2 Samuel 12:13 - Bible azumeina

¹³ David mi de mi Natan ala: An le tchod’a avok Ma didina! Natan mi de mi David ala: Ma didina nga mi vat hurum mbei yam tcho manga, ang mba mit ti.

2 Samuel 12:13 Iomraidhean Croise

Ad’u Tinda 39:9

Sama ding ma kad’enga yam azì ma wana kalana nga d’i, vama mam d’elen kam tu pî nga d’i; ni ndak hol, kayam nda’î amamba. Mina ni nana ba, an dok ni le sun nda tcho d’a ngola avok Alona na ge?

2 Samuel 24:10

David mi we tcho mamba kayam ndum mba mi ndum sumid’a, mi de mi Ma didina ala: Kid’a an le hina d’a, an le ni tcho d’a ngola! Ki tchetchemba, Ma didina, ang vat hurung ngei yam tchod’a hi an azong mangîd’a, kayam an le ni sun nda lilid’a.

2 Samuel 24:17

Ata yima David mi we malaika ma nga mi tchi sumina, mi de mi Ma didina ala: Gola! Ni an ba ni le tchod’a! Ni an ba ni so vuna! Wani sum ndazina a le ni me ge? Ar ang ngobon ni an ki sum mana.

1 Amuleina 13:4

Ata yima Jerobowam mi hum zla d’a de d’a tcho d’a sana hAlonina mi dat yam yima ngal ahle suma ngat buzu ma Betel-lâ hina d’a, mi mat abom akulo yam yima ngal ahle suma ngat buzuna, mi de ki delem akulo ala: Agi vagi sa máma! Wani abom arza sod’a ata yi máma, mi tche mogod’a, nga mi hulongî kä atam mbi.

1 Amuleina 21:20

Elie mi i de zla ndata mi Ahap. Ahap mi dum ala: Man ma djangûna, ang fan ini zu? Elie mi dum ala: Â, an fang ini, kayam ang he tang ngei á le sun nda tchod’a avok Ma didina.

1 Amuleina 22:8

Amul ma Israel-lâ mi dum ala: Ma dingâ tu mi nga ka hî, a yum ala Mise ni Jimla goroma, ni ma ndak á djop Ma didina atama. Wani an minim mbi, kayam mam nga mi djogon vun ma djivi d’i; mi djogon ni vun ma tchona burâ ki burâ. Josafat mi dum ala: Amulâ, ar ang de hina d’i!

2 Amuleina 1:9

Amulâ Ahaziya mi sun azigar ma ngol ma azigarâ abom dok vahlâ ala mi i ki azigar mama ata Elie. Azi mbaza, a djak akulo yam ahina d’a Elie mi nga kaka kuad’a. Ma ngol máma mi dum ala: Ma djok vun Alona, amulâ mi dala: Ang tchugï aseng kä.

1 Sunda Hamuleinid’a 21:8

David mi de mAlona ala: Zla d’a an lat wanda, an le ni tcho d’a ngola. Ki tchetchemba, ang vat hurung ngei kanu, kayam an le ni sun nda lilid’a.

2 Sunda Hamuleinid’a 16:10

Asa hurum zal yam ma djok vun máma, mi gum dangeina, kayam hurum mi zal yam zla d’a ma djok vuna mi dumzid’a. Kur biza ndata, Asa mi nde djop vun suma dingâ aduk suma mi.

2 Sunda Hamuleinid’a 25:16

Kid’a mi nga mi de zlad’a tua d’a, Amasiya mi djobom ala: Na ni ni ami ba, tining á de d’alâ mi an amulâ zu? Ang ba vunangû! Ni kayam me ba, ang min ala a tong nge? Ma djok vun Alona mi ba vunamu. Bugol mi dum kua ala: An wala Alona mi nga hurum á tchang ngei kayamba ang le hina d’a. Ni kayam ndata ba, ang nga hum d’al ma an nga ni dangzina d’uo wana!

Wana ni mbaktumba hi Job-pa 33:27

Nga mi hle sawala avok suma, nga mi dala: An le tchod’a, an tchila yam lovot ta d’ingêra, wani mi ngobon nga d’igi ndak kan á ngopa hina d’i.

Sawal la giled’a 103:12

Mi wal tcho mei d’a led’a woi dei ki sed’ei d’igi mi wal abo ma yorogona kabo ma fladegena woi na mi.

Sawal la giled’a 51:16

Alo mana, Alo man ma suta, ang vat hurung ngei kan yam sama an tchuma, ar an de woi yam d’ingêr manga.

Sawal la giled’a 51:4

Ang mbuzun ndei tetet kur tchila manda, ang mbud’un ndei yed’et kur tcho manda mi.

Sawal la giled’a 51:6

An le tchod’a ni mi ang tu gid’eng, an le tchod’a avorongû. Kayam ndata, suma a mba wang ma d’ingêrâ nata zla mang nga ded’a; ata yima ang ka sariyad’a kana, ang ni ma bei zlad’a kang ba na mi.

Buzuk ka Abud’a 9:27

Faron mi yï Moise azi ki Aron, mi dazi ala: Ki tchetchem mba wanda, an le tchod’a! Ma didina ni ma d’ingêrâ; an ki sum mana, ami lami tchod’a!

Zla d’a d’ogolâ 25:12

Ngop pa ndavun sama ned’a d’a sana mi humut ki humamba, ti ni d’igi ngangam ma lor ma humba d’oze d’igi hed’eu ma lor ma bei zozota ba na na mi.

Zla d’a d’ogolâ 28:13

Sama mi ngei yam tcho mamba kä na, nga mi fe djivid’a d’i, wani sama mi de tcho mamba woi mi arat tei mi na, a mba wum hohowomu.

Isai 38:17

Gola! Hur man ma b’laka mi mbut ni furî manda. Ang tang lan djivid’a, ang prud’un ndei avun matna, kayam ang tchuk tcho manda sä woi blogong dei.

Isai 43:24

Agi guzugi nga mbul ma his ma afufuîna ki bege d’a ngola kan ndi, agi hobon nga ki mbul ahle magi suma ngat buzuna d’i, wani agi b’lagan ndi djib’er manda ki tcho magid’a, agi kawan ndi ki tchila magid’a mi.

Isai 44:22

An has tchila magid’a woyo, an has tcho magid’a woi mi. A val lei d’igi d’ugula ti val lei na. Agi hulongôgi gevenu, kayam an wurak kagi ni wuraga.

Hor ma tchina 3:32

Wani ata yima mi gad’ama, mi wum hohowom yam o mam mba ngol la bei dabid’a.

Sunda hi suma hi Levi-nid’a 20:10

Le sana mi le mizeuna katchad’a hi ndramid’a ni, mandjufâ katcha ndata djak, a tchazi woyo.

Sunda hi suma hi Levi-nid’a 24:17

Sama mi tchi sanina, a tchum mbei mi.

Zakari 3:4

Malaika máma mi de mi suma a nga tchola avoroma ala: Agi fogogi baru ma zozota woi atamu. Bugola, mi de mi Josue ala: An hazang wa tcho manga woyo, an tchugung wa baru ma vun tilâ atang mi.

Matiye 14:10

Mi sun azigarâ kur dangeina á ngad’ï yam Jean.

Wana ni Zla d’a Djivi d’a Luc mi b’irita 15:21

Goroma mi dum ala: Abunu, an le tchod’a avok Alona, avogong ang mi, an ndak nga d’ala ang yan gorongâ d’a d’i.

Wana ni Zla d’a Djivi d’a Luc mi b’irita 18:13

Wani ma ve lombod’a mi tchol bugol sä woi hina dei, mi min hle iram akulo d’uo ko, wani nga mi tchi abom kurum ala: Alona, ang wan hohowonu, an ni sama tchona.

Sunda hi suma a sunuzinid’a 2:37

Kid’a azi hum zla ndatid’a, zlad’a vaziya, a de mi Pierre azi ki suma hiu suma a sunuzina ala: B’oziyomina, ami lami ni nana ge?

Hebre-na 9:26

Le ni na ni, mbeî Christ mi fe ndaka yam ablaud’a bugol ad’u tinda hi duniyad’id’a. Wani ki tchetchemba, kur atchogoi d’a dabid’a, mi he tam yam tu á hle tchod’a woi ki he d’a mi he tam mbei vama ngat buzunid’a.

1 Jean 1:7

Wani le ei nga tid’i kur b’od’a d’igi mam tamba nga mi tit kur b’od’a na ni, ei lei darigïd’a aduk teya, buzuna hi Goroma Jesus-na nga mi mbuzi woi yed’et kur tcho meid’a pet mi.

1 Samuel 15:20

Saul mi hulong de mi Samuel ala: An le sunda yam vun ma he ma Ma didina handjina gagazi, an tit kur lovot ta mam tagandjid’a, an tchi suma Amale’â woi pet, an arî amul mazina Agak hol, an mba ki sed’em ka hî.

1 Samuel 15:30

Saul mi de kua ala: An le tchod’a. Wani an nga ni tchenengû, ang han ngola avok suma nglona hi azigar manina ki Israel-lâ; ang mbei i ki sed’enu, kayam an i kud’or Ma didina Alo mangâ.