2 Pierre 3:7 - Bible azumeina

⁷ Wani akulod’a kandaga d’a tchetchemba a nga ngomozi ki zlad’a hAlonid’a tu ndata á b’lagazi woi kakud’a kur bur ma a mba ka sariyad’a yam suma tchona á b’lagazi woina.

2 Pierre 3:7 Iomraidhean Croise

Sawal la giled’a 102:26

Ni ang ba, läd’u andagad’a avok dedei; akulod’a ni sun nda ang lat kabonga.

Sawal la giled’a 50:3

Alo meina nga mi djïya, nga mi kak ki vunam ma du’â d’i, aku d’a b’lak yina nga d’i ngal avoromu, babar ma ngolâ mi nguyumu.

Isai 51:6

Agi hlagi iragi akulo. Bugola, agi gologi iragi kä yam andagad’a. Kayam akulod’a mba d’i val lei d’igi andosâ mi val lei na, andagad’a mba d’i wak kei d’igi baru ma tumusa na, suma a nga kaka katna a mba bo woi d’igi arona mi bo woi na, wani sut manda mba d’i kak didin, d’ingêr manda mba d’i dap pei d’uo mi.

Isai 66:15

Gola! Ma didina nga mi djï aduk akud’a, pus mam ma dur ayîna mi djangî d’igi mbirlimba na. Mi mbut ayî mam ma bibiliuna ni vama yo akud’a, mi mbut ngop mamba ni d’igi sin akud’a na mi.

Daniel 7:9

Daniel mi de kua ala: Ata yima an nga ni gol tua na, a ndjar zlumiyôna kä, ma abizei ma dedeina mi mba mi kak yam zlam mba dinga tu. Baru mam mba atamba ti hapa d’igi gagarad’a na, tumus sa kamba ti djifâ luluî d’igi tumus tumiyôna na. Zlam mamba nga d’i ngal d’igi sin akud’a na, abot ni d’igi abo pus ma akud’a na,

Sofoni 3:8

Ni kayam ndata ba, an Ma didina ni dagiya: Agi djubundi gak bur ma an tchol akulo á vagi ki zlad’ina, kayam an ni nga hurun á tok andjaf suma, á tok leud’a tu, á mba kayî man ma bibiliuna kaziya, kayam an mba ni ngal ambasa woi pet kayî man ma aku ma bibiliuna.

Matiye 10:15

Gagazi, an nga ni dagiya, kur bur ma ka sariyad’a, sariya d’a a mba kat yam azì ma ngol mámid’a, kal la a kat yam Sodom ki Gomor-ra.

Matiye 11:22

Wani an nga ni dagiya, kur bur ma ka sariyad’a, sariya d’a a mba kat yam azì ma nglo mámid’a mba d’i kal la a kat yam azì ma ngol ma Tir-râ ki d’a yam azì ma ngol ma Sidon-nid’a.

Matiye 11:24

Wani an nga mi dagiya, kur bur ma ka sariyad’a, sariya d’a a mba kat yam azì ma nglo mámid’a mba d’i kal la a kat yam andaga d’a Sodom-mbid’a.

Matiye 12:36

Wani an nga ni dagiya, zlad’a pet ta suma a nga dat hawa yayaka, a mba hulongôt ded’a kur bur ma dabi ma ka sariyad’a.

Matiye 24:35

Akulod’a kandagad’a a mba kal leyo, wani zla manda mba d’i kal lei d’i.

Matiye 25:41

An mba ni de mi suma yam bigan nda gulad’ina ala: Agi suma Alona gagi vunina, agi hud’ugi sä geven ndei dei, agi igi aduk aku d’a didin nda a minit yam diable azi ki malaika mamid’a.

Marik 6:11

Ata yima lara pet ma azi vagi nga atazi d’uo a humugi nga d’uo mi na ni, ata yima agi buzugugi woi abuna, agi pogi guguma hur asegina woyo. Gugum máma mba mi arî vama glangâsâ kaziya.

Jean 12:48

Sama noyôn ndei ma ve zla manda d’uo na, ma mba mi kam sariyad’a kama mi nga. Zla d’a an data, ni ndat ba, mba d’i kam sariyad’a kam kur bur ma dabid’a.

Romê-na 2:5

Wani yam hur mang ma b’ala, yam bei mbut hur mang ma yam tchod’ina, ang nga to’î ayî ma ngolâ hAlonina kang kur bur ma Alona mba mi nde ayî mama ki sariya mam mba d’ingêra woina.

1 Korente-na 3:13

sunda hi nge nge pî ad’ut mba d’i nde woi ni kur bur ma ka sariyad’a. Kur bur máma a mba ndat tei ni kakud’a, kayam akud’a mba d’i kuk sunda hi nge nge pî á tagat tei abua.

Filip-ma 1:28

Ar agi lagi mandar suma djangû magina d’i. Wana ni vama simata kazi ala azi ni suma ba woina. Wani ni vama simata yam sut magid’a ala ti tcholï nata Alona.

2 Tasaloni’â 2:3

Kayam ndata, ar sa lobogi ki zla d’a ding ngi. Kayam avok bur máma bei mba tua d’a, ablau suma a mba ar lovota hAlonid’a woyo, Ma tchona mba mi nde tam mbei ir suma, ni ma nga kam á bad’a woina.

1 Timote 6:9

Wani suma a hal ndjondjoîd’ina a nga nde kur kuka, a nga ve ki dauna, a nga ve ki d’od’ok ka lili d’a tchod’a ablaud’a yam ahle suma a sir suma kä kur b’laka ki bad’ina.

Hebre-na 12:29

kayam Alo meina naku d’a nga d’i ngal ahlena woid’a.

2 Pierre 2:9

Kayam Salad’a mi we lovota á pat suma a nga tit blogoma woi kur kuka, á ngom suma tchona gak bur ma ka sariyad’a mi.

2 Pierre 3:10

Wani burâ hi Salad’ina mba mi mba ni d’igi sama kula na. Kur bur máma akulod’a mba d’i kal lei ki siwel la ngola, ahle suma akulona pet akud’a mba d’i b’lagazi woyo. Andagad’a kahle suma kurutna pet a mba ngal lei mi.

2 Pierre 3:12

Ar agi djubugi bur ma mbad’a hAlonina, agi b’ad’agi tagi á zut mbad’a hi bur mámid’a mi. Ni bur ma akulod’a mba d’i vakud’a, mba d’i b’lak keina, ahle suma akulona pet a mba lau woi abo aku d’a ngala.

1 Jean 4:17

O d’a ndak memet kurid’a ba wana: Kayam ei mba tcholei avorom bei mandarâ ba kur bur ma ka sariyad’a. Kayam kak meid’a kur duniyad’a ka hid’a ni d’igi kaka hi Jesus Christ-sa na.

Jude 1:7

Agi djib’eregi yam suma Sodom-ma ki suma Gomor-râ kazì ma nguyuzina. Azi le dedege d’igi malaika ndazina na, a he tazi á le mizeuna, a lahle suma ndjendje suma ndak á led’a d’uo na. Azi ndak á fe ndaka aduk aku d’a didinda; azi ni vama simata mi suma pet.

Vama ndum mbeina 17:11

Ambur ma adjeu dei ma mi nga ki tchetchemba d’uo na, mam tamba namul ma klavandina. Mam tamba ni ma aduk suma kid’iziya suma avo’â, ni ma i kur ba mambina.

Vama ndum mbeina 17:8

Ambur ma ang wum adjewe ki tchetchemba mi nga d’uo na, nga mi ndeï woi kur zul la yiyika á i kur ba mamba. Suma yam andagad’a suma a fazi nga simiyêzi b’ira kur mbaktum mba arid’a avok dei bei ad’u tinda hi duniyad’a d’uo na, a mba le atchap ata yima azi wambur mámina, kayam mi nga adjewe, ki tchetchemba mi nga d’i, wani mam mba mi ndeï woi kua d’ei.

Vama ndum mbeina 20:11

An we zlam mba amul la ngol la hapa. Ma nga kaka katna, andagad’a kakulod’a a nga ring ngei avoromu, a dok wazi d’uo d’a.

Vama ndum mbeina 21:1

An we akulo d’a awilid’a kandaga d’a awilid’a, kayam akulo d’a adjeud’a kandaga d’a adjeud’a a kal wa woyo, alum ma ngolâ mi nga d’uo d’a.