2 Jean 1:12 - Bible azumeina

¹² An nga kahlena ngola á b’irigiziya, wani an min b’irigizi ki mbaktumba ki engkrena d’i. An tin hurun ala an iza hatagi á dagi zlad’a vuna ki vuna, kayam furî meid’a ndak memet.

2 Jean 1:12 Iomraidhean Croise

Ndumba 12:8

An dum zlad’a ni vuna ki vuna, an tagam tan ni kur adïd’a d’i; nga mi golon tchola avoromu. Ni kayam me ba, agi nga lagi mandarâ á de zlad’a yam azong mana Moise suo ge?

Jean 15:11

An dagi ahle ndazina kayam agi lagi furîd’a kanu, kayam furî magid’a ndak memet mi.

Jean 16:12

An nga ki zlad’a ngola tua á dagiziya, wani ki tchetchemba, agi ndak á vagizi kagi d’i.

Jean 16:24

Avok dei gak ki tchetchemba, agi tchenem nga va ki simiyên ndi. Agi tchenegiya, agi mba fagiya, kayam furî magid’a ti ndak memet.

Jean 17:13

Ki tchetchemba, an nga ni iza gevengû. An nga ni dahle ndazina kur duniyad’a, kayam furî man nda azi lat kanda ti ndak memet.

Jean 3:29

Sama vatchad’ina, mam mi sala tela, wani sala tela banam ma nga tchola ma nga mi humum delema, mi nga ki furîd’a ngola á humum delemu. Kayam ndata, furî manda ndak wa memet.

Romê-na 15:24

Wani an min ala fata an i yam ambas sa Espaî-d’a, an tin hurun ala an mba ni hleza kagi á kak ki sed’egi ndjö, bugol tua ba, agi mba tinin sä kua mi.

2 Timote 1:4

An nga ni djib’er yam tchi mangâ, tan nga d’i lan zlezleû á wangû, tala an mba ni le furîd’a ngola d’a.

Filemon 1:22

Kayam ndata, ang minin yima burâ, kayam an djib’er ala yam tchen magid’a Alona mba mi malan lovota á iza hatagiya.

Hebre-na 13:19

An nga ni tchenegi ngola, ar agi lagi hina, kayam Alona mi malan lovota á iza hatagi atogo zak.

Hebre-na 13:23

An gagi humagi ala a ge wa wiyeina Timote akulo. Le mi mba ka tchetchemu ni, ami mba zlabami ki sed’em á iza hatagi á d’ugiya.

1 Jean 1:4

Ami nga b’irigi ahle ndazina, kayam furî meid’a ti ndak memet.

3 Jean 1:10

Ni kayam ndata ba, fata an mbazid’a, an mba ni dum yam tcho mam mba mi lata ki zla mam mba tchod’a ki zla d’a kad’a mi dat kamid’a. Hina wan pî, ndagam nga d’i. Mam tamba nga mi ve b’oziyoina atam mbi, nga mi d’el suma a min á vazi atazina, nga mi digizi woi kur Toka mi.