2 Pierre 1:19 - Bible azumeina

¹⁹ Kayam ndata, ei tini huri memet yam zla d’a suma djok vun Alona a dat teid’a. Djivid’a agi vagizi kurugi d’igi lalam mba nga d’i b’o kur yima nduvundid’a na gak yina fo, ar avevel ma fo yina mi b’o kurugiya.

2 Pierre 1:19 Iomraidhean Croise

Sawal la giled’a 119:105

Zla manga ni lalam mba b’o yina avoronda, naku d’a b’o hur lovot mandid’a mi.

Zla d’a d’ogolâ 6:23

Kayam vun ma hed’a ni lalamba, hata ni b’od’a, ngopa á hata ni lovot ta suta.

Isai 14:12

Ang avevel ma fo yina, ni nana ba, a gangî kä woi ge? Ang ma kus yam andjaf sumina, a gangî kä woi andaga!

Isai 41:26

Ni nge ba, mi de yam ahle ndazina avok dei tala ami waziya d’a ge? Ni nge ba, mi dazi zlazi adjeu dei tala ami dazi zlaziya d’a ge? Gagazi, sa mi dazi nga zlazi d’ala sana mi humuziya d’a d’i, sa mi hum nga zla magid’a d’uo mi.

Isai 8:20

agi hulongôzi ded’a ala: Mbeî ei hulongî yam gata ki zla d’a Ma didina mi ndeizi woid’a. Suma a tit nga yam vun ma he máma d’uo na, a mba we yima fod’a ki irazi d’i.

Isai 9:2

Ma didina, ang mba zuluziya, ang mba tinizi á le furîd’a, a mba le furîd’a avorong d’igi suma a nga le furîd’a ata yima fet awunina na, d’igi suma a nga er ad’uzi akulo ki hur ma hapma ata yima a nga b’rau ahle suma a yozï avun ayînina na mi.

Matiye 4:16

suma a nga kaka kur nduvundina a we b’o d’a ngola, suma a nga kaka kä ad’u angus matnina, b’od’a ti nde woi kazi mi d’a.

Jean 5:35

Jean ni lalam mba nga d’i ngal la nga d’i b’od’a mi. Agi lagi furîd’a kur b’o mata ndjö.

Jean 5:39

Agi nga fegegi kur mbaktumba hAlonid’a, agi nga djib’eregi ala ni kurut ba, agi nga kari d’a didinda. Ni ndat ba, nga d’i le glangâsâ kanu.

Jean 8:12

Jesus mi de mi Fariziyêna kua ala: An ni b’od’a hi suma kur duniyad’ina. Sama tit ad’una, mba mi tit kur nduvunda d’i, wani mba mi tit ni kur b’o manda.

Sunda hi suma a sunuzinid’a 15:29

Agi tagi ahle suma a ngad’azi á tuwal fileinina d’i, agi tagi buzuna d’i, agi tagi vama guluta d’i, agi gologi tagi djivi ki mizeuna. Le agi walagi tagi woi kahle ndazina hina ped’u ni, agi mba kagagi ki lafiya d’a. Ar Alona mi ndjunugiya.

Sunda hi suma a sunuzinid’a 17:11

Sum ndazina djib’er mazid’a djivid’a kal Juif suma Tasaloni’â, kayam a ve zla ndata kabozi ma mbàna. A nga hal kur mbaktumba hAlonid’a burâ ki burâ á wahle suma Paul mi dazina ni gagazi zu?

Hebre-na 2:2

Le zla d’a malaikana tchat walata ni zla d’a irata, le sama lara ma tchila kat toze mi sot vunatna mba mi fe wurak mam mba ndaka,

Jacques 2:8

Gagazi, le agi nga tid’igi yam vun ma hed’a hamulîna memet d’igi vun ma he máma mi de na ala: Ang le yam ndrangâ d’igi ang tanga na ni, agi lagi djiviya.

1 Pierre 1:10

Ni yam sut ndata ba, suma djok vun Alona a feget fefek. Azi djok vuna woi avok yam he d’a hawa d’a Alona mba mi hagizid’a.

1 Jean 5:10

Sama he gagazid’a yam Alona Goromina, mi nga ki glangâs mama kurumu. Sama he gagazid’a yam Alona d’uo na, mi mbut Alona ni ma ka zlad’a, kayam mi he nga gagazid’a yam glangâs ma Alona mi lum yam Goromina d’i.

3 Jean 1:6

Azi le glangâsâ avok suma Toka yam o manga. Le ang nga ndjunuzi kur tit mazid’a na ni, ni vama djivina avok Alona.

Vama ndum mbeina 2:28

An mba ni hazi avevel ma fo yina mi.

Vama ndum mbeina 22:16

An Jesus, an sunugi malaika mana, kayam mi dagi ahle ndazina pet kur Toka. An ni David gorom ngolona, an ni avevel ma fo yina.