2 Samuel 13:4 - Bible azumeina

⁴ Jonadap mi djobom ala: Ni kayam me ba, ang mala namulâ goromina ko ba, ki burâ kaf ang nde yorogo tang tchuka hina susub’ok ke? Ang dan nduo zu? Amnon mi hulong dum ala: Hurun ve Tamar wiyena Apsalom wiyemba.

2 Samuel 13:4 Iomraidhean Croise

2 Samuel 13:3

Wani Amnon banama nga, a yum ala Jonadap, ni Samma ma David wiyemina goroma. Mi ni sama we zlad’a heîna.

2 Samuel 13:5

Jonadap mi dum ala: Ang ve tang tugud’eid’a, ang i bur kä yam azang mangâ. Le abung mi mba á d’ungû ni, ang dum ala: Ang ar wiyenda Tamar ti mbei d’i lan tena avoron ka hî, kayam an ni vum abot ni tumu.

1 Amuleina 21:5

Wani amamba Jezabel ti mba gevemu, ti djobom ala: Vama zalang hurungî me ba, ang min te tena d’uo ge?

1 Amuleina 21:7

Amamba Jezabel ti dum ala: Ki tchetchemba, ni ang ba namul ma Israel-lâ d’uo zu? Ang tchol akulo ang të; ar hurung b’lenga. Ni an ba ni hang asine ma guguzlud’a hi Nabot ma Jisreyel-lâ!

Isai 3:9

Irazi d’a gola nga d’i le glangâsâ kaziya. A nga de woi yam tcho mazid’a bei ngeyet kä ba d’igi suma Sodom-ma na. Ni zla d’a hohoud’a kaziya, kayam azi a nga hal ndaka yam azi tazid’a.

Jeremi 8:12

Ma didina mi de kua ala: Djivid’a azi mbut ni zulona ata yima a nga lahle suma ndjendjed’ina. Wani zulona nga mi lazi d’i, zulo nga irazi hina nde d’uo ko. Kayam ndata, a mba puka ki suma a puk kä na, a mba ka azlard’eid’a ata yima an mba ni mba á ngobozina.

Sunda hi suma hi Levi-nid’a 18:9

Ar ang bur ki wiyeng nga abunga d’oze wiyeng nga asung nga a vud’ut kä avod’a d’oze d’a a vud’ud’ï woi yam andagad’a dingid’a d’uo mi.

Sunda hi suma hi Levi-nid’a 20:17

Le sana mi ve wiyem mba abum gorombid’a d’oze wiyem mba asum gorotid’a atchad’a ni, azi le ni vama ndjendjed’a. A mba digizi woi aduk sum mazina. Mi mba mi hlaneka hi tcho mambid’a kayam mi ve ni wiyemba.

Mise 7:3

Abozi mi hat á le tchod’a, suma nglona ki suma ka sariyad’a a halî he d’a hawad’a abo suma, sama ngolâ nga mi tak d’od’ok mamba woyo, a ndjak vunazi tu á le sun ndata.

Wana ni Zla d’a Djivi d’a Luc mi b’irita 12:32

Jesus mi had’azi kua ala: Agi ades ma gorâ, ar agi lagi mandar ri, kayam ni djivid’a ir Abugi á hagi leu mamba.