2 Amuleina 8:1 - Bible azumeina

¹ Bur tu Elise mi de matcha d’a mam zlid’it gorotna akulo ata yima matnid’a ala: Ndak tchol ki suma avo hata’â, agi i kagagi ata yima ndak iragi á kakina, kayam Ma didina nga mi mba ki baktarad’a yam andaga d’a Israel-lâ, baktara ndata mba d’i le ni bizad’a kid’iziya mi.

2 Amuleina 8:1 Iomraidhean Croise

Ad’u Tinda 12:10

Baktarad’a nde yam andaga d’a Kanan ndata. Abram mi i mbeid’a yam ambas sa Ezipte-d’a á kak sä kua ndjö, kayam baktarad’a nga kur andaga ndata ngola heî.

Ad’u Tinda 26:1

Baktarad’a ti nde yam andagad’a d’igi ti ndadjeu kur atchogoid’a hi Abraham-mba na mi. Isak mi i Gerar avo hi Abimelek amul ma Filistê-na.

Ad’u Tinda 41:25

Josef mi de mi Faron ala: Adï mang nga dang ndata, nabo tat tu. Alona mi tagangî vama mam mba mi luma.

Ad’u Tinda 41:32

Le adïd’a dang yat hina mbà ni, nala, zla ndata ndagï nabo Alona, mam mba mi lat atogo zak mi.

Ad’u Tinda 41:54

Ata yi máma, baktara d’a biza d’a kid’iziyad’a tin ad’ud’a á led’a d’igi Josef mi de na. Baktarad’a ti nde yam andagad’a pepet, wani yam ambas sa Ezipte-d’a tena nga kua.

Ad’u Tinda 47:4

Baktarad’a nde yam ambas sa Kanan-nda, hatna nga yam tumiyôna hi ami azungeî mangîna d’i. Kayam ndata, ami mbami á kak yam andaga manga. Ami nga tchenengû, ang hami lovota ami azungeî mangâ kagami yam andaga d’a Gosen-nda.

2 Samuel 21:1

Kur atchogoid’a hi David-ta, baktara ti nde, ti le bizad’a hindi. Wani David mi tchen Ma didina. Ma didina mi hulong dum ala: Ni yam Saul ki mam suma a tchi suma woina, kayam mi tchi suma Gabawon-na woyo.

2 Samuel 24:13

Gat mi mba gen David ki zla ndata, mi dum ala: Na ni ang min baktarad’a nde yam ambas manga bizad’a kid’iziya, d’oze ang min ring avok mang suma djangûna tilâ hindi, d’oze tugud’ei d’a tcho d’a tchi matna ti le burâ hindi yam ambas manga zu? Ki tchetchemba, ang djib’era, ang man vama ang manama; an hulong humba mi ma sununïna.

1 Amuleina 17:1

Elie ma Tisbe ma nga kaka Galät-na, mi de mamulâ Ahap ala: An nga ni dang ngei avok Ma didin ma bei matna Alona hi Israel-lâ ma an nga ni lum sundina: Gola! Biza d’a ar avok wanda wani, mbad’ï mba d’i ge d’i, alo mba mi se d’uo mi, gak bur ma an mba ni tchenema tua mbeî!

1 Amuleina 18:2

Elie mi i á tak tam mbei avok Ahap. Baktara d’a avo Samari-d’a kal ngola heî.

2 Amuleina 4:18

Gor máma mi djengâ. Bur tu mi i fabum nga mi dut awuna ki suma.

2 Amuleina 4:36

Ata yi máma Elise mi yï Gehazi, mi dum ala: Ang i yï gorâ asumu. Gehazi mi yad’ïya. Kid’a ti mbad’a, Elise mi dat ala: Ndak mbeï ve goro’â!

2 Amuleina 4:38

Elise mi hulong, mi mba avo Gilgal. Kur biza ndata baktarad’a ti nde yam ambas ndata. Kid’a mi tok adesâ hi suma djok vun Alonina avorom kä d’a, mi de mazong mama ala: Ang tin dei ma ngolâ akua, ang yamï azlema madesâ hi suma djok vunina.

2 Amuleina 7:20

Ahle ndazina mba kam hina mi; ablaud’a ti mired’em kä avun agre’â, mi mid’a.

2 Amuleina 8:2

Atcha ndata ti le d’igi sana hAlonina mi dat na, ti i ki sum matna atogo zak, ti kak sä yam andaga d’a Filistê-d’a bizad’a kid’iziya.

Sawal la giled’a 105:16

Alona mi ar baktarad’a ti nde yam andagad’a, mi d’el vun ahle mazi suma tena pet.

Sawal la giled’a 107:34

mi mbut ambas sa tub’ad’a ambas sa himbirâ, kayam asa’ata hi suma kurutnid’a.

Jeremi 25:29

Kayam Ma didin ma ad’engêm kal petna mi dala: Gola! An nga ni mba ki ndaka yam azì ma ngol ma a nga tchenen kuana avogo. Agi djib’eregi ala agi mba prud’ugi woi bei ngopä zu? Agi mba prud’ugi woi bei ngopa d’i, kayam an nga ni yi suma durâ yam suma yam andagad’ina pet.

Sunda hi suma hi Levi-nid’a 26:26

Ata yima an mba ni d’el avungô maginina, aropma dogo a mba gavungôna kur für ma tuna, a mba ngagizi ni ngä; agi mba tumu, wani mba mi hobogi d’i.

Amos 4:6

An sunï baktarad’a kur azì magi ma nglona pet. Agi nga fagi tena avo hatagi d’i. Hina pet pî, agi hulongôgi nga geven ndi. An Ma didina ni de na.

Wana ni mbaktumba hi Aze-d’a 1:11

Ni hina ba, an mba ki baktarad’a yam ambasa, yam ahuniyôna, yam asine ma awuna, yam ma guguzlud’a, yam ma olifâ, yam ahle suma a nga vut yam andagad’ina, yam suma, yam d’uwarâ, yam sun nda lara ge pet ta suma a nga lat kabozid’a mi.

Wana ni Zla d’a Djivi d’a Luc mi b’irita 21:11

andagad’a mba d’i yir ngola, baktarad’a ki tugud’ei d’a tcho d’a tchi matna a mba nde ata yina teteng, ahle suma mandarâ ngola ki simat ta nglod’a a mba tcholï akulo mi.

Wana ni Zla d’a Djivi d’a Luc mi b’irita 21:22

Kayam bur máma ni bur ma sä atchugula á ndak vun ahle suma a b’irizi kur mbaktumba hAlonid’ina.

Wana ni Zla d’a Djivi d’a Luc mi b’irita 4:25

Wani gagazi, an nga ni dagiya, adjeu arop suma modonod’a ablaud’a a nga yam andaga d’a Israel-la kur atchogoid’a Elie-d’a, kid’a alona se d’uo bizad’a hindi ki tilâ karagayad’a. Baktara d’a ngola nde yam andagad’a pet.

Sunda hi suma a sunuzinid’a 11:28

Ma dingâ adigazi simiyêm ala Agabus mi tchol akulo. Muzu’â hAlonina mi zud’um mi dala: Baktara d’a ngola mba d’i nde yam andagad’a pet. Gagazi, baktara ndata ti nde kur atchogoid’a hi ma te yamba Klaut-ta mi.

Wana ni mbaktum mba a b’irit yam Rut-ta 1:1

Ni kur atchogoi d’a suma nglo suma avok Israel-lîna a nga te leud’id’a ba, baktarad’a ti nde yam ambasa. Sama Betelehem ma kur ambas sa Juda-d’ina kamamba ki grom suma andjofâ mbà, a mber á i kak yam ambas sa Mowap pa tub’ad’a ndjö.