2 Amuleina 16:4 - Bible azumeina

⁴ Mi hahle suma ngat buzuna ki dubang ma his djivid’ina yam yima ndingâ, yam ahuniyôna, ad’u agu ma lara ma angusâ mi.

2 Amuleina 16:4 Iomraidhean Croise

1 Amuleina 14:23

Azi min yina ata yima ndingâ, a tchet ahinad’a, a tinit akulo yam ahuniyô suma djodjohlâ kad’u agu ma d’uf ma lara ge pet mi.

2 Amuleina 12:4

Bur tu Jowas mi de mi suma ngat buzuna ala: Agi vagi beged’a pet ta a nga mba ki sed’et kur gong nga kud’ora hi Ma didinid’a á le sunda hi Ma didinid’a, nala, bege d’a a nga vat abo sumid’a ki bege d’a sana mi hat kur min mambid’a. Agi vagi bege ndata abo suma agi wazina, agi lagi sunda ki sed’et á minigi ki gong nga kud’ora hi Ma didinid’a yat ma b’lak keina akulo pet.

2 Amuleina 14:4

Hina pî mi to nga yima nding ma a tinim iram vam ma suma a nga hahle suma ngat buzuna ki dubang ma his djivid’ina kuana kä woi d’i.

Sawal la giled’a 78:58

Azi nga zalam hurum ki tuwal la azi nga tuwal alona handjaf suma bei dingîd’a, azi nga zalam hurum ngola heî ki filei ma azi nga tcholom ata yina tetengâ.

Isai 65:4

Ni suma a nga kaka aduk asud’a suma a nga bur angra ahuniyônina. Ni suma a nga mut kozongâ, suma a nga yi te ma ndjendjed’a kur duguyo mazinina mi.

Isai 66:17

Ma didina mi dala: Suma a tin tazi irat vat a mbut tazi yed’et á i kur asinena á tuwal fileina á tit bugol ma ngol ma nga tchola adigazi á mut kozongâ kahle suma ndjendjed’a ki klomina pet a mba bo woyo.

Jeremi 17:2

Wani grozina a nga djib’er yam yi mazi ma ngal ahle suma ngat buzuna mi fileinina teteng, yam agu mazi ma tchet ma a pum malo d’a a yat ala Asera-d’a teteng ma go kagu ma angus ma akulo yam yima ndingîna teteng mi.

Ezekiyel 43:7

Ma didina mi dan ala: Ang gor sana, ang gol yima wana. Zlam man nda amula ti ni ka hî, an mba ni tchuk asen ni kua, an mba ni kak ka hî aduk Israel-lâ ki iran fafat mi. Israel-lâ kamulei mazina a mba mbud’un simiyên Ma bei tchod’a ba na ndjendjed’a ki sun mazi d’a batranga ki filei mazina ki tos sa a tos mad’a amulei mazina ka hî d’a d’uo mi.

Ezekiyel 6:13

Azi mba wala an ni Ma didina ni fata mad’azi mba mi tchuk kä aduk filei mazi ma tetengâ gen yi mazi ma ngal ahle suma ngat buzu ma tetengâ, yam yi mazi ma nding ma lara, yam ahuniyô suma fuyogei suma lara, ad’u agu ma lara ma angusâ, ad’u agu sen ma d’uf ma lara ma guguluîna, ata yima azi ngal dubang ma his djivid’ina mi filei mazina kuana pet.

Gat ta a hat á mbàd’id’a 12:2

Moise mi de kua ala: Agi pleyêgi yima andjaf suma agi nga digizi woi wana a nga kud’or alo mazina kuana woyo, nala, yima yam ahuniyô suma fuyogeinina, yima yam ahuniyô suma djodjohlîna ki yima ad’u agu ma d’ufina pet mi.