2 Samuel 19:23 - Bible azumeina

²³ Amulâ mi de mi Simei ala: An gunung tanu, sa nga mi tchang ngi.

2 Samuel 19:23 Iomraidhean Croise

2 Samuel 16:10

Amulâ mi hulong de mi Abisai ala: Agi Seruya grotna vama ndologi ki an ni me ge? Le mi ngulunu, le Ma didina mi dumî mam ala mi ngulunu ni, ni nge mba mi dum ala: Ni kayam me ba, ang le hina ge ge?

2 Samuel 19:24

Mefibäl Saul gorom ngolona mi i á d’ugol amulâ mi. Mi min nga asem mboze mi wel nga dudumam mboze mi mbus nga baru mam mbei d’uo mi, kur bur ma amulâ mi nde woi kur Jerusalem-ma gak hulong mam mba mi mbeï ki halasid’a.

1 Amuleina 2:37

An nga ni dang ngei avogo, bur tu le ang nde woi kur Jerusalem, ang djak toliyon nda Kedron-nda ni, an mba ni tchangû. Zla ndata ni kang angû.

1 Amuleina 2:46

Ata yi máma amulâ mi he vuna mi Benaya Jehojada goroma ala: Ang nde sä woi ki Simei avoron ang tchumu! Wana ni matna hi Simei-na. Ata yi máma amula hi Salomon-nda ti sira ad’enga ngingring.

Hebre-na 6:16

Kayam suma a nga gun tazi ni ki vama ngol ma kalazina, hina wani gun ta ndata mba d’i d’el tuguyod’a adigaziya.

1 Samuel 11:13

Wani Saul mi dazi ala: Ar sa mi tchi sa kur bur ma inina d’i, kayam bur ma inina ni bur ma Ma didina mi sut Israel-lâ kurâ.

1 Samuel 28:10

Saul mi gunut tam avok Ma didina ala: Ma didina ni Ma bei matna! Va nga mi lak kur zla ndata tu d’i.

1 Samuel 30:15

David mi dum ala: Ang min tinin ata yima azigar ndazina a nga kuana zu? Mi hulong dum ala: Ang gunun tang avok Alona ala ang mba tchan ndoze ang han abo salana d’i. Hina wani, an mba ni tagang yima azigarâ a nga kuana.