2 Pierre 3:16 - Bible azumeina

¹⁶ Ahle suma mi b’irizi kur mbaktumba yam ahle ndazina petna, kur mbaktum mamba, ahle suma ding suma ad’enga heî á wazi ad’uzina a nga. Suma bei wed’a suma ad’engêzi ndak kuo na, a nga gun zla ndata d’igi a nga gun zla d’a ding nga a b’irit kur mbaktumba hAlonid’a na mi. Azi le hina á b’lak azi tazid’a woyo.

2 Pierre 3:16 Iomraidhean Croise

Ad’u Tinda 49:4

Angî d’igi mbiyo ma nga mi sulul huhubupma na, wani ang mba kak ma avo’â d’i, kayam ang bur kamanda, ang mbut azang man ma burâ ndjendjed’a.

1 Amuleina 10:1

Amul la Seba-d’a ti hum zla Salomon, ti mba á kugum ki ne mamba, ti djobom yam zla d’a mudurid’a.

Sawal la giled’a 56:5

Alona, an nga ni gileng yam zla d’a ang data, an tin hurun ni kangû, an nga ni le mandar ri. Sana ni nge ba, mi lan vana ge?

Buzuk ka Abud’a 23:2

Ar agi zlabagi tagi ki suma ablauna á le tchod’a d’i, agi zlabagi tagi ki suma ablauna á b’lak sariya d’a d’ingêra woi d’i,

Buzuk ka Abud’a 23:6

Le sama houd’a mi mba ki sariya mamba avorogiya ni, agi kamzi tchod’a d’i.

Jeremi 23:36

Wani agi mba yagi zla d’a aneka hi Ma didinid’a ala: Wana ni zla d’a aneka hi Ma didinid’a d’uo d’a. Zla d’a aneka hi Ma didinid’a mba d’i arî zlad’a hi nge nge pî ki yamu, kayam agi b’lagagi zlad’a hAlo ma bei matna Ma didin ma ad’engêm kal petna, Alo meinid’a woyo.

Habakuk 1:4

Ni kayam ndata ba, gata mbut ab’lenga, d’ingêra ad’engêt nga d’uo mi. Kayam ma tchona nga mi kus yam ma d’ingêrâ; sariya d’a kad’a pî, d’ingêra nga kua d’uo mi.

Matiye 15:3

Jesus mi hulong dazi ala: Agi mi, ni kayam me ba, agi tagid’a aragi gata hAlonid’a woi kayam hata hi simiyêgid’a ge?

Matiye 15:6

Kayam ndata, agi mbud’ugi Zlad’a hAlonid’a woi vama hawana yam hata hi simiyêgi suma adjeunid’a.

Matiye 22:29

Jesus mi hulong dazi ala: Agi vid’igi woi ni kayamba agi nga wagi mbaktumba hAlonid’a kad’eng mamba d’uo d’a.

Gat ta a hat á mbàd’id’a 16:19

Ar agi b’lagagi sariya d’a d’ingêra d’i, ar agi managi sana yam iram go d’i. Ar agi vagi he d’a hawa d’a mbut ira abo sa d’i, kayam he d’a hawa d’a mbut ira nga d’i duk ir suma ned’a woi á b’lak zlad’a hi suma d’ingêrîd’a.

Filip-ma 3:19

Sum ndazina, dabi mazid’a ni bad’a, alo mazina ni hayaziya. Azi nga subur tazi yam ahle mazi suma zulona, djib’er mazid’a ni yam ahle suma yam andagad’a ka hina go.

Hebre-na 5:11

Ami nga ki zla d’a ngola á dagi yam zla ndata, wani ad’enga á vad’ud’a, kayam agi mbud’ugi aneka á hum zlad’a.

Jacques 1:8

kayam mam mi sama hurum mbàmbàna, ni sama djib’er mamba afefetna mi.

1 Pierre 1:1

Ni an Pierre ma a sunuma hi Jesus Christ-sâ. An nga ni sun mbaktum mba wanda mi agi suma Alona mi managi suma b’rawagi woi kur ambas sa Pong, Galat, Kapados, Asi ki d’a kur Bitini-d’ina.

1 Pierre 2:8

Mbaktumba hAlonid’a ti de kua ala: Mam nahina d’a dap asem suma, Nahina d’a ti puguzi kä d’a mi. Azi dap asezi atat kayam azi he nga gagazid’a yam zlad’a hAlonid’a d’i. Kayam ndata, Alona mi ngazizi kazi wana.

2 Pierre 2:1

Wani adjeu suma djok vun suma ka zlad’a a nga aduk suma. Hina mi, suma hat suma ka zlad’a a mba kal adigagi ki ngeid’a ki hat ta nga ata yat tuo d’a. Azi mba tin vunazi yam Salazi ma sud’uzina, a mba mba ki b’laka kazi atogo zak.

2 Pierre 2:14

Irazi nga tinda yam aropma teteu á le mizeuna ki sed’eziya. Azi ndak á ar tchod’a d’i. Azi nga ve suma amangeîna ki dauna. Djib’er mazid’a nga zud’uzi á le d’od’ok ka fe beged’a. Azi ni suma Alona mi gazi vunina.

2 Pierre 3:14

Kayam ndata, buniyôn suma od’a, kur djup pa agi nga djubugi bur mámid’a, agi b’ad’agi tagi á kagagi suma yed’etna bei zlad’a kagi ba avok Alona, á kagagi ki sed’em kur b’leng nga halasa mi.

2 Pierre 3:2

An min agi djib’eregi yam zla d’a suma djok vun Alona suma mi tinizi irazi vazina a dat adjeud’a ki vun ma hed’a hi Salei ma sut ma magi suma a sunuzina a had’agizina.

Jude 1:4

Kayam suma ding suma tchona a nga si kä adigei gumunu, ni suma a ka sariyad’a kazi avok deina, ni suma bei ge yazi kä ad’u Alonina; ni suma a mbut sumad’a hAlo meinid’a woi vama ndjendjed’a kur tit mazid’ina; ni suma a noî Saleina Jesus Christ ma tu ni mei ma hatina.