2 Pierre 2:10 - Bible azumeina

¹⁰ Kal pet mba mi ka sariyad’a yam suma a nga tit bugol djib’er ra ndjendjed’a hi sa mazi ma adjeuna suma a nga gol ad’enga hAlonid’a isâ. Ni suma a hat hat ta tcho d’a an dagi katina, ni suma bei le mandarâ, ni suma tum didi’â. Azi nga ge yazi kä avok ahle suma ari suma subur suma akulona d’i, wani a nga nguluziya.

2 Pierre 2:10 Iomraidhean Croise

Ad’u Tinda 49:6

An min ndjak vunan ki sed’ezi kur tok mazi d’a gumunda d’i, an min ndjunuzi kur tok mazid’a d’i. Kayam kur hur mazi ma zala azi tchi suma, kur asa’at mazid’a azi ka amuzleina gigilangâziya.

2 Samuel 20:1

Wani sama bateina mi nga kua, a yuma ala Seba; ni Bikri ma Benjamin-na goroma. Mi bu adifa mi dala: Va mi ndolei nga ki David ti. Ei nga tei djo aduk tei ki Jesse goroma d’i. Agi Israel-lâ nge nge pî, mi hulong avo hatamu!

1 Amuleina 12:16

Ata yima Israel-lâ pet a wala amulâ mi min nga zla mazid’a d’uo na, a dum ala: Va mi ndolomi nga ki David ti. Ami nga tami djona ki Jesse gorom mbi! Agi Israel-lâ, ar nge nge pî mi hulong avo kur zlub’u mamba! A dum kua ala: Ki tchetchemba, ang David goroma, ang tamul manga! Ni hina ba, Israel-lâ a i avo hataziya.

Sawal la giled’a 12:4

Ma didina, ar ang pat suma a nga de zlad’a ki vunazi ma mbulîna woi zlapa ki suma a nga de zla d’a subur tad’ina,

Buzuk ka Abud’a 22:28

Agi ngulugi an Alo magina d’i, agi ngulugi amul magina d’uo mi.

Ma tchi wala 10:20

Ar ang ngul amulâ d’i, ar ang ngulum kurung krovo d’uo mi; ata yang ma burâ pî, ar ang ngul ma ndjondjoîna d’i. Kayam aleina mba mi hlang delengû, mba mi i mi de zla mang nga ang data woi abua.

Jeremi 2:31

(Agi suma kur atchogoi d’a tchetchem wandina, agi djib’eregi yam zla d’a Ma didina mi data.) Agi Israel-lâ, an mbut ni hur fulâ d’oze ambas sa nduvun nda i’îlika kagi zu? Agi sum mana, ni kayam me ba, agi nga dagi ala: A tchugumi wa akulo da’, ami dok hulongômi geveng nguo ge?

Ndumba 15:30

Wani le ni ma Israel-lâ d’oze angeina, mi le tchod’a kur min mamba ni, mi golon ni is; a mba pad’am mbei aduk sum mama.

Wana ni Zla d’a Djivi d’a Luc mi b’irita 11:25

Kid’a mi mbaza d’a, mi fat hurut minda tora woi d’id’ing.

Wana ni Zla d’a Djivi d’a Luc mi b’irita 19:14

Wani suma yam andaga mambina a noyômu, a ge sunda blogomu, a dala: Ami min sa máma mi te kami d’i.

Sunda hi suma a sunuzinid’a 23:5

Paul mi dazi ala: B’oziyona, an we nga d’ala mam mi ma ngol ma ngat buzuna d’a d’i, kayam mbaktumba hAlonid’a ti dala: Ang de zla d’a tchod’a yam ma te yamba hi sum mangîna d’i.

Romê-na 8:1

Ki tchetchemba, suma a nga zlap tu ki Jesus Christ-sâ, sariya nga kazi d’i.

1 Korente-na 6:9

Agi wagi tetet ala suma a lahle suma ata yazi d’uo na a mba kal kur leud’a hAlonid’a d’uo d’uo zu? Ar agi lobogi tagi d’i. Suma mizeuna, suma tuwal fileina, suma e’eûd’a, suma a bur ki ndrozi andjofîna,

2 Korente-na 10:3

Le ami nga tid’imi ni d’igi suma bei he gagazid’ina na pî, ami nga durumi ayîna d’igi sum ndazina na d’i.

Efes-sâ 4:19

Kayam huruzi mbut tib’iri’â, a he tazi á le sun nda batranga, á le a’arad’a, á le sun nda ndjendje d’a lara ge pet mi.

Efes-sâ 5:5

Agi wagi woi tetet ala sama mizeuna, sama le sun nda ndjendjed’a, sama le d’od’oka yam beged’ina, nala ma tuwal fileina, suma hina na a mba te leud’a hi Christ-sa kAlona d’i.

Kolos-sâ 3:5

Kayam ndata, agi tchagi ahle suma kurugi suma yam andagad’a ka hina woyo, nala, mizeuna, sun nda ndjendjed’a, e’eûd’a, a’arad’a ki d’od’ok ka tuwal fileina mi.

1 Tasaloni’â 4:7

Alona mi yï ná le mizeuna d’i, wani ná kagei ni suma yed’etna.

2 Timote 3:2

Kayam suma a mba le ni yam taziya, ni suma a le yam beged’a, ni suma subur tazina, suma yam mba ad’enga, suma a ngul Alona, suma bei hum vun simiyêzina, suma bei le mersina, suma bei le mandara Alona.

Wana ni mbaktum mba Paul mi b’irit mi Tit-ta 1:7

Mbeî ma gol Toka ni ma bei zlad’a kama, kayam mam mi sama ngom ahlena hAlonina. Ni ma bei subur tama, ni ma bei mbut ayîna atogo na, ni ma bei gurut ki süma, ni ma bei to sana, ni ma bei le d’od’oka á fe mbiyo ma mbut ira ba na.

Hebre-na 13:4

Ar tela ti ka’î vama hud’a avok suma pet. Ar atchad’a ki ndjuvut a ka’î suma d’engzengâ aduk taziya, kayam Alona mba mi ka sariyad’a yam suma e’eûd’a ki suma mizeuna.

2 Pierre 3:3

Ar agi wagi woi avok tua, kur bur ma danana suma las suma a mba mba á las suma, a mba tit kur d’od’oka hi hliu tazid’a kur min mazid’a.

Jude 1:10

Wani sum ndazina a nga ngul vama azi wum mbuo na kahle suma azi wazi kur djib’er mazid’a d’igi ahle suma abagei suma bei djib’era na na, a nga b’lak kei kur ahle ndazina.

Jude 1:16

Sum ndazina tazi nga d’i lazi djivi d’i, huruzi nga mi zal yam ahle suma a nga mba kazina, a nga tit kur d’od’oka hi hliwizid’a, a nga de zla d’a subur tad’a, a nga lad’u suma á fe mbina ataziya.

Jude 1:18

Azi dagi ala: Kur bur ma danana, suma las suma a mba mba, ni suma a tit kur d’od’ok mazi d’a tchod’ina.

Jude 1:4

Kayam suma ding suma tchona a nga si kä adigei gumunu, ni suma a ka sariyad’a kazi avok deina, ni suma bei ge yazi kä ad’u Alonina; ni suma a mbut sumad’a hAlo meinid’a woi vama ndjendjed’a kur tit mazid’ina; ni suma a noî Saleina Jesus Christ ma tu ni mei ma hatina.

1 Samuel 10:27

Wani suma zlazi nga d’uo na a nga dala: Sa máma mba mi sud’i woi ni nana ge? Kayam ndata, a golom is, a hum nga he d’a hawad’a d’i, wani Saul mi de nga zla d’i.