2 Amuleina 2:6 - Bible azumeina

⁶ Elie mi de mi Elise kua ala: An nga ni tchenengû, ang kak ka hî. Ma didina mi sunun avun alum ma Jurdê-na. Wani Elise mi hulong dum ala: An nga ni gunung tan avok Ma didin ma bei matna ba na, avorong ang mi, an nga ni arang ngi. Azi tchuk tazi tita asem tazi djak.

2 Amuleina 2:6 Iomraidhean Croise

Ad’u Tinda 22:6

Abraham mi hlagu ma a ngal ki vama ngat buzunina, mi hum yam goroma Isak, mi hlakud’a ki mbigeud’a abomu; azi djak a i ad’u taziya.

Ad’u Tinda 22:8

Abraham mi hulong dum ala: Gorona, Alona tamba mba mi hei ini gor timina á ngata. Azi djak a nga i ad’u taziya.

2 Amuleina 2:2

Elie mi de mi Elise ala: An nga ni tchenengû, ang kak ka hî. Ma didina mi sunun Betel. Wani Elise mi hulong dum ala: An nga ni gunung tan avok Ma didin ma bei matna ba na, avorong ang mi, an nga ni arang ngi. Azi i Betel zla tazi djak.

2 Amuleina 4:30

Wani gorâ asum mbi de mi Elise ala: Avok Ma didin ma bei matna, avorong ang mi, an nga ni i bei ang ngi. Kayam ndata, Elise mi i ki sed’ed’u.

Josue 3:15

Yima suma a fet awuna kuana ni yima alum ma Jurdê-na nga mi kus seina. Kid’a suma ngat buzu suma a nga zi zandu’â a mba avun alum ma Jurdê-na a nik asezi aduk mbinid’a,

Josue 3:8

Ang he vuna mi suma ngat buzu suma a zi zanduk ma vun ma djinda hi Ma didinina mi nga kuana ala: Le agi mbagiza wa avun alum ma Jurdê-na ni, agi i tchologi adigam mba d’ad’ara.

Wana ni mbaktum mba a b’irit yam Rut-ta 1:16

Wani Rut ti hulong dat ala: Ndak tezen dala an arak ni hulong avo hatanu d’a d’i. Ata yima ndak i kuana, an i kua mi; yima ndak mba kak kuana, an mba ni kak kua mi; sum ma’â a mba arî sum mana; Alo ma’â mba mi arî Alo mana mi.

1 Samuel 1:26

Anne ti dum ala: Salana, ang tang ki irang wana, an natcha d’a ni tchol kambei ka hî geveng á tchen Ma didinid’a.

1 Samuel 20:3

David mi de mi Jonatan kua ki gun tad’a ala: Abung mi we woi tetet ala ang hurung vanu. Dam mi de wa kurum ala: Ar Jonatan mi we zla ndata tala hurum zal d’a d’i. Wani Ma didina ni Ma bei matna, ang nga ki irang wan mi, adigami nga dei ki matna d’i.