram mi hô zlub’u mamba, mba mi kak ad’u agu ma nglona hi Mamre ma nga Hebron-na, mi min yima ngal ahle suma ngat buzuna mi Ma didina kua.

Ad’u Tinda 32:2

Ata yima Jakob mi wazina, mi er ad’um akulo ala: Ihî ni yina hAlonina, mi yi yi máma ala Mahanayim.

2 Samuel 15:7

Avun dabid’a hi biza d’a fid’id’id’a, Apsalom mi de mamulâ ala: Ang aran lovota an i Hebron á ndak vun vun ma hle ma an hlum mi Ma didinina.

2 Samuel 2:11

David mi tamula yam suma Juda-na avo Hebron bizad’a kid’iziya ki tilâ karagaya.

2 Samuel 5:19

David mi djop Ma didina ala: An i dur ayîna ki suma Filistê-na zu? Ang mba handji abon ndju? Ma didina mi de mi David ala: Ang iya! An mba ni hangzi abongû.

2 Samuel 5:23

David mi djop Ma didina kua. Ma didina mi hulong dum ala: Ang i d’i. Ang mbud’ï blogoziya, ang tezezi ngagad’a yam agu murâ teteng.

1 Amuleina 2:11

Mi tamula bizad’a dok fid’i yam Israel-lâ, nala, bizad’a kid’iziya avo Hebron, bizad’a dok hindi yam hindi avo Jerusalem mi.

1 Sunda Hamuleinid’a 29:7

yam suna gong nga kud’ora hAlonid’a. A he lora tonna kis kam dok kid’iziya, bege d’a lora dubu, kawei ma hapma tonna kikisa hindi, kawei ma hleuna go ki tonna kikisa karagaya ki kawei ma wurana tonna dudubud’a hindi mi.

2 Sunda Hamuleinid’a 11:10

Sora, Ajalon ki Hebron. Azì máma pet nazì ma nglo ma ad’eng ma ngungu ma yam andaga d’a Juda-d’a ki d’a Benjamin-ndina.

Sawal la giled’a 143:8

Ki yorogod’a ang aran an hum zla o mang nga bei dabid’a ba d’a, kayam an tin hurun ni kayam angû. Ang tagan lovot ta ndak an tit kuad’a, kayam an he tan ni mi angû.

Sawal la giled’a 27:4

An nga ni tchen Ma didina yam vama an nga ni halam ki hur ma hatina: Nala, an min kak kur gong nga kud’ora hi Ma didinid’a teteu gak mat mana á gol subur mamba, á gol gong mam mba kud’ora ki furîd’a mi.

Ezekiyel 36:37

Gola! Salad’a Ma didina mi dala: An mba ni ar lovota mi Israel-lâ a mba yan á ndjunda, an mba ni hulongôzi humba, an mba ni zuluzi d’igi d’uwarâ na mi.

Ndumba 13:22

A hle lovot ta abo ma sutnid’a, a i gak a mbaza Hebron ata yima Ahiman, Sesai ki Talmai Anak groma a nga kuana. Hebron a minit ni bizad’a kid’iziya avok Sowan nda Ezipte-d’a.

Ndumba 27:21

Mi tchol avok ma ngat buzuna Elazar, mi djop kam ki Urima avogon an Ma didina. Mam tamba zlapa kablaud’a hi Israel-lîd’a pet a mba buzuk kei nad’u vun ma hed’a hi Elazar-râ, a mba hulong nad’u vun mam ma hed’a mi.

Josue 15:13

A he Kalep Jefune goroma andagad’a djona aduk andjafâ hi Juda-na d’igi Ma didina mi he vuna mi Josue na. A hum Kiriyat-Arba d’a a yat ala Hebron-nda. Arba ni Anak abumu.

Suma ka sariyad’a 1:1

Bugol matna hi Josue-na, Israel-lâ a djop Ma didina ala: Nandjaf ma lara adigami ba, mi i avok kikidji á dur suma Kanan-na ge?

1 Samuel 10:22

Azi djop Ma didina kua ala: Sa máma mi mba nga ka hî zu? Ma didina mi hulong dazi ala: Agi gologi aduk ahlena, mi nga ngeid’a kä.

1 Samuel 23:2

David mi djop Ma didina ala: An i ni dur suma Filistê ndazina zu? Ma didina mi hulong dum ala: Ang i duruziya. Ang mba sut suma Keila-na woyo.

1 Samuel 23:4

David mi djop Ma didina kua. Ma didina mi hulong dum ala: Ang tchol i Keila, kayam an hang wa suma Filistê-na abongû.

1 Samuel 30:31

mi suma Hebron-na, ata yima ma lara ma David mi tit ki sum mama kua adjeuna.