2 Samuel 18:18 - Bible azumeina

¹⁸ Kid’a Apsalom mi nga ki iram tua d’a, mi min asu d’a ge humba kur hora hamulîd’a, kayam mi dala: An goron nga d’ala sa mba mi yan ki simiyên avin ndi. Mi yasu d’a ge hum ndata ki simiyêm mam tamba, a nga yat gak ini ala Asu d’a ge humba hi Apsalom-mba.

2 Samuel 18:18 Iomraidhean Croise

Ad’u Tinda 11:4

A de tazi kua ala: Ei i mini azì ma ngolâ ki gong nga ngol la fiyak ka yat do hur alonid’a, ar simiyeî mi yiya, kayam ei b’rawei woi yam andagad’a d’i.

Ad’u Tinda 11:9

Ni kayam ndata ba, a yi yi máma ala Babel, kayam ni kua ba, Ma didina mi gizeî vuna hi suma yam andagad’ina woi pet; ni kua ba, Ma didina mi b’rau suma woi yam andagad’a pet mi.

Ad’u Tinda 14:17

Kid’a Abram mi kus yam Kedorlaomer kamulei suma a nga zlapa ki sed’ema kusa, mi hulongîya; amul ma Sodom-ma mi nde woi á ngavam kur hor ra Save-d’a, nala, hora hamulîd’a.

2 Samuel 14:27

Apsalom mi vut gro andjofâ hindi ki gor atchad’a tu, a yat ala Tamar. Ti djif heî mi.

Sawal la giled’a 109:13

Ar andjavam mi dap peyo, ar simiyêm mi sil lei kur atchogoi d’a nga d’i mbad’a!

Sawal la giled’a 49:11

Ei nga wei suma ned’a a nga bo, suma lilid’a ki suma yazi nga d’uo na pî, a nga bo mi. A nga ar bege mazid’a woi mi suma dingâ.

Isai 22:16

Ang le ni me ka hî ge? Ni me mangâ nga ka hî ba, ang djugot zulung ka hî ge? Ang djugot zulung akulo yam yima ndingâ, ang tcho ahinad’a á min yi mang ma tos tangâ akulo yam ahinad’a ge?

Jeremi 22:30

Mi dala: Ar a b’ir sa máma d’igi sama bei grona na, ni sama mi fe nga djivid’a kur kak mamba d’uo na. Andjavam tu pî mba mi fe lovota á kak yam zlam mba amula hi David-ta d’i, tu pî mba mi fe lovota á te leud’a yam azì ma Juda-na d’uo mi.

Daniel 4:30

mi de ki delem akulo ala: Wana ni Babilon nda ngol la an minit yima kaka hamulîna ki sib’ika had’eng manda yam ngol manda ki subur mandid’a d’uo zu?

Ndumba 32:42

Noba mi i dur ayîna, mi hle azì ma Kenat-na kazì ma teteng ma nguyuma, mi yum ki simiyêm ala Neba.

1 Samuel 15:12

Ki yorogo tcholola mi i á ngaf ki Saul. Mi hum ala Saul mi i wa Karmel, mi pahinad’a á yï simiyêmu, mi tchol mi i Gilgal.