2 Samuel 17:23 - Bible azumeina

²³ Ata yima Ahitofel mi we d’ala a ve nga d’al mama d’uo d’a, mi nga yam koro mama, mi i avo hatamu, mi de vunam mi sum mama, mi tchuk ziyona kelem mi tchi tamu. A tozom kur zula habumba.

2 Samuel 17:23 Iomraidhean Croise

2 Samuel 15:12

Kid’a Apsalom nga mi he he d’a hawa d’a ngat buzunid’a, mi ge sunda hur azì ma ngol ma Gilo-na, mi yï Ahitofel ma de d’alâ mi David-na. Ndjak vun mazi ma gumun máma mbut ngola; suma ablaud’a a i ad’u Apsalom.

2 Samuel 15:31

A mba de mi David ala: Ahitofel mi nga aduk suma a ndjak vunazi tu ki Apsalom-ma. David mi dala: Ma didina, an nga ni tchenengû, ar ang b’lak d’alâ hi Ahitofel-lâ woyo.

2 Samuel 16:23

D’al ma Ahitofel mi dum ata yi mámina mi kad’enga d’igi sana mi djop nAlona tamba na. D’alâ hi Ahitofel-lâ mi djivid’a ir David kid’a mi nga ki sed’emba, mi djivid’a ir Apsalom mi.

2 Samuel 17:22

David azi ki sum mama pet a tchol a djak alum ma Jurdê-na. Tcha yorogod’a, sama ar sä abo aluma abo hî bei djak keina nga d’i.

1 Amuleina 16:18

Ata yima Zimri mi wala azigarâ a hle wa azina da na, mi kal kur azì ma amula, mi do akud’a kamu, mi ngal tam mbeyo.

2 Amuleina 20:1

Kur atchogoi ndata Ezekiyas mi ve tugud’eid’a á matna. Ma djok vun Alona Isai Amot goroma mi mba gevemu, mi dum ala: Ezekiyas, Ma didina mi ala: Ki tchetchemba, ang de vunang mi sum mangâ, kayam ang mit ni mid’a, ang nga tchol akulo d’uo d’a.

Wana ni mbaktumba hi Job-pa 31:3

Hohoud’a ni yam suma asa’atna, kid’eî ira ni yam suma a nga le sun nda tchod’ina mi d’uo zu?

Sawal la giled’a 109:20

Ma didina mba mi wurak suma a tchugun zlad’a kan suma a nga de zla d’a tchod’a kan mi na.

Sawal la giled’a 5:10

Zla d’a ti irata nga avunazi d’i; huruzi oîd’a ni ki murud’umba; horzlom delezi ni d’igi asu d’a vunat nga mala woid’a na; sinazi afefeta á lop suma.

Sawal la giled’a 55:23

Ang tchuk ahle suma a hang djib’erina yam Ma didina, mam mba mi ndjunung á tchola, kayam mam nga mi ar sama d’ingêrâ á ka azlard’eid’a d’i.

Zla d’a d’ogolâ 16:18

Yam mba ad’enga ti mba navok b’laka, subur tad’a ti mba navok puka mi.

Zla d’a d’ogolâ 19:3

Lilid’a hi sanid’a nga d’i b’lagam lovot mamba, wani hurum krovo mi zalî ata Ma didina zang.

Isai 38:1

Kur atchogoi ndata Ezekiyas mi ve tugud’eid’a á matna. Ma djok vun Alona Isai Amot goroma mi mba gevemu, mi dum ala: Ezekiyas, Ma didina mi dala: Ang min ahligiyeng ki tchetchemba, kayam ang mit ni mid’a, ang nga tchol akulo d’uo d’a.

Matiye 27:5

Mi yagazi beged’a kä kur gong nga kud’ora hAlonid’a, mi ndabua, mi i tchuk ziyona kelemu.