2 Samuel 10:12 - Bible azumeina

¹² Ang ve tang ad’enga, ei soi tei ad’enga yam sum meina, yam azì mei ma nglona hAlo meinina. Ar Ma didina mi le vama hurum vuma!

2 Samuel 10:12 Iomraidhean Croise

2 Samuel 10:11

Mi dum ala: Le suma Siri-na ad’enga kal kanu ni, ang mbeï ndjununu; le suma Amon-na ad’enga kal kangû ni, an iza ni ndjunung mi.

2 Samuel 15:26

Wani le Ma didina mi dala: An hurun vang nga d’uo d’angû ni, an wana. Ar mi le vama mi lum tam djivid’ina.

1 Sunda Hamuleinid’a 19:13

Ang ve tang ad’enga, ei soi tei ad’enga yam sum meina, yam azì mei ma nglona hAlo meinina. Ar Ma didina mi le vama hurum vuma!

2 Sunda Hamuleinid’a 32:7

Agi sogi tagiya, agi vagi tagi ad’enga, agi lagi mandar ri, ar tagi tchuk lus avok amul ma Asiri-na kablau suma mimiyâk suma a nga ki sed’ema d’i. Kayam suma a nga ki sed’eina a kal suma a nga ki sed’ema!

Nehemi 4:14

Bugol la an i á gol yina tetenga, an de mi suma nglona ki suma avok sumina kablau suma pet suma a nga ata yi mámina ala: Ar agi lagi mandara magi suma djangûna d’i. Agi djib’eregi yam Salad’a ala ni Ma ngol ma kal papana, agi durugi ayîna yam b’oziyogina, yam grogi suma andjofâ ki suma aropma, yam amiyôgina, yam aziyagi mi.

Nehemi 4:8

Azi pet a ndjak vunazi tu á ndami ami suma Jerusalem-ma ayîna á d’elemi avun sun ndata.

Ester 4:16

Ang i tok Juif-fâ pet suma a nga avo Sus-sâ, agi d’elegi tagi bei te tena bei tche va kan gak burâ hindi falei kandjege. An pî mba ni d’el tan bei te tena ki yugunei mana mi. D’igi gata d’el hina pî, an mba ni i krovo avok amulâ; le a tchan ni tchi pî, a tchanu!

Wana ni mbaktumba hi Job-pa 1:21

mi dala: An ndeï woi kur asun ni gandila, an mba ni hulongî gandila mi. Ma didina mi he, mi yo mi. Ar ei suburi Ma didina!

Ndumba 13:20

Agi i gologiziya, nandaga d’a tub’ad’a d’oze d’a bei tub’ad’a, aguna nga kua d’oze mi nga kua d’uo zu? Agi igiya, agi vagi tagi ad’enga, agi mbagi ki vud’agu ma yam ambas ndatina abogiya. Kayam ni yima a tin ad’u dut guguzlud’ina.

1 Korente-na 16:13

Ar agi kagagi ki ndjola, ar agi tchologi ngingring kur he gagazid’a, ar agi vagi tagi ad’enga mi.

Gat ta a hat á mbàd’id’a 31:6

Agi vagi tagi ad’enga, agi sogi tagiya, agi lagi mandar ri, agi zlagagi avorozi d’uo mi, kayam Ma didina Alo magina tamba nga mi tit ki sed’egiya, mba mi aragi vagi d’i, mba mi aragi woi d’uo mi.

Gat ta a hat á mbàd’id’a 31:7

Moise mi yi Josue avok Israel-lâ pet, mi dum ala: Ang ve tang ad’enga, ang so tangû, kayam ni ang ba, mba kal ki suma ablau suma wana yam ambas sa Ma didina mi hle vunam kat mabuyozi ngolo á hazizid’a, ni ang ba, mba b’rawazizi djona.

Hebre-na 11:33

Ni yam he gagazid’a ba, azi kus yam andagad’a teteng, azi le sun nda d’ingêra, azi fe vama Alona mi hlazi vunam kama. Azi duk vun azlona,

Hebre-na 13:6

Kayam ndata, ei ndak á dei bei mandarâ ba ala: Ma didina ni ma nga ndjununa; an nga ni ring mandar ri. Sana mi lan ni me ge?

Josue 1:18

Sama lara ma humung nga vunang nguo, mi ge nga yam kä ad’u vun ma he ma ang mba huma pet tuo na, a tchum mbeyo. Wani ang ve tang ad’enga, ang so tang mi.

Josue 1:9

Ni an ba ni hang vuna d’uo zu? Ang ve tang ad’enga, ang so tangû, ang le mandar ri, ang ar vunadigang pat tuo mi. Kayam an Ma didina Alo mangâ ni nga ki sed’eng ata yima lara ge pet ma ang mba i kuana.

Suma ka sariyad’a 10:15

Israel-lâ a de mi Ma didina ala: Ami lami tchod’a avorongû. Ang le vama hurung minima ki sed’emiya, wani ang sud’umi ini woi sut wü d’a.

1 Samuel 14:12

A de mi Jonatan azi kazong mama ki delezi akulo ala: Agi mbeyegi atamiya; ami mba tagagi va tu! Ata yi máma Jonatan mi de mazong mama ala: Ang mbei blogonu. Ma didina mi hazi wa abo Israel-lâ.

1 Samuel 14:6

Jonatan mi de mazong mama ala: Ang mbei i ata ades azigar suma bei ngat bayâd’ina. Dam Ma didina mba mi ndjuniya. Le ei ablaud’a d’oze akid’eid’a pî, vama d’el Ma didina á kus ayînina nga d’i.

1 Samuel 17:32

David mi de mi Saul ala: Ar sa tam tchuk lus yam ma Filistê máma d’i; an azong mangâ nga ni i dur ki sed’emu.

1 Samuel 3:18

Ata yi máma Samuel mi dum ad’u ahlena pet bei mi ngeyem va kä ba. Eli mi dum ala: Ni Ma didina; ar mi le vama djivi ma hurum minima.

1 Samuel 4:9

Agi Filistê-na, ei vei teya! Ei kagei andjofâ! Ar ei mbud’i magumeina hi Hebre-na d’igi azi ni magumei meina avok na d’i; ei vei teya! Ei duriziya!