1 Timote 6:2 - Bible azumeina

² Magumei suma suliyozina a he gagazid’ina, a golozi is ala azi ni b’oziyozina d’i. Wani a le ni sun nda djivi d’a kala, kayam suma a nga fe djivid’a kur sun mazid’ina, ni suma a he gagazid’a yam Alonina, ni suma a le kazina mi. Wana nahle suma ang had’azi kazina, ang tchazi wala kazi mi:

1 Timote 6:2 Iomraidhean Croise

Joel 2:28

Ma didina mi dala: Bugol ahle ndazina, an mba ni vo Muzuk mana yam suma pet. Grogi suma andjofâ ki grogi suma aropma a mba djok vuna, momorogei magina adïd’a mba d’i daziya, azungeî magina ahlena a mba nde tazi woi irazi mi.

Ndumba 16:3

A togï gen Moise azi ki Aron, a dazi ala: Ami ndagami da’, kayam ablaud’a pet ni suma a tinizi irazi vazi mAlonina, Ma didina mi nga adigazi mi! Ni kayam me ba, agi suburugi tagi yam suma hi Ma didinina ge?

Matiye 23:8

Wani agiya, ar a yagi ala Suma hat suma d’i, kayam Ma hata ni tu, agi pet ni b’oziyo tagiya.

Matiye 25:40

An amulâ mba ni hulongôzi ded’a ala: Gagazi, an nga ni dagiya, vama agi lum ki ma gor ma kid’ak aduk b’oziyon suma wanina, agi lumî mi anu.

Matiye 6:24

Jesus mi had’azi kua ala: Azong ma tuna mi ndak á le sunda mi suliyod’a mbà d’i, wani mba mi noî ma tuna, mba mi le yam ma dingâ mi, d’oze mba mi kak ki ma tuna, mba mi ar ma dingâ woi mi. Agi ndagagi á lagi sunda mAlona ki beged’a djak ki.

Sunda hi suma a sunuzinid’a 1:15

Kur bur máma Pierre mi tchol akulo aduk b’oziyom suma a nga tokina, a ni d’igi kis yam dok mbà na, mi dazi ala:

Romê-na 11:17

Israel-lâ ni d’igi olif ma pe ma a kam abom ma dingâ woina na. Ang ma ni Juif-fâ d’uo na, ang ni d’igi abo olif ma abagei ma a djagam blangâzina na. Ki tchetchemba, ang nga wulî yam sideina kambira hi olif ma a puma.

Romê-na 8:29

Kayam suma Alona mi manazi avok deina, mi nga hurum avok á mbud’uzi d’igi Goroma na, kayam Goroma mi ka’î Ma avo’â aduk b’oziyoma ablaud’a.

Galat-na 5:6

Le ei zlabei tu ki Jesus Christ-zu ni, ngat bayâd’a ni va d’i, ngat bayâd’a d’uo pî ni va d’uo mi. Wani he gagazi d’a le sunda yam od’id’a ni vama nda’â.

Efes-sâ 1:1

Ni an Paul ma a sunuma hi Jesus Christ-sâ kur minda hAlonid’a. An nga ni b’ir mbaktum mba wanda mi agi suma hAlona suma avo Efes suma d’engzeng suma zlapa tu ki Jesus Christ-sâ.

Efes-sâ 1:15

Kid’a an hum zla he gagazi magi d’a yam Salad’a Jesus-d’a ki o magi d’a yam suma hAlonid’a peta,

Efes-sâ 3:6

Wana ni zla d’a muduri ndata: Yam Zla d’a Djivid’a andjaf suma dingâ a zlap tu ki Juif-fâ, a te djona ki sum mama tu, a mbut hliu ma tuna kayam vun ma hle ma Alona hlum yam Jesus Christ-sâ mi.

Kolos-sâ 1:2

Ami nga b’irimi mbaktum mba wanda mi agi suma hAlona suma avo Kolos suma d’engzeng suma zlapa tu ki Christ-sâ. Ar Alona Abui mi vagi sumad’a ki b’leng nga halasa.

Kolos-sâ 1:4

kayam ami humumi zla he gagazi magi d’a yam Jesus Christ-sa ki o d’a agi nga lat yam suma hAlonina peta mi.

Kolos-sâ 4:1

Agi magumeina suliyozina, ar agi lazi ni vama djivina ki vama ata yama, kayam agi wagi ala Salagina sä akulo mi.

2 Tasaloni’â 1:3

B’oziyomina, ami nga lami mersi mAlona teteu kagi nata yad’u, kayam he gagazi magid’a nga d’i wul heî, o magi d’a agi nga lat yam tagid’a nga d’i zul avogovok mi.

1 Timote 4:11

Ang he vuna mi suma yam ahle ndazina, ang had’azizi mi.

1 Timote 5:1

Ar ang ngop sama mamarâ ad’enga kîk ki, wani ang gigid’em d’igi abung na. Ang giget azungeîna d’igi b’oziyongâ na,

Wana ni mbaktum mba Paul mi b’irit mi Tit-ta 2:1

Wani ar ang dazi ni vama ndak yam hat ta d’ingêrina.

Wana ni mbaktum mba Paul mi b’irit mi Tit-ta 2:15

Ang had’azi ahle ndazina, ang gigid’ezi mi. Ang ngobozi ki vun ma hed’a. Ar sa mi golong is si.

Wana ni mbaktum mba Paul mi b’irit mi Tit-ta 3:8

Zla ndata ni zla d’a irata. An min ala ang dazi zla ndata kad’enga, kayam suma he gagazid’a yam Alonina a min tazi á le sun nda djivid’a. Zla ndata ni zla d’a djivid’a yam suma á led’a.

Hebre-na 3:1

Kayam ndata, agi b’oziyon kretiyê suma Alona yagina, agi tinigi iragi yam Jesus ma Alona sunumï á mbut Ma ngol ma ngat buzuna yam he gagazi d’a ei nga dei woi kata.

Hebre-na 3:14

Kayam ndata, le ei vei tei ad’enga yam hur mei ma tin ma avo’â ngingring gak bur ma dabid’a ni, ei ni Jesus ndroma.

1 Pierre 5:1

Ni kayam ndata, an nga ni giget nglo suma gol Toka suma a nga adigagina, an ni ndrazi ma ngolâ mi. An ni ma le glangâsâ yam ndaka hi Christ-sina. An ni ndrazina yam subur ra mba ndat teid’a mi. Wana ni vama an tchenezi kama:

2 Pierre 2:10

Kal pet mba mi ka sariyad’a yam suma a nga tit bugol djib’er ra ndjendjed’a hi sa mazi ma adjeuna suma a nga gol ad’enga hAlonid’a isâ. Ni suma a hat hat ta tcho d’a an dagi katina, ni suma bei le mandarâ, ni suma tum didi’â. Azi nga ge yazi kä avok ahle suma ari suma subur suma akulona d’i, wani a nga nguluziya.

Jude 1:8

Sum ndazina a le hina dedege mi, a nga tit bugol ahle suma nde tazi irazina á mbut tazi ndjendjed’a, a nga gol ad’enga hAlonid’a is, a nga ngul ahle suma ari suma subur suma akulona.