1 Timote 6:6 - Bible azumeina

⁶ Wani he gagazi d’a yam Alona ki hur ma tunid’a ni mbiyo ma fe ma kal teglesâ.

1 Timote 6:6 Iomraidhean Croise

2 Amuleina 6:2

Ang hami lovota ami imi avun alum ma Jurdê-na, nge nge pî mi kaï aguna, ami mba minimï yima ding ma kaka. Elise mi dazi ala: Agi igiya!

Sawal la giled’a 37:16

Vama ngiyeû ma nga abo sama d’ingêrîna djivid’a ngola kal vama ngol ma nga abo sama asa’atnina.

Sawal la giled’a 84:11

Bur ma tu ma an kal kur gulumun mangîna, mi djivid’a kal bur ma dubu ma an kak kei abuna. Alo mana, tan lan djivid’a á kak ndjola avun gong manga kal la an kak kur zlub’ud’a hi suma asa’atnid’a.

Buzuk ka Abud’a 2:21

Moise mi nga hurum á kaka avo hi Rewel; Rewel mi hum goromba Sefora atchad’a.

Zla d’a d’ogolâ 15:16

Hotei ang kak sama houd’a á le mandara Ma didina, kal la ang kak sama ndjondjoîna ang kak kur djib’era burâ ki burîd’a.

Zla d’a d’ogolâ 16:8

Hotei ang fakid’eid’a ki d’ingêra kal la ang fe ngola ki mbut irid’a.

Zla d’a d’ogolâ 28:25

Sama gol tam ala mam mi va na, nga mi djiu huneîd’a akulo, wani sama mi tin hurum yam Ma didinina mba mi kak kur duzîd’a.

Jeremi 35:9

Ami nga minimi azì á kak kur ri, ami nga ki guguzlu d’oze asine d’oze andaga d’a ami zarami awuna kuad’a d’i.

Wana ni Zla d’a Djivi d’a Luc mi b’irita 12:15

Mi dazi kua ala: Agi gologi tagi djiviya, ar agi lagi yam beged’a d’i, kayam ari d’a gagazid’a hi sanid’a nga ni yam ahle mam suma djivina d’oze yam ndjondjoîd’a d’i.

Wana ni Zla d’a Djivi d’a Luc mi b’irita 3:14

Azigarâ a djobom ala: Ami lami ni nana ge? Mi hulong dazi ala: Agi vagi va abo sa kad’enga d’i, agi tchugugi zla yam sa hawa yak ki, agi tinigi hurugi ni yam wurak magid’a go.

Romê-na 8:28

Ei wei ala kur ahlena pet Alona nga mi le sun nda djivid’a yam suma a nga le kam suma mi yazi woi kur min mambina.

2 Korente-na 4:17

Ndak ka afefet ta nga d’i lami kä ndjö wanda, mba d’i mba ki subur ra ngol la didinda, kal ndak ka ka tchetchem wanda.

Filip-ma 1:21

Kayam Christ nari manda, matna ni mbiyo man ma fed’a.

1 Timote 4:8

Sun nda teteng nga yam hliu tad’id’a, djivi mata nakid’eid’a. Wani sun nda le d’a kur lovota hAlonid’a djivi mata ti kal ngola, kayam vun ma hled’a nga kua yam ari d’a tchetchemba ki d’a nga d’i mbad’a mi.

1 Timote 6:8

Wani le ei nga ki tena ki baruna miyu ni, ndageya.

Hebre-na 13:5

Ar d’od’oka hi beged’id’a kal kagi d’i. Ar agi kagagi tchugot ki vama nga abogina, kayam Alona mi dala: An mba ni arang vang ngi, an mba ni arang ngei d’uo mi.