2 Pierre 2:14 - Bible azumeina

¹⁴ Irazi nga tinda yam aropma teteu á le mizeuna ki sed’eziya. Azi ndak á ar tchod’a d’i. Azi nga ve suma amangeîna ki dauna. Djib’er mazid’a nga zud’uzi á le d’od’ok ka fe beged’a. Azi ni suma Alona mi gazi vunina.

2 Pierre 2:14 Iomraidhean Croise

Wana ni mbaktumba hi Job-pa 31:7

Le asen ma tita mi d’es sei kur lovot ta d’ingêra, le hurun mi tit bugol iranu, le abon mi do vama tcho ni,

Wana ni mbaktumba hi Job-pa 31:9

Le hurun mi le d’od’oka katcha d’a dinga, le an i ni bur kä avun azina hi ndranina ni,

Zla d’a d’ogolâ 5:6

Ti nga d’i djib’er yam lovot ta i kur arid’id’a d’i, ti ka vita ni bei ti we ba.

Zla d’a d’ogolâ 6:25

Ar ang le d’od’oka kurung yam djif matna d’i, ar ti vang ki irat ta bizeina d’i.

Isai 1:16

Agi mbuzugi tagi woyo, agi mbud’ugi tagi woi yed’et, agi aragi sun magi d’a asa’at ta agi lat avoronda woyo, agi aragi tcho d’a led’a woi mi.

Isai 34:5

Gola! Mbigeud’a hi Ma didinid’a ti ndeï woi kur akulod’a. Nga d’i ka suma Edom suma Ma didina mi kazi sariyad’a kazi á dabazi woina.

Isai 65:20

Kur azì máma a mba fe gogor ma mi mit atogo hina za’â nga d’i, mamar ma mit avok bei bizam mbi nda’â nga d’uo mi. Gogorâ mba mi mit ni bizad’a kis mbeî, sama mi mit avok bizad’a kisina, a mba golomî d’igi sama tcho ma Alona mi gum vunina na.

Jeremi 13:23

Ma Etiyopi-na mi ndak á mbut babagam zu? Sindilâ mi ndak á mbut d’udjo mamba zu? Hina mi, agi suma had’agi ki tcho d’a led’ina, agi ndak á lagi djivid’a d’uo mi!

Ezekiyel 13:18

Ang dazi ala: Ni zla d’a hohoud’a yam arop suma a nga gan ganda del abo suma suma a nga tchil lafaina yam suma ata wul mazid’a teteng á vik karid’a hi sumid’a. Agi nga lagi hina á vigigi karid’a hi sum mana á ngomogi kari magid’a tata zu?

Matiye 12:34

Agi gro mageid’a, ni nana ba, agi suma tchona ndak á de vama djivina ge? Kayam ahle suma a nga oîd’a kur sanina ba, a buzuk kei avunam á ded’a.

Matiye 23:14

Ni zla d’a hohoud’a kagi agi suma hat gata ki Fariziyê suma lop ira, kayam agi tagi ahlena harop suma modonod’ina, agi tchenegi tchen nda fiyak ka lop ira. Kayam ndata, Alona mba mi kagi sariya d’a tcho d’a kal teglesa kagiya.]

Matiye 25:41

An mba ni de mi suma yam bigan nda gulad’ina ala: Agi suma Alona gagi vunina, agi hud’ugi sä geven ndei dei, agi igi aduk aku d’a didin nda a minit yam diable azi ki malaika mamid’a.

Matiye 5:28

Wani an nga ni dagiya, sama gol atchad’a hi sama dingîd’a mi le d’od’oka katna, mi le wa mizeuna ki sed’et kurum da’.

Marik 13:22

Suma ka zlad’a a mba tchol a yi tazi ala azi ni Mesi; suma dingâ a dala azi ni suma djok vun Alona. A mba lahle suma simata kahle suma ndandalâ kayam ladjï lovota nga ni, a mba lop vun suma Alona mi manazina mi.

Jean 5:44

Agi suma halagi ni subura hi sumid’a, agi nga halagi subur ra tcholï ata Alo ma tu gid’engîd’a d’i. Ni nana ba, agi ndak á hagi gagazid’a ge?

Romê-na 16:18

Kayam suma hina na a le ni sunda hi Christ Saleinid’a d’i, wani ni yam huruzi go. Ki zla mazi d’a de d’a djivid’a ki vunazi ma mbulâ a nga mbut hur suma bei ned’ina kä.

1 Korente-na 11:19

Djivid’a wala mba adigagi hina á we suma gagazi suma adigagina.

Efes-sâ 2:3

Ei pet adjeu ei ni d’igi azi na mi. Ei tid’i ni kur d’od’oka hi hliwid’a, ei lei ni minda hi hliunid’a kur djib’er meid’a mi. Ata vut meid’a ei ni suma Alona hurum zal kei d’igi suma hiuna na na mi.

Efes-sâ 4:14

Kayam ndata, ar ei kagei d’igi kem suma simet ma lara ge pet nga mi tchazi tata kur hata hi suma kur lop ira ki lem mba vitina na d’uo d’a.

Kolos-sâ 2:18

Ar sa mi yogi wurak magid’a ata lovot ta ge yamba kä kukud’uk á kud’or malaikana d’i. Sama hina na mi tin djib’er mamba ni yam ahle suma a nde tazi woi irama. Ni sama yam mba ad’enga kur djib’er mamba hi hliwim mba hawa yakina,

Jacques 1:8

kayam mam mi sama hurum mbàmbàna, ni sama djib’er mamba afefetna mi.

2 Pierre 2:18

Azi nga de zla d’a subur tad’a ki zla d’a de d’a hawa yaka, azi nga tit kur d’od’oka á le mizeuna hi hliu tad’a á ve suma a ar go á prut tei aduk suma a nga tit kur batrangina ki dauna.

2 Pierre 2:3

Yam d’od’ok mazi d’a fe beged’a, a mba mbut abozi ki sed’egi ki zla d’a lop ir mazid’a. Wani Ma kazi sariyad’a kazina mi min tam avok dei kaziya, Ma b’lagazina nga mi bur sen nduo mi.

2 Pierre 3:16

Ahle suma mi b’irizi kur mbaktumba yam ahle ndazina petna, kur mbaktum mamba, ahle suma ding suma ad’enga heî á wazi ad’uzina a nga. Suma bei wed’a suma ad’engêzi ndak kuo na, a nga gun zla ndata d’igi a nga gun zla d’a ding nga a b’irit kur mbaktumba hAlonid’a na mi. Azi le hina á b’lak azi tazid’a woyo.

1 Jean 2:16

Kayam ahle suma kur duniyad’ina pet ni djib’er ra tchod’a hi hliu tad’id’a ki d’od’oka hi irid’a ki subur ta d’a hawa yaka. Ahle ndazina a tcholï nga nata Abui Alona d’i, wani a tcholî kur duniyad’a ka hî.

Jude 1:11

Ni zla d’a hohoud’a kaziya, kayam a hle ni lovota hi Kain-nda, a he tazi yam d’od’oka hi beged’id’a d’igi Baläm na, a ba woyo, kayam azi le yam mba ad’enga d’igi Kore na.

Vama ndum mbeina 12:9

Dragon máma a gumï kä, ni gugui ma mamar ma a yum ala Diable d’oze Seitan na na, ni ma nga mi lop suma yam andagad’a petna. A gumï kä yam andagad’a, a tchugï malaika mama kä woi zlapa ki sed’em mi.