2 Samuel 11:15 - Bible azumeina

¹⁵ Mi dum kur ala: Agi tinigi Uri ata yima ayîna zozogom kuana, agi yogi tagi woi blogomu, ar ayîna mi tchumu.

2 Samuel 11:15 Iomraidhean Croise

2 Samuel 11:16

Jowap mi gol azì ma ngol ma azi nguyuma, mi tin Uri ata yima mam we azigar suma gangrang suma djangûna a nga kuana.

2 Samuel 11:17

Suma kur azì ma ngolîna a buzugï durâ ata Jowap, a tchi suma dingâ ablaud’a aduk azigarâ hi David-na, a tchi Uri ma Het-na kur bur máma mi.

2 Samuel 12:9

Ni kayam me ba, ang gol zlad’a hi an Ma didinid’a is ba, ang lahle suma tchona avoron nge? Ang ar suma Amon-na a tchi Uri ma Het-na avun ayîna, ang vamamba, ang gat ad’ung atchad’a.

1 Amuleina 15:5

ma mi le Ma didina tam djivid’a bei mi tchila vun ma hed’a ba na, wani ni zlad’a hi Uri ma Het-nid’a hol.

Sawal la giled’a 51:14

Ar an le furîd’a yam sut ta ang sud’unda, ar Muzuk mang ma we hohowa sumina mi ndjununu.

Sawal la giled’a 51:4

Ang mbuzun ndei tetet kur tchila manda, ang mbud’un ndei yed’et kur tcho manda mi.

Ma tchi wala 8:11

Ni kayamba a nga ngop sama le sun nda tchod’a atogo zak kuo d’a ba, suma a he tazi á le tchod’a ngola ni na.

Jeremi 17:9

Vama mbut ira d’igi hur sana na na nga d’i. Sana mi ndak á minim mbi, sana mi ndak á wum ad’um mbuo mi.

Jeremi 20:13

Agi suma, agi hlagi sawala mi Ma didina, agi gilemu, kayam mi prut suma hohoud’a woi abo suma a nga lazi tchod’ina.

1 Samuel 18:17

Saul mi de mi David ala: Goron nda ngola Merap wana, an mba ni hangzi atchad’a; ang durun ayîna kad’engêngû, ang dur ayîna hi Ma didinina. Mi djib’er kurum ala: Ar an tchumî an ndi, wani Filistê-na a tchumî aziya.

1 Samuel 18:21

Saul mi de kurum ala: An mba ni humziya, kayam ti mbut ni dauna á vumu. Ar suma Filistê-na a tchumu. Saul mi de mi David kua yam á mbàd’a ala: Ang mba mbut akunona ini.

1 Samuel 18:25

Saul mi dazi ala: Agi i dagi mi David ala: Amulâ nga mi min ni begena d’i, wani mi min ni babak d’iu Filistê-na kis á sä atchugulum ki mam suma djangûna. Saul mi le hina ná zut David abo Filistê-na.