2 Samuel 17:17 - Bible azumeina

¹⁷ Jonatan azi ki Ahimas a nga ni kaka En-Rogel. Gor weid’a mba d’i dazi zlad’a ala ni azi ba, a i de zla ndata mamulâ David. Wani azi ndak á tak tazi woi kur azì ma ngolâ d’i, abo mandarâ.

2 Samuel 17:17 Iomraidhean Croise

2 Samuel 15:27

Amulâ mi de mi ma ngat buzuna Sadok ala: Angî ma nga wahle suma a nga mbana d’uo zu? Agi ki Abiyatar agi hulongôgi avo ki halasa ki grogi suma mbàna, nala, Ahimas azi ki Jonatan.

2 Samuel 15:35

Suma ngat buzuna Sadok azi ki Abiyatar a sä ki sed’eng sä hî d’uo zu? Ahlena pet suma ang mba humuzi kur azina hamulina, ang mba dazi mi suma ngat buzuna Sadok azi ki Abiyatar.

2 Samuel 15:36

Gola! Grozina a nga ki sed’ezi mbà, Ahimas Sadok goroma ki Jonatan Abiyatar goroma. Natazi azi ba, ang mba dan zla d’a ang mba humuta.

1 Amuleina 1:42

Ata yima mi djop hina djopma, gol wani, Jonatan, ma ngat buzuna Abiyatar goroma mi mba. Adoniya mi dum ala: Angî sama hlang ngolina, ang hud’ïya, ang mba ni ki zla d’a djivid’a d’uo zu?

1 Amuleina 1:9

Bur tu Adoniya mi tin lü ma ngolâ yam ahina d’a Zohelet-ta go ki mbiyo ma lau ma En-Rogel-lâ, mi ngat tumiyôna, amuzleina ki gro amuzlei suma d’orâ, mi yi b’oziyom suma amulâ gromina pet ki suma nglo suma kur azì ma Juda suma a nga le sunda avo hamulina pet mi.

Josue 15:7

Haga mata ti i djak gak Debir, ti kal kä kur hor ra Akor-ra, ti kal i abo ma norâ go ki Gilgal ngagad’a yam yima djak akulo Adumim-ma abo ma sutna hi horina. Ti hleï go ki mbiyo ma En-Semes-sâ, ti dabï avun En-Rogel.

Josue 18:16

Ti sulugot kä avun dabid’a hahina d’a ngagad’a yam hor ra Bet-Hinom-mba d’ara, ti hleï kur hor ra Refa-d’a abo ma norâ, ti kal ti i kur hor ra Hinom-mba avo Jebus abo ma sutna, ti kal gak ti i En-Rogel.