2 Pierre 3:17 - Bible azumeina

¹⁷ Wani agi buniyôn suma od’a, ki tchetchemba, agi wagi ahle ndazina da’. Agi gologi tagi djiviya, ar suma tchona á vid’igi woi kur tchila mazid’a kur tchol magi d’a ngingringa d’i.

2 Pierre 3:17 Iomraidhean Croise

Zla d’a d’ogolâ 1:17

Le sana mi gun dauna kä ir aleina ni, mi kau tamî hawa.

Matiye 16:11

Agi wagi nga d’ala an dagi ni yam avungôna d’uo d’a d’uo zu? Wani agi gologi tagi djivi kangufa hi Fariziyênid’a ki d’a hi Sadusiyênid’a.

Matiye 16:6

Jesus mi dazi ala: Agi gologi tagi djivi kangufa hi Fariziyênid’a ki d’a hi Sadusiyênid’a.

Matiye 7:15

Jesus mi had’azi kua ala: Agi gologi tagi djivi ki suma djok vun suma ka zla suma a nga mba atagi ki bak tumiyôna atazina, wani kuruzi krovo ni ngû ma ayîna.

Jean 16:4

Wani an dagi ahle ndazina hina, kayam fata yi máma mbad’a, agi mba djib’eregi yam zla d’a an dagizid’a. Jesus mi dazi kua ala: An dagi nga ahle ndazina avok kei d’i, kayam an nga ki sed’egiya.

Sunda hi suma a sunuzinid’a 2:42

A ve tazi ad’enga kur hat ta suma a sunuzina a had’azizid’a, a nga le darigïd’a aduk taziya, a nga mbruk avungôna, a nga tchen Alona mi.

Romê-na 16:18

Kayam suma hina na a le ni sunda hi Christ Saleinid’a d’i, wani ni yam huruzi go. Ki zla mazi d’a de d’a djivid’a ki vunazi ma mbulâ a nga mbut hur suma bei ned’ina kä.

1 Korente-na 10:12

Kayam ndata, le sa mi djib’er ala mi ni tchola ni, mi gol tam djiviya ar mi puk kä d’i.

1 Korente-na 15:58

Kayam ndata, b’oziyon suma an le kagi heîna, agi tchologi ngingring bei gigeta ba. Agi igi avogovok kur sunda hi Salad’id’a, kayam agi wagi ala sun magi d’a yam Salad’id’a nga ni hawa d’i.

2 Korente-na 11:3

Wani an nga ni le mandarâ kagiya. Ar djib’er magid’a ti b’lak ki, ar agi walagi djin magi d’a d’engzeng nga yed’et ta ki Christ-sa woi d’igi guguina mi lop Ef ki lem mamba na d’i.

Galat-na 5:4

Agi suma min mbud’ugi d’ingêr avok Alona á gagi yagi kä ad’u gatina, agi walagi woi ki Christ, agi kid’agagi woi ata sumad’a hAlonid’a mi.

Efes-sâ 4:14

Kayam ndata, ar ei kagei d’igi kem suma simet ma lara ge pet nga mi tchazi tata kur hata hi suma kur lop ira ki lem mba vitina na d’uo d’a.

Filip-ma 3:2

Agi gologi tagi djivi kadureina; azi ni suma le sun nda tchod’a, azi ni suma ngat bayâ suma ka zlad’a.

Kolos-sâ 2:5

Le an tan nga adigagi d’uo pî, an nga ni djib’er kagiya. An le furîd’a ata yima an wagi agi nga kak kä tchugot yam he gagazi magi d’a agi hat yam Christ-sina.

Kolos-sâ 2:8

Agi gologi tagi djiviya, ar sa yogi ad’um ki hat mam mba ne d’a hawa yaka d’i. Hat ndata ni hata hi suma ki muzuk ma tcho ma te yam andagad’ina, nga ni zla d’a tcholï avun Christ-sa d’i.

2 Timote 4:15

Ang gol tang djivi ki sed’emu, kayam mi tchol ki sed’emi ad’enga heî ki zla mamid’a.

Hebre-na 3:14

Kayam ndata, le ei vei tei ad’enga yam hur mei ma tin ma avo’â ngingring gak bur ma dabid’a ni, ei ni Jesus ndroma.

1 Pierre 5:9

Agi siragi kur he gagazi magid’a, agi tchologi ngingring á d’elem mi, kayam agi wagi ndak ka hina d’a nga d’i le b’oziyogi suma a b’rau woi kur duniyad’a petna mi.

2 Pierre 2:7

Wani mi pat Lot ma d’ingêr ma hurum b’lak yam gaulangâ hi suma tchonina woyo.

2 Pierre 3:1

Buniyôn suma od’a, wana ni mbaktum mba mbà d’a an b’irigizid’a. Kurut djak an zlid’igi akulo kur djib’er magi d’a djivid’a á gagi humagi yam hat ta an had’agizid’a.

Vama ndum mbeina 2:5

An nga ni dangû, ar ang djib’er yam yima ang puk kuana, ang mbut hurung yam tcho manga, ang le sunda d’igi ang lat avok na. Le ang mbut nga hurung yam tcho manga d’uo ni, an nga ni mba ni hle agu ma tin lalam manga woi ata yamu.