2 Samuel 17:14 - Bible azumeina

¹⁴ Apsalom azi ki Israel-lâ pet a dala: D’alâ hi Husai ma Ara’â mi djivid’a kal ma hi Ahitofel-lâ. Na ni d’igi ni Ma didina ba, mi b’lak d’al ma djivina hi Ahitofel-lâ woi á mba ki ndaka yam Apsalom.

2 Samuel 17:14 Iomraidhean Croise

Ad’u Tinda 32:28

Sa máma mi hulong dum ala: A dok yang ala Jakob puo d’a, wani a mba yang ala Israel. Kayam ang ndjiget kAlona ki sumuna, ang kuza.

2 Samuel 15:31

A mba de mi David ala: Ahitofel mi nga aduk suma a ndjak vunazi tu ki Apsalom-ma. David mi dala: Ma didina, an nga ni tchenengû, ar ang b’lak d’alâ hi Ahitofel-lâ woyo.

2 Samuel 15:34

Wani ang hulong avo kur azì ma ngolâ, ang de mi Apsalom ala: Salana, amul mana, avoka an nazongâ habungâ, wani ki tchetchemba, an arî azong mangâ. Hina wani, ang mba pleî d’alâ hi Ahitofel-lâ woi kanu.

2 Samuel 16:23

D’al ma Ahitofel mi dum ata yi mámina mi kad’enga d’igi sana mi djop nAlona tamba na. D’alâ hi Ahitofel-lâ mi djivid’a ir David kid’a mi nga ki sed’emba, mi djivid’a ir Apsalom mi.

2 Sunda Hamuleinid’a 10:15

Hina amulâ mi hum nga zlad’a hi sum ndazinid’a d’i. Ma didina mi le hina ná ndak vun zla d’a mi dat mi Jerobowam Nebat goroma avun ma djogom vunama Ahiya ma Silo-nid’a.

2 Sunda Hamuleinid’a 10:8

Wani amulâ mi ar d’al ma suma nglona a dumzina woi ta, mi i djop nazungeî suma a nga kaka gevem suma mam wul ki sed’ezina.

2 Sunda Hamuleinid’a 25:16

Kid’a mi nga mi de zlad’a tua d’a, Amasiya mi djobom ala: Na ni ni ami ba, tining á de d’alâ mi an amulâ zu? Ang ba vunangû! Ni kayam me ba, ang min ala a tong nge? Ma djok vun Alona mi ba vunamu. Bugol mi dum kua ala: An wala Alona mi nga hurum á tchang ngei kayamba ang le hina d’a. Ni kayam ndata ba, ang nga hum d’al ma an nga ni dangzina d’uo wana!

2 Sunda Hamuleinid’a 25:20

Wani Amasiya mi hum nga zla ndata d’i, kayam ahle ndazina a tcholï nata Alona kayam mi hum mbei abo mam suma djangûna, kayam mam hal alona hi suma Edom-ma.

Nehemi 4:15

Ata yima mami suma djangûna a hum ala ami humumiya wa zla ndata na, Alona mi pleyêzi nga hur mazina woyo. Ami pet hulongômi ata gulumuna minda, nge nge pî ata yi mam ma sunda.

Wana ni mbaktumba hi Job-pa 12:17

Mi nga mi yo suma de d’alâ magomba, nga mi b’lak zlad’a hi suma avok sumina woyo.

Sawal la giled’a 9:15

kayam an i tagang subur manga woi kua pet avok suma Siyon-na tala an le furîd’a yam sut manga d’a.

Sawal la giled’a 9:16

Andjaf suma bei wAlona a puk kä kur zul la azi tazi djugud’ota, asezi mi tchuk kur dau ma azi tazi ngeyem kä na.

Buzuk ka Abud’a 9:16

Wani an arang nga kaka ini ni yambala ang wad’eng manda ar suma a yan simiyên ndei yam andagad’a ped’u d’a.

Zla d’a d’ogolâ 19:21

Djib’er ra kur sanid’a nablaud’a, wani ni nga hurâ hi Ma didinina ba, mba mi ndagat vunad’u.

Zla d’a d’ogolâ 21:30

Ned’a d’oze wad’ud’a d’oze d’alâ ma kak djangûna ki minda hi Ma didinid’ina nga d’i.

Isai 8:10

Agi ngagi hurugiya, wani nga hur magina mba mi mbut ni vama hawa ya’â. Agi nga dagi zlad’a, wani zla ndata mba d’i le d’i, kayam Alona mi nga ki sed’emiya.

Hor ma tchina 3:37

Ni nge ba, mi de ba ahle ndazina a le ge? Ni Salad’a ba, mi he vuna d’uo zu?

Amos 9:3

Le azi i ngei akulo yam ahina d’a Karmel-la yat ta ked’iwurenga pî, an mba ni halazi kua, ni vigiziya; le a ngei iran kä kur alum ma ngolâ pî, an mba ni he vuna mi gugui ma aduk mbina kä na mba mi ed’eziya.

Wana ni Zla d’a Djivi d’a Luc mi b’irita 16:8

Ma ngom ahle ma bei d’ingêrâ, salama mi suburum yam lem mba mi lata, kayam suma kur atchogoi d’a wandina a kal suma a nga kur b’od’ina ki lemba kur atchogoi mazid’a.

1 Korente-na 3:19

Kayam ned’a kur duniyad’a ka hid’a ni lilid’a ir Alona. D’igi mbaktumba hAlonid’a ti de na ala: Alona mi vik suma ned’a ki lem mazid’a.

Gat ta a hat á mbàd’id’a 2:30

Wani Sihon amul ma Hesbon-na, mi arei nga á kala kur ambas mamba d’i, kayam Ma didina Alo magina mi b’alam hurum ad’enga ngingi, kayambala mi hagizi abogi ini d’igi agi tagi wagi na d’a.

Josue 11:20

Kayam ni Ma didina ba, mi b’alazi huruzi á dur ayîna ki Israel-lâ kayambala Israel-lâ a dabazi tchid’a woi bei wazi hohowozi d’igi Ma didina mi he vuna mi Moise na d’a.