2 Samuel 19:8 - Bible azumeina

⁸ Ata yi máma amulâ mi tchola, mi kak kei avun agre’â. A de mi suma pet ala: Gola! Amulâ mi kak nga woi avun agre’â. Suma pet a mbeï avoromu. Suma hi Apsalom-ma a wet ringâ, nge nge pî mi i avo hatamu.

2 Samuel 19:8 Iomraidhean Croise

2 Samuel 15:2

Mi nde yorogo tcholol, mi tchol abu avun lovot ta i avun agrek ma i Jerusalem-mid’a. Kur burâ pet sama nga mi i gen amulâ á b’ak sariya mambina, Apsalom nga mi yum mi djobom ala: Ang tcholï ni kur azì ma ngol ma larina ge? Le mi hulongôm ded’a ala: An azong mangâ ni tcholï nad’u andjofâ hi Israel ma hina ni, Apsalom mi hulong dum ala:

2 Samuel 18:17

A hle Apsalom, a gum kur zul la ngol la aduk agud’id’a, a togom ahinad’a kam gindiu. Suma hi Apsalom suma a arâ a ringâ, nge nge pî mi i avo hatamu.

2 Samuel 18:24

David mi nga kaka kä avun agre’â kur djola avun azina. Sama ndjola mi djak akulo yam gong nga a minit akulo yam gulumuna avun agre’â á ndjolid’a, mi bong iram mi gol yina. Gol wani, sana nga mi djï ringâ vam tu.

2 Samuel 18:4

Amulâ David mi hulong dazi ala: An mba ni le vama agi minima. Ata yima suma nga buzuk kades ma kikisâ ki ma dudubunina, amulâ David mi ar tchola avun azina.

2 Samuel 19:3

Kur bur máma tamba suma a kal avo ki ngeid’a ki zulona d’igi suma a ringî avun ayînina na.

1 Amuleina 22:36

Kid’a afata ar go a nikid’a, a nga er ad’uzi akulo kur kangâ ala: Nge nge pî mi hulong avo hatamu, nge nge pî mi i kur aziyamu.

2 Amuleina 14:12

Azigar suma Israel-lâ a kus yam suma Juda-na; a wet ringâ, nge nge pî mi i avo hatamu.

2 Amuleina 8:21

Joram mi i Sayir ki pus mam ma dur ayîna pet. Kandjege dangâla mi tcho aduk suma Edom suma a nguyuma zlapa ki nglo suma yam pus mam ma dur ayînina. Wani azigar suma Juda-na a ring avo hataziya.

1 Samuel 4:10

Suma Filistê-na a nde dur Israel-lâ, a kus kaziya, a tchi azigar suma mayâd’a aduk Israel-lâ 30.000. Israel-lâ a wet ringâ, a i avo hataziya.