2 Samuel 15:27 - Bible azumeina

²⁷ Amulâ mi de mi ma ngat buzuna Sadok ala: Angî ma nga wahle suma a nga mbana d’uo zu? Agi ki Abiyatar agi hulongôgi avo ki halasa ki grogi suma mbàna, nala, Ahimas azi ki Jonatan.

2 Samuel 15:27 Iomraidhean Croise

2 Samuel 15:34

Wani ang hulong avo kur azì ma ngolâ, ang de mi Apsalom ala: Salana, amul mana, avoka an nazongâ habungâ, wani ki tchetchemba, an arî azong mangâ. Hina wani, ang mba pleî d’alâ hi Ahitofel-lâ woi kanu.

2 Samuel 15:36

Gola! Grozina a nga ki sed’ezi mbà, Ahimas Sadok goroma ki Jonatan Abiyatar goroma. Natazi azi ba, ang mba dan zla d’a ang mba humuta.

2 Samuel 17:17

Jonatan azi ki Ahimas a nga ni kaka En-Rogel. Gor weid’a mba d’i dazi zlad’a ala ni azi ba, a i de zla ndata mamulâ David. Wani azi ndak á tak tazi woi kur azì ma ngolâ d’i, abo mandarâ.

2 Samuel 18:19

Ahimas Sadok goroma mi de mi Jowap ala: Aran an ring gen amulâ, ni dum zla d’a djivid’a ala Ma didina mi kam ini sariya mamba, mi prud’um mbei abo mam suma djangûna da’.

2 Samuel 24:11

Tcha ndjivin yorogo David mi tchol akulo. Ata yi máma Ma didina mi de zlad’a mi Gat ma djogom vunam ma wahle suma a nga mbana hi David-na ala:

1 Amuleina 1:42

Ata yima mi djop hina djopma, gol wani, Jonatan, ma ngat buzuna Abiyatar goroma mi mba. Adoniya mi dum ala: Angî sama hlang ngolina, ang hud’ïya, ang mba ni ki zla d’a djivid’a d’uo zu?

1 Amuleina 4:15

Ahimas ni ma a tinim yam andaga d’a Neftali-d’ina; mam pî mi ve Salomon gorom mba a yat ala Basmat-ta mi;

1 Sunda Hamuleinid’a 25:5

Azi pet ni Heman groma. Ni ma nga mi djok vun Alona woi mamulâ á tagam sib’ik mamba woina. Alona mi hum gro andjofâ dogo yam fid’i, gro aropma hindi mi.

1 Sunda Hamuleinid’a 6:8

Ahitup mi vut Sadok, Sadok mi vut Ahimas,

1 Samuel 9:6

Azong máma mi hulong dum ala: Ang djuba! An we kur azì ma avorei wana sama djok vun Alona nga kua, ni sama zlam nde yina heîna; ahlena pet suma mam nga mi dazina, a nga le ata yazi hina mi. Ki tchetchemba, ei i goleiziya. Dam mba mi tagei lovot ta ei mba hleizid’a.

1 Samuel 9:9

(Adjeu aduk Israel-lâ, le sana mi i djop Alona ni, nga mi dala: Ei i gen sama wed’a; ni ma a nga yum ini ala ma djok vun Alona na, ni ma adjeu a yum ala ma wed’a na.)