2 Samuel 16:23 - Bible azumeina

²³ D’al ma Ahitofel mi dum ata yi mámina mi kad’enga d’igi sana mi djop nAlona tamba na. D’alâ hi Ahitofel-lâ mi djivid’a ir David kid’a mi nga ki sed’emba, mi djivid’a ir Apsalom mi.

2 Samuel 16:23 Iomraidhean Croise

2 Samuel 15:12

Kid’a Apsalom nga mi he he d’a hawa d’a ngat buzunid’a, mi ge sunda hur azì ma ngol ma Gilo-na, mi yï Ahitofel ma de d’alâ mi David-na. Ndjak vun mazi ma gumun máma mbut ngola; suma ablaud’a a i ad’u Apsalom.

2 Samuel 15:31

A mba de mi David ala: Ahitofel mi nga aduk suma a ndjak vunazi tu ki Apsalom-ma. David mi dala: Ma didina, an nga ni tchenengû, ar ang b’lak d’alâ hi Ahitofel-lâ woyo.

2 Samuel 17:1

Ahitofel mi de mi Apsalom ala: Ang aran an man suma 12.000, an tchol i ata David andjege hî.

2 Samuel 17:14

Apsalom azi ki Israel-lâ pet a dala: D’alâ hi Husai ma Ara’â mi djivid’a kal ma hi Ahitofel-lâ. Na ni d’igi ni Ma didina ba, mi b’lak d’al ma djivina hi Ahitofel-lâ woi á mba ki ndaka yam Apsalom.

2 Samuel 17:23

Ata yima Ahitofel mi we d’ala a ve nga d’al mama d’uo d’a, mi nga yam koro mama, mi i avo hatamu, mi de vunam mi sum mama, mi tchuk ziyona kelem mi tchi tamu. A tozom kur zula habumba.

Wana ni mbaktumba hi Job-pa 28:28

Bugola, mi de mi sana ala: Gagazi, le mandara Ma didina ni ned’a, wal tang ngei dei ki tchod’a ni wad’ud’a mi.

Wana ni mbaktumba hi Job-pa 5:12

Nga mi b’lak nga hurâ hi suma lembina woyo, azi ndak nga á ndak vun nga hur mazina d’uo mi.

Sawal la giled’a 19:7

Ti ndeï avun dabid’a hakulod’id’a, gak ti i avun dabi d’a abo hî d’a; vama mi ngei tam abo huwak matina nga d’uo mi.

Sawal la giled’a 28:2

Ata yima an nga ni yangâ, ata yima an nga ni yo abon akulo ir abo yi mang ma ang tinim iram vam ma kal teglesîna, ang hum tchen man nda hud’a.

Ma tchi wala 10:1

Aro ma bona mi bu mbul ma his ma afufuîna hi sama yor mbulîna woyo. Hina mi, lili d’a ngiyeûd’a nga d’i b’lak ned’a hi sanid’a ki subura hi sanid’a woi mi.

Jeremi 4:22

Ma didina mi dala: Gagazi, sum mana yazi nga d’i. A wan nga d’i, a ni gro suma lilid’a, suma bei wad’ud’a, a ne heî ná le tchod’a hol, a we nga djivi d’a led’a d’i.

Jeremi 8:9

Gola! Suma ned’a a mbut zulona, mandarâ mi vaziya, a ve wa ki dauna. A gol zlad’a hi an Ma didinid’a is, ne mazid’a djivi mata ni me kazi ge?

Ndumba 27:21

Mi tchol avok ma ngat buzuna Elazar, mi djop kam ki Urima avogon an Ma didina. Mam tamba zlapa kablaud’a hi Israel-lîd’a pet a mba buzuk kei nad’u vun ma hed’a hi Elazar-râ, a mba hulong nad’u vun mam ma hed’a mi.

Matiye 11:25

Ata yi máma, Jesus mi hulong dala: Abun ma Sala akulod’a kandagad’ina, an lang mersi, kayam ang ngei ahle suma wana woi ir suma ned’a ki suma wed’a, wani ang tagazi woi mi gugureina.

Wana ni Zla d’a Djivi d’a Luc mi b’irita 16:8

Ma ngom ahle ma bei d’ingêrâ, salama mi suburum yam lem mba mi lata, kayam suma kur atchogoi d’a wandina a kal suma a nga kur b’od’ina ki lemba kur atchogoi mazid’a.

Romê-na 1:22

A nga subur tazi ala azi ni suma ned’a, wani a mbut ni suma lilid’a.

1 Pierre 4:11

Le ná tchi wala, ar mi tchi wala d’igi ded’a hAlonid’a na. Le ná le sunda, ar mi le d’igi ad’eng nga Alona mi humzid’a na. Hina, ar agi suburugi Alona kur ahlena pet yam Jesus Christ mam ma subura kad’enga ni mamba gak didina. Amin!

1 Samuel 30:8

David mi djop Ma didina ala: Le an dik ad’u azigar ndazina ni, an fazi zu? Ma didina mi hulong dum ala: Ang digiziya; gagazi, ang mba faziya, ang mba prud’ï suma a yozina.