2 Samuel 15:10 - Bible azumeina

¹⁰ Apsalom mi tchuk suma d’u yina ad’u andjafâ hi Israel-lîna, mi dazi ala: Le agi humugi adifa tchina ni, agi dagi ala: Apsalom sä tamula avo Hebron.

2 Samuel 15:10 Iomraidhean Croise

2 Samuel 13:28

Apsalom mi he vuna mazungeî mama ala: Agi tinigi iragi yam Amnon ped’et. Le mi nde wa le furîd’a ki süm guguzlud’a, le an dagi ala: Agi tchumu ni, agi tchum mbeyo! Agi lagi mandar ri. Ni an ba ni hagi vuna d’uo zu? Vagi tagi ad’enga, kagagi nandjofâ!

2 Samuel 14:30

Ata yi máma Apsalom mi de mazungeî mama ala: Agi gologiya! Asinena hi Jowap-ma mi nga gen mana. Awu orsâ nga kuru; agi i dom akud’a! Azungeîna hi Apsalom-ma a i dom akud’a.

2 Samuel 15:9

Amulâ mi dum ala: Ang i lafiya! Ata yi máma Apsalom mi tchol mi i Hebron.

2 Samuel 19:10

Wani Apsalom ma ei tinim amulâ keina, a tchum wa avun ayîna. Ni kayam me ba, agi dok lagi lilinga á hulongî amulâ David avo ge?

2 Samuel 2:1

Bugol ahle ndazina, David mi djop Ma didina ala: An i kur azì ma ngol ma Juda ma ding tu zu? Ma didina mi hulong dum ala: Ang iya! David mi djobom ala: An i ni lara ge? Ma didina mi hulong dum ala: Ang i Hebron.

2 Samuel 2:11

David mi tamula yam suma Juda-na avo Hebron bizad’a kid’iziya ki tilâ karagaya.

2 Samuel 5:5

Mi tamula avo Hebron yam suma Juda-na bizad’a kid’iziya ki tilâ karagaya, mi tamula avo Jerusalem yam Israel-lâ ki suma Juda-na pet bizad’a dok hindi yam hindi mi.

1 Amuleina 1:11

Ata yi máma Natan mi mba mi fe Batseba Salomon asumu, mi dat ala: Ndak hum nga ala Adoniya Hagit gorotna mi mbut wa amulâ d’uo zu? Wani saleina amulâ David mi we nga d’uo mi.

1 Amuleina 1:34

Ata yi máma Sadok ma ngat buzuna ki Natan ma djok vun Alona a vom mbulâ kamu, a tinim iram vam á kak amula yam Israel-lâ. Ata yi máma agi bugi adifa, agi eregi ad’ugi akulo ala: Amulâ Salomon, ar va mi lang ngi!

2 Amuleina 9:13

Ata yi máma na wat azigar suma nglona a fok baru mazina woyo, a tchugum kä ata yima a djak kakulona kayam mam kak kamu. Suma a bu aduveina, suma pet a nde er ad’uzi akulo ala: Amulâ Jehu, ar va mi lang ngi! Amulâ Jehu, ar va mi lang ngi!

1 Sunda Hamuleinid’a 11:3

Ni hina ba, nglo suma Israel-lâ pet a mba gen amulâ David avo Hebron. David mi djin vunam ki sed’ezi avok Ma didina avo Hebron, a vom mbulâ kam á tinim amula yam Israel-lâ d’igi Ma didina mi de zlad’a avun Samuel na.

1 Sunda Hamuleinid’a 12:23

Wana nablau suma dur ayî suma a ndumuzi suma a i ad’u David avo Hebron á tinim amula balum Saul d’igi Ma didina mi he vuna na na.

1 Sunda Hamuleinid’a 12:38

Azi pet ni suma min tazi á dur ayînina, a mba Hebron ki hur ma tuna á tin David amula yam Israel-lâ pet. Israel suma hiuna a ndjak vunazi ki sed’ezi tu tala David mi tamula kaziya d’a.