2 Samuel 1:18 - Bible azumeina

¹⁸ Mi he vuna ala a had’at mi suma Juda-na; ni sawal la a tchi ki hor suma a tchazi ki yeûd’ina. A b’irit nga zlat kur mbaktumba hi ma d’ingêrîd’a:

2 Samuel 1:18 Iomraidhean Croise

Ad’u Tinda 49:8

Ni ang Juda ba, b’oziyongâ a mba suburungû. Ang mba tin abong ad’u azik mang suma djangûna. Abung groma a mba grif kä avorongû.

2 Samuel 1:19

Israel-lâ, mang ma gangrang ma durâ, mi puk kä yam yima ndingâ. Ni nana ba, mang suma gangrangâ a puk kä ge?

Gat ta a hat á mbàd’id’a 4:10

Agi djib’eregi yam bur ma agi tchologi avok Ma didina Alo magina yam ahina d’a Horep-pina. Ata yi máma Ma didina mi dan ala: Ang togonï suma; an min ala a hum zla manda tala azi hat á lan mandaran burâ ki burâ yam andagad’a ka hî, a had’at mi grozina mi d’a.

Josue 10:13

Afata ti ar tchola ata yatna, tilâ mi ar tchola ata yam mi, gak Israel-lâ a hlatchuguluzi ki mazi suma djangûna. A b’ir nga zla ndata kä kur Mbaktumba hi Ma d’ingêrîd’a d’uo zu? Afata ti ar tchola aduk akulod’a bei d’i b’at tat á i ata yat ma nika gak go ki burâ tu.