2 Samuel 16:21 - Bible azumeina

²¹ Ahitofel mi de mi Apsalom ala: Ang i ata arop suma gureina habung suma mi arazi á ngom azì ma amulina. Hina wani, Israel-lâ pet a mba wala ang mbut wa ndjendjed’a ir abungû. Hina wani, suma ki sed’engâ pet a mba i ad’ung bei gigrita ba.

2 Samuel 16:21 Iomraidhean Croise

Ad’u Tinda 34:30

Jakob mi de mi Simeon azi ki Levi ala: Agi b’lagan wa, agi mbud’un wa ndjendjed’a avok suma yam andaga d’a wandina, suma Kanan-na ki suma Peris-sâ. An nga ki suma ngol luo; azi mba tok taziya, a mba durunu, a mba tchan ndei ki sum meina mi.

Ad’u Tinda 35:22

Wani ata yima Israel mi nga kaka kur ambas ndata tua na, Ruben mi i mi bur ki Bilha amam mba gora; Israel mi hum mi. Jakob groma ni dogo yam mbà.

Ad’u Tinda 38:16

Mi wat nga d’ala nakunomba d’a d’i, mi i geved’u, mi dat ala: An min bur ki sed’egu. Ti hulong dum ala: Ang han ni me ba, ang bur ki sed’en nge?

Ad’u Tinda 6:4

Kur bur máma suma fuyogeina a nga yam andagad’a tua, ata yima Alona groma a mba a zlap ki gro aropmina, a vut grona; azi ni suma ad’eng suma a nga adjeuna, ni suma simiyêzi nde yina heîna.

2 Samuel 10:6

Suma Amon-na a we d’ala azi mbut tchod’a avok David’u d’a, a yo azigar suma asemba aduk suma Siri suma avo Bet-Rehop-ma ki suma Siri suma avo Soba-na 20.000, a yo suma avo hamul ma Mäka-na 1000, a yo suma avo Top-ma 12.000, a wurak beged’a kaziya.

2 Samuel 12:11

An nga ni dangû, an mba ni mba ki zla d’a tchod’a avo hatangû, an mba ni yo amiyôngâ irang kä na, mba ni hazi mi ndrang ma gevengâ, mba mi bur ki sed’ezi falei d’ad’ar!

2 Samuel 13:5

Jonadap mi dum ala: Ang ve tang tugud’eid’a, ang i bur kä yam azang mangâ. Le abung mi mba á d’ungû ni, ang dum ala: Ang ar wiyenda Tamar ti mbei d’i lan tena avoron ka hî, kayam an ni vum abot ni tumu.

2 Samuel 15:16

Amulâ mi nde woi abu hur aziyam ki sum mama pet, mi ar arop suma gureina kä dogo á ngom vun azì ma amula.

2 Samuel 16:20

Apsalom mi de mi Ahitofel ala: Agi dagi tagi d’alâ yam vama ei ndak á luma.

2 Samuel 17:7

Husai mi hulong de mi Apsalom ala: D’al ma Ahitofel mi dum ini wana nga djivi d’i.

2 Samuel 2:7

Ar agi fagi ad’enga, agi kagagi nandjof suma gangrangâ. Kayam salagina Saul mi mit wa; ki tchetchemba, ni an ba, suma Juda-na a tinin amula kaziya.

2 Samuel 20:3

David mi kal avo hatam Jerusalem, mi yo amiyôm suma gurei suma dogo suma mam arazi nga á ngom vun azinina, mi tchuguzi kur yima dingâ woi vaziya. Nga mi ngomoziya, wani nga mi tchila gevezi d’i. Mi duguzi vunazi gak mat mazina; azi arî d’igi arop suma modonod’a na gak mat mazina.

1 Amuleina 11:25

Kid’a Salomon nga mi tamula tua d’a, Rezon mi kak djangûna ki Israel-lâ. Tcho d’a mi lata ni d’igi d’a hi Hadat-ta na mi, mi noî Israel-lâ woyo, mi tamula yam suma Siri-na mi.

1 Amuleina 2:17

Adoniya mi dat ala: An nga ni tchenegu, ndak de mamulâ Salomon mi han Abisak ka Sunam-mba atchad’a; mam mba mi gak vunak kei d’i.

1 Amuleina 2:22

Amulâ Salomon mi de masum ala: Ni kayam me ba, ndak tchenen yam Abisak ka Sunam-mba mi Adoniya ge? Wani ndak djobon ala an hum amula tua, kayam mam mi wiyen ma ngolâ! Ndak djobot yam ma ngat buzuna Abiyatar ki Jowap Seruya gorotna mi!

Sunda hi suma hi Levi-nid’a 18:8

Ar ang bur katchabunga d’i, kayam ang mbut nabung zulona.

Sunda hi suma hi Levi-nid’a 20:11

Le sana mi bur katchabumba ni, mi lasî abumu. Sa máma katcha ndata djak, a tchazi woyo. Buzuwazi mba mi hulong kaziya.

Zakari 8:13

Agi suma kur leu d’a Juda-d’ina ki suma kur leu d’a Israel-lina, adjeu agi mbud’ugi ni d’igi suma a gazi vunina na aduk andjaf suma, wani ki tchetchemba, an nga ni sud’ugiya, agi mba mbud’ugi ni suma a b’e vuna kazina. Agi vagi tagi ad’enga, ar agi lagi mandar ri!

1 Korente-na 5:1

Ami humumi ata yina pet ala mizeuna nga adigagiya. Aduk andjaf suma dingâ pî, andjaf mizeu ma hina na nga adigazi d’i. A nga dala sama dingâ adigagi mi vatchad’a habumba.

1 Samuel 13:4

Israel-lâ pet a hum ala Saul mi tchi ma ngolâ hi azigar suma Filistê-na, mi djiu wa ayîna hi Filistê-na akulo kaziya. Ata yi máma azigar suma Israel-lâ pet a tok gen Saul avo Gilgal.

1 Samuel 27:12

Akis mi he hurum mi David, mi dala: Mi mbut ndjendjed’a ir simiyêm Israel-lâ; mam mba mi arî azong mana ki iram fafat.