2 Samuel 16:12 - Bible azumeina

¹² Dam Ma didina mba mi ngomon kur hohou manda, mba mi vrak djivid’a balum ge vun mam ma inina kanu.

2 Samuel 16:12 Iomraidhean Croise

2 Samuel 16:13

David ki sum mama a nga i avogovok kur tit mazid’a, wani Simei nga mi tit abo ahinad’a go ki David, nga mi ngul David, nga mi durum kahinad’a, nga mi sir andagad’a akulo.

2 Amuleina 19:4

Amul ma Asiri-na mi sunï mam ma avun ma ngolîna á ngul Alo ma bei matna. Dam Ma didina Alo mangâ mi hum wa ngul ndata pet, dam mba mi ngobom yam zla d’a mam humuta kla. Ki tchetchemba, ang tchen Ma didina yam mam suma a arâ.

Sawal la giled’a 10:14

Wani ang tang nga we suma ndaka ki suma a nga kid’eyêzi irazina, ang nga tin irang kazi á ndjunuziya. Sama hohoud’a mi deng tamî atangû; angî ma ndjun sama hokuyod’ina.

Sawal la giled’a 109:28

Azi nga yahlena kanu, wani ang nga b’e vuna kanu; a mba tchol ki zlad’a, wani a mba mbut zulona; an azong mangâ mba ni le furîd’a.

Sawal la giled’a 132:1

Ni sawal la suma a djak Jerusalem á lü vun tilîna a hlata. Ma didina, ang djib’er yam David, ang djib’er yam ndak ka mi fata pet mi.

Sawal la giled’a 25:18

Ang wan hohou manda ki ndak manda, ang vat hurung ngei yam tcho manda pet.

Zla d’a d’ogolâ 25:22

Hina wani, ni d’igi ang togomî aku gordjona kam na, Ma didina mba mi wuragang mi.

Zla d’a d’ogolâ 26:2

Vun ma ge ma a gum bei zlam ba na, mi ni d’igi aleina kababei suma a nga pir bei tuk tazi ba na na, nga mi ve sa d’i.

Isai 27:7

Ma didina mi to sum mama ni d’igi mi to suma a tozina na zu? Mi tchi sum mama ni d’igi mi tchi suma a tchazina na zu?

Joel 2:14

Dam mba mi ar ngop mam ndata woyo, mba mi lagi djivid’a. Ata yi máma agi mba mbagi ki he d’a hawa d’a afuta ki d’a süm guguzlud’a mi.

Romê-na 8:28

Ei wei ala kur ahlena pet Alona nga mi le sun nda djivid’a yam suma a nga le kam suma mi yazi woi kur min mambina.

2 Korente-na 4:17

Ndak ka afefet ta nga d’i lami kä ndjö wanda, mba d’i mba ki subur ra ngol la didinda, kal ndak ka ka tchetchem wanda.

Gat ta a hat á mbàd’id’a 23:5

Wani Ma didina Alo magina mi min hum Baläm mbi, mi mbut vun ma ged’a b’e vuna kagiya, kayam mam hurum vagiya.

Gat ta a hat á mbàd’id’a 23:6

Ata yima agi nga ki iragi tua na, agi djib’eregi yam ndjondjoî mazid’a ki djivi mazid’a d’i.

2 Tasaloni’â 1:7

Agi suma nga fagi ndakina, agi mba tugugi tagi zlapa ki sed’emiya, kayam fata Salad’a Jesus mi nde woi kur akulod’a ki malaika mam suma ad’engâ

Hebre-na 12:10

Abuyoi suma kur duniyad’a ka hina, a nga gad’ei ndjö yam vama ndak djivid’a irazina. Wani Alona nga mi gad’ei ni yam djivi meid’a, kayam ei kagei suma bei tchod’a d’igi mam na.

1 Samuel 1:11

Ti hlum vunat ala: Ma didin ma ad’engêm kal petna, le ang wan hohou manda gagazi, le ang djib’er kan ang maran nga d’uo, le ang han gorâ ni, an mba ni hangzi á le sun manga ki iram fafat. Wani sa mba mi welem yam mbuo mi.