2 Samuel 15:2 - Bible azumeina

² Mi nde yorogo tcholol, mi tchol abu avun lovot ta i avun agrek ma i Jerusalem-mid’a. Kur burâ pet sama nga mi i gen amulâ á b’ak sariya mambina, Apsalom nga mi yum mi djobom ala: Ang tcholï ni kur azì ma ngol ma larina ge? Le mi hulongôm ded’a ala: An azong mangâ ni tcholï nad’u andjofâ hi Israel ma hina ni, Apsalom mi hulong dum ala:

2 Samuel 15:2 Iomraidhean Croise

Ad’u Tinda 34:20

Hamor ki goroma Sikem a buzuk kei avun azina, a de mi suma kur azina ala:

2 Samuel 19:8

Ata yi máma amulâ mi tchola, mi kak kei avun agre’â. A de mi suma pet ala: Gola! Amulâ mi kak nga woi avun agre’â. Suma pet a mbeï avoromu. Suma hi Apsalom-ma a wet ringâ, nge nge pî mi i avo hatamu.

2 Sunda Hamuleinid’a 10:7

Suma nglo ndazina a hulong dum ala: Le ang min kak ki sum ndazina ki djivid’a, le ang vazi atang ki djivid’a, le ang dazi zlad’a ki deleng nga djivid’a ni, azi mba arî azungeî mangâ ki irazi fafat.

Wana ni mbaktumba hi Job-pa 24:14

Ma tchi matna nga mi tchol akulo ki pipira á tchi suma houd’a ki suma kid’aka woyo, mi kul andjege mi.

Buzuk ka Abud’a 18:14

Moise akunoma mi wahle suma Moise nga mi le ki suma hina petna, mi dum ala: Ang le ni me ki sum ndazina hina ge? Ni kayam me ba, ang kak vang hina tu gid’eng, suma pet a nga tchola avorong ki yorogo hina dei gak fladege ge?

Buzuk ka Abud’a 18:16

Le zlad’a mba adigaziya ni, azi mba avoronu; an kazizi irat teyo, an tagazi vun ma hed’a hAlonina ki gat mamba mi.

Buzuk ka Abud’a 18:26

Azi nga ka sariyad’a hi sumid’a burâ ki burâ, azi nga mba ki zla d’a ad’enga avok Moise, azi tazid’a nga ka sariya d’a gurei d’a lara ge pet mi.

Zla d’a d’ogolâ 4:16

Kayam le a le nga tchod’a d’uo ni, a nga bur sen ndi; le a b’lak nga sa d’uo ni, sen nga mi vazi d’uo mi.

Daniel 11:21

Sama suma a golom isâ mba mi vrak blangâm bei sa mi tchugum baru d’a amula atam ba. Mam mba mi mba ata yima suma a nga kaka tchugotna, mba mi hle leud’a ki mbut ira.

Matiye 27:1

Kid’a yina fo dad’a, nglo suma ngat buzuna ki zlazi pet ki suma nglona hi Juif-fîna a ndjak vunazi yam Jesus á tchum mbeyo.

Gat ta a hat á mbàd’id’a 17:8

Moise mi de kua ala: Le zlad’a tchol hur aziyagi yam mat ma tchid’a, d’oze kal la kal yam sanid’a, d’oze dak ka sana mi dak wiyemid’a, le zla ndata agi ndak á kat irat tuo ni, agi igi ki zla ndata ata yima Ma didina Alo magina mba mi manama.

Wana ni mbaktum mba a b’irit yam Rut-ta 4:1

Bowas mi i avun azina ata yima suma a min zlad’a kuana, mi kak kä. Sama ad’u andjafâ hi Elimelek ma Bowas mi de zlad’a mi Rut kama, nga mi kala. Bowas mi yum mi dum ala: Vani, ang mbeï kak kä wana. Mi mba mi kak kä mi.