2 Pierre 1:8 - Bible azumeina

⁸ Le agi nga lagi ahle ndazina, le a nga zul adigagi miyu ni, a mba zud’ugi avogovogo, agi mba kagagi hawa bei vuta d’i, agi mba wagi Saleina Jesus Christ tetet mi.

2 Pierre 1:8 Iomraidhean Croise

Zla d’a d’ogolâ 19:15

Azulomba ti burî sana sena d’ad’ak, sama mi le sunda ndjondjôna, meid’a mba d’i tchumu.

Matiye 13:22

Ma mi nde aduk aweid’ina ni sama hum zlad’a, wani djib’era hi duniyad’id’a ki d’od’oka hi beged’id’a a hep zla d’a a yagat kurumba akulo ped’et bei le irâ.

Matiye 20:3

Mi ndabu kua ki mid’ei ma de zlad’a, mi we suma dingâ a nga tchola ad’u su’â hawa.

Matiye 20:6

Mi ndabu kua kafata libina, mi fe suma dingâ a nga tchola hawa. Mi dazi ala: Ni kayam me ba, agi kagagi ka hî yorogo dei gak ki tchetchemba bei le sunda ge?

Matiye 25:26

Wani salama mi hulong dum ala: Ang azong ma tcho ma azulomba, ang le wala an nga ni dut ata yima an yak nga kua d’uo na, an nga ni tok ata yima an zar nga kua d’uo na mi ni,

Jean 15:2

Abo ma lara pî ma nga atana, le nga mi vut tuo ni, mam mba mi kam mbeyo. Abo ma nga mi vutna, mam nga mi tchawam abom mbeyo, kayam mi hulong mi vut vut ta kala.

Jean 17:3

Ari d’a didinda ba wana, nala, a wang ala ang tu nAlo ma gagazina, a wan ala an Jesus Christ ni ma ang sununïna mi.

Jean 5:42

Wani an wagiya, od’a hAlonid’a nga kurugi d’i.

Romê-na 12:11

Ar agi lagi azulomba kur sun nda led’a d’i. Ar agi lagi sunda mi Salad’a ni ki zlezleûd’a.

1 Korente-na 15:58

Kayam ndata, b’oziyon suma an le kagi heîna, agi tchologi ngingring bei gigeta ba. Agi igi avogovok kur sunda hi Salad’id’a, kayam agi wagi ala sun magi d’a yam Salad’id’a nga ni hawa d’i.

2 Korente-na 13:5

Kayam ndata, ar agi gologi tagi djiviya, na ni agi nga hagi gagazid’a gagazi zu? Ar agi kugugi tagiya. Agi wagiya, na ni Christ nga kurugi gagazi zu? D’oze agi mba kid’agagi woi zu?

2 Korente-na 8:2

Azi nga kur kuka ngola; hina pî, azi nga le furîd’a ngola. Azi ni suma houd’a pî, a he he d’a hawad’a ngola.

2 Korente-na 8:7

Agi ndagagi yam ahlena pet, kur he gagazid’a, kur zla d’a ded’a ki wed’a ki zlezleûd’a ki o d’a agi nga lat kamid’a. Kayam ndata, ar agi igi avogovok kur sun nda suma ndata mi.

2 Korente-na 9:14

Azi mba le od’a ngola kagiya, a mba tchen Alona kagi yam suma d’a ngola hAlona d’a agi nga ki sed’eta mi.

Filip-ma 1:9

Vama an tchen Alona kagina ba wana: Ar o magid’a ti zul avogovok zlapa ki wed’a ki wad’ud’a pet mi,

Filip-ma 2:5

Ar agi kagagi ki djib’era hi Jesus Christ-sa kurugiya:

Filip-ma 3:8

An gol ahle ndazina pet ni d’igi vama hawana na, wani vama djivi ma kal tegles ma an halama ná we Jesus Christ Salana, mam ma an ar ahlena woi pet kama. An gol ahle ndazina pet ni d’igi siligitna na á fe Christ,

Kolos-sâ 1:10

Hina wani, agi tid’igi ndak yam minda hi Salad’id’a á le sun nda djivi d’a lara ge pet á lum tam djivid’id’a. Ar sun magi d’a djivid’a ti zul avogovok á wAlona.

Kolos-sâ 2:7

Ar sideyegi mi sir kä kamu, agi minigi akulo kamu, agi kagagi ngingring kur he gagazi magid’a d’igi a had’agi na, ar agi lagi mersi mAlona kam kua kam kua mi.

Kolos-sâ 3:16

Ar zlad’a hi Christ-sa ki ndjondjoî mata ti kak kurugi ngola, ar agi had’agi tagiya, agi gigid’egi tagi ki ned’a pet ki giled’a ki sawala hAlonid’a ki sawala hi Muzuk mamid’a mi. Ar agi gilegi Alona ki sawala kurugi mi.

1 Tasaloni’â 3:12

Ar Salad’a mi igi avogovok kur o d’a agi nga lat yam tagid’a zlapa ki suma pet, d’igi ami nga lami kagi na mi.

1 Tasaloni’â 4:1

B’oziyomina, vama arâ, ami nga tchenegiya, ami nga gigid’egi ki simiyê Salad’a Jesus d’igi ami had’agi avok na, ni nana ba, agi tid’igi tit ta lAlona tam djivid’a ge. Ki tchetchemba, agi nga lagi na mi, ar agi igi iragi avogovogo.

2 Tasaloni’â 1:3

B’oziyomina, ami nga lami mersi mAlona teteu kagi nata yad’u, kayam he gagazi magid’a nga d’i wul heî, o magi d’a agi nga lat yam tagid’a nga d’i zul avogovok mi.

1 Timote 5:13

Wani azi hat nazulomba, a tit navun azina avun azina. Azi nga hat nazulomba hol li, wani a mbut ni suma tchibet zlad’a ki mbut ira. Azi de nahle suma ndak á ded’a d’uo na.

Wana ni mbaktum mba Paul mi b’irit mi Tit-ta 3:14

Ar sum meina a hat á le sun nda djivid’a teteu, kayam a fahle suma a kid’agazina, kayam tit mazid’a kak bei vuta d’i.

Filemon 1:6

An nga ni tchen Alona yam darigï d’a zlabang ki sed’emi yam he gagazid’id’a ti zul avogovok kayam suma pet a we djivi d’a pet ta ei nga ki sed’et yam Jesus Christ-sa.

Hebre-na 6:12

Kayam ndata, ami minimi ala agi lagi azulomba d’i, wani agi lagi d’igi suma a he gagazid’a suma a ve tazi á ve vama Alona mi hle vunam kama na.

2 Pierre 1:2

Ar Alona mi vagi sumad’a ki b’leng nga halasa ngola, kayam agi wagi Alona ki Saleina Jesus mi.

2 Pierre 1:3

Alona mi had’eng mamba mi Jesus Christ. Christ mi hei ahlena pet suma a kid’ageina kayam mi mbud’i suma nda’â á tid’i kur lovot ta gagazid’a hAlonid’a, á wei Christ ma mi yï á mbud’i dedege d’igi mam na kur subur mamba ki djivi mambina tetet.

2 Pierre 2:20

Le azi prut tei kur tcho d’a d’od’oka hi duniyad’id’a kayam azi we Salei ma suta Jesus Christ, le a hulong kur tcho ndata ti kal kaziya ni, tchi mazi d’a bugola mba d’i kal la avoka.

2 Pierre 3:18

Wani agi wulugi akulo kur sumad’a ki wed’a hi Salei ma suta Jesus Christ-sa. Ar ei suburizi ki tchetchemba gak didin. Amin!