2 Samuel 19:22 - Bible azumeina

²² Wani David mi de mi Seruya grotna ala: Vama ndologi ki an ni me tala agi mbud’ugi man suma djangûna d’a ge? Kur bur ma inina sana ndak á tchi sana aduk Israel-lâ zu? An we ini ala ni an ba ni tamula yam Israel-lâ d’uo zu?

2 Samuel 19:22 Iomraidhean Croise

2 Samuel 16:10

Amulâ mi hulong de mi Abisai ala: Agi Seruya grotna vama ndologi ki an ni me ge? Le mi ngulunu, le Ma didina mi dumî mam ala mi ngulunu ni, ni nge mba mi dum ala: Ni kayam me ba, ang le hina ge ge?

2 Samuel 16:5

Amulâ David mi i gak mi mbaza Bahurim. Gol wani, sama ad’u adesâ hi Saul ma a yum ala Simei ma Gera goromina, mi ndeya, nga mi krak David ngula.

2 Samuel 16:9

Ni kayam ndata ba, Abisai Seruya gorotna mi de mamulâ ala: Ni kayam me ba, adi ma matna vam baba ba, mi ngulung ang salana amul mana na ge? Ang aran an i ni kam yam mbeyo!

2 Samuel 3:39

An namulâ pî ni, namangeîd’a tua. Sum ndazina Seruya grotna, azi ad’enga kalanu. Ar Ma didina mi wurak sama tcho máma ndak yam tcho mam mba mi lata.

Isai 16:5

ata yi máma, yam djivi magid’a a mba tin zlam mba amul la ad’enga aduk andjafâ hi David-na. Ma dingâ tu mba mi kak kad’u, mba mi he tam á ka sariyad’a ki d’ingêra, tam mba d’i lum djivid’a yam sun nda irata mi.

Matiye 8:29

Wani sum ndazina a er ad’uzi akulo, a dum ala: Vama mi ndolong ki ami ni me ge? Ang Alona Goroma, ang mba ka hî á lami ndaka bei yina ndak su?

1 Samuel 11:13

Wani Saul mi dazi ala: Ar sa mi tchi sa kur bur ma inina d’i, kayam bur ma inina ni bur ma Ma didina mi sut Israel-lâ kurâ.

1 Samuel 26:11

Ar Ma didina mi ngomon á tin abon ata ma mam tinim amulina! Ang hle ni asap pa nga ped’a kamba ki gugur ra mbina go, ei iya.

1 Samuel 26:8

Abisai mi de mi David ala: Alona mi hang ini mang ma djangûna abongû. Aran an tchogom kasap mamba; ni b’alamzi kä woi andaga kabon ma tuna bei ni tchogom yan á mbàd’a ba!

1 Samuel 26:9

Wani David mi de mi Abisai ala: Ang tchum mbi! Ang we nga d’ala sama tin abom ata ma Ma didina mi tinim amulina, zlad’a nga kamu, d’uo zu?