2 Samuel 19:24 - Bible azumeina

²⁴ Mefibäl Saul gorom ngolona mi i á d’ugol amulâ mi. Mi min nga asem mboze mi wel nga dudumam mboze mi mbus nga baru mam mbei d’uo mi, kur bur ma amulâ mi nde woi kur Jerusalem-ma gak hulong mam mba mi mbeï ki halasid’a.

2 Samuel 19:24 Iomraidhean Croise

2 Samuel 12:20

Ata yi máma David mi tchol akulo, mi mbus tam mbeyo, mi le mbulâ atamu, mi tchuk baru d’a dinga atamu, mi i kur gong nga kud’ora hi Ma didinid’a, mi grif kä á kud’or Ma didina, bugola mi i avo hatamu, mi dazi ala a humï tena, mam të.

2 Samuel 15:30

David mi hle lovot ta yam ahina d’a Olif-fa, mi zlup barud’a kamu, nga mi tchiya, nga mi tit bei atuguruna asemu. Suma pet suma a nga ki sed’ema a zlup barud’a kaziya, a nga tchi mi.

2 Samuel 16:3

Amulâ mi dum ala: Salangâ goroma mi nga ni lara ge? Siba mi hulong de mamulâ ala: Mi ar sä kaka Jerusalem, kayam mi dala ki tchetchemba Israel-lâ a hulongôm amula habum ngolo Saul-la.

2 Samuel 9:11

Siba mi de mamulâ ala: An azong mangâ mba ni lahlena pet d’igi ang salana amulâ han vuna na. David mi de kua ala: Mefibäl mba mi te yam tabul mana d’igi amulâ goroma na.

1 Amuleina 2:8

David mi dum kua ala: Wani ang mar yam Simei Gera gorom ma kur azì ma Bahurim ma kur ambas sa Benjamin-ndina d’i. Mi gan vuna ngola kur bur ma an ring kur ambas sa Mahanayim-mbina, wani kid’a an hulongîd’a, mam mba avun alum ma Jurdê-na á d’ugulonu. Ata yi máma an gunum tan avok Ma didina ala an tchum mbi.

Buzuk ka Abud’a 19:10

Ma didina mi de mi Moise ala: Ang i gen Israel-lâ, ang tinizi irazi vazi ini kavini, ar azi mbus baru mazina woi yed’et mi.

Isai 15:2

Suma Dibon-na a djak akulo kur gong nga fileina yam yima ndingâ á tchina, suma Mowap-ma a nga tchi yam Nebo ki Medeba, a wel yazi woyo, a tchau dudumazi woi pet mi.

Jeremi 41:5

suma dok klavandi a tcholï Sikem ki Silo ki Samari ki dudumazi wela woyo, ki baruna haûd’a woi ataziya, ki tazi b’asa, a yoï he d’a hawa d’a afuta ki dubang ma his djivid’ina á hed’a kur gong nga kud’ora hi Ma didinid’a.

Matiye 6:16

Jesus mi had’azi kua ala: Ata yima agi d’elegi tagi bei te tenina, agi mbud’ugi tagi hohoud’a d’igi suma lop ira a nga le hina d’i. Kayam azi mbut tazi hohoud’a kayam suma a wazi ala azi nga d’el tazi bei te tena. Gagazi, an nga ni dagiya, a fe wa wurak mazid’a da’.

Romê-na 12:15

Ar agi lagi furîd’a ki suma a nga le furîd’ina. Ar agi tchigi ki suma a nga tchina mi.

Hebre-na 13:3

Agi djib’eregi yam suma a nga kur dangeinina, d’igi agi nga ni ki sed’ezi kur dangeina na mi. Agi djib’eregi yam suma suma a nga djobozi vunazina d’igi agi nga ni ki sed’ezi kur djop vuna na mi.