2 Amuleina 10:7 - Bible azumeina

⁷ Kid’a suma nglona a fe mbaktum ndatid’a, a yo amulâ grom suma dok kid’iziyana, a tchaziya, a yozi yazi kur gogologeina, a sunut mi Jehu avo Jisreyel.

2 Amuleina 10:7 Iomraidhean Croise

1 Amuleina 21:19

Ang i dum ala: Wana ni vama Ma didina mi duma. Mi dala: Ang tchi sana mi na, ni nana ba, ang yom ahle mama djona ge? Ang dum kua ala: Gola! Ma didina mi dang kua ala: Ata yima adureina a trâ buzuna hi Nabot kuana, nata yi máma ba, a mba trâng buzuwang ang kua mi.

1 Amuleina 21:21

Wana ni zla d’a mam data: Gola! An nga ni sun ndaka kangû, an nga ni b’lagang ngeyo. An mba ni dabang andjavang ngeyo, magumeina d’oze gro vut ta avo Israel-lâ,

2 Amuleina 10:6

Jehu mi sun mbaktum mba mbàd’a ala: Le agi ni sun mana, le agi min gagi yagi kä ad’u zla manda ni, agi ngad’agi yam suma avo hamulîna woi pet, agi mbeï fan ka hî avo Jisreyel avin hina dedege. Amulâ grom suma dok kid’iziya ndazina a wulî avo hamulâ ndram ma ngol ma sunda.

2 Amuleina 10:8

Sama sunda mi mba mi de mi Jehu ala: A mba wa ki yam amulâ grom ndazina da’. Jehu mi dazi ala: A i molot kä avun agre’â ad’u mbà gak yorogo.

2 Amuleina 10:9

Tcha ndjivin yorogod’a, Jehu mi nde woi hur azina, mi tchola, nga mi de mablaud’a ala: Agi zla nga kagi d’i. An ni sala zlad’a, ni an ba ni ndjak vunan ki suma dingâ yam amulâ, ni tchumu. Wani suma yazi mola pet wana, sama mi tchazina ni nge ge?

2 Amuleina 11:1

Ata yima Atali Ahaziya asum mbi hum ala gorotna mi mit wa na, ti tchola, ti tchi andjaf ma amula woi pet.

2 Sunda Hamuleinid’a 21:4

Kid’a Joram mi kak amula balum abum mi sira leu mamba ad’ut kä ngingi d’a, mi tchi b’oziyoma woi pet zlapa ki nglo suma Israel suma hiuna mi.