1 Timote 6:16 - Bible azumeina

¹⁶ Mam tu ni ma bei matna, ni ma nga kaka kur b’o d’a sana mi ndak á hut go gevem mbuo d’a. Ni ma sa wum nga d’uo na, ni ma sa mi ndak á wum mbuo na mi. Hud’a kad’enga ni mamba gak didin. Amin!

1 Timote 6:16 Iomraidhean Croise

Wana ni mbaktumba hi Job-pa 37:23

Ei ndak á tchei sä ata Ma ad’engêm kal petna d’i; ad’eng mamba ti kal heî, d’ingêr mamba ti kal heî mi, wani hina pet pî nga mi le ir sa d’i.

Sawal la giled’a 104:2

angî ma tchuk b’od’a atang d’igi sana mi tchuk baruna atam na na, ang gang akulod’a d’igi sana mi gang azid’a akulo na mi.

Sawal la giled’a 90:2

Avok kid’a ang bei lahuniyôna kandagad’a ki duniyad’a tua d’a, adjeu dei gak ini burâ ki burâ angî Alona.

Buzuk ka Abud’a 3:14

Alona mi de mi Moise ala: AN NI MA NGA NA. Mi dum kua ala: Wana ni zla d’a ang mba hulongôt ded’a mi Israel-lîd’a: Ma yi tam ala AN NGA na, mi sununï gevegi ni mamu.

Buzuk ka Abud’a 33:20

Mi de kua ala: Ang ndak á wan iran ndi, kayam le sana mi wanu ni, nga mi sut ti.

Isai 57:15

Ma sä akulo ma kal tegles ma nga kaka gak didin ma simiyêm ala Ma bei tchod’a ba na na, mi dala: An nga ni kaka ata yima sä akulo dei ma didina ata yima an tinim iram vama. Wani an nga ki sama hurum b’lak ma mi hulong yam kä á b’leng hur suma a hulong yazi kä lulumana, á b’leng hur suma huruzi mi b’la’â mi.

Habakuk 3:4

Wile mamba ni d’igi b’od’a hafatid’a na, wile ndata ti tcholï nabomu. Nata yi máma ba, ad’eng mamba nga ngeid’a kua.

Jean 1:18

Sa mi we nga Alona yam tu d’i, wani Gorom ma tu gid’eng ma nga kaka gen Abuma, ni mam ba, mi tak Alona woi abua.

Jean 14:9

Jesus mi dum ala: Filip, an kak ki sed’egi dei gak ini, ang wan nga d’uo? Sama wana, mi wAbun mi. Ni nana ba, ang dala: Ang tagami Abung nge?

Jean 6:46

Sama wAbun yam tu nga d’i, wani ni an ma tcholï gen Abun Alonina hol, ni an ba ni wumu.

Jean 8:58

Jesus mi dazi ala: Gagazi, an nga ni dagiya, avok bei a vut Abraham-mba, an nga.

Efes-sâ 3:21

Kayam ndata, ei suburi Alona kur Toka yam Jesus Christ kur atchogoi d’a lara ge peta gak didin. Amin!

Gat ta a hat á mbàd’id’a 32:40

An hlabon akulo hur alona, an gun tan ala: An ni ma nga kaka ki iran gak didina!

Filip-ma 4:20

Ar ei suburi Abui Alona gak didin. Amin!

Kolos-sâ 1:15

Christ ma ei wum mi hle tam dedege d’igi Alo ma bei wum ki ira na na, mam mi Gor ma a vud’um avo’â, ni ma avok ahlena pet suma Alona mi lazina.

1 Timote 1:17

Mam mi Amul ma didin ma bei matna ma bei wuma, Alo ma tu gid’engâ, ni Ma hud’a ki subura ni mamba gak didina. Amin!

Hebre-na 13:8

Jesus Christ ni ma bei mbuta ba na, ni ma kama, ini gak didina mi.

Jacques 1:17

He d’a hawa d’a djivid’a ki he d’a hawa d’a ndak memeta pet a tcholï nakulo abo Alo ma le b’od’ina, ni ma bei mbuta ba ma anguzam nga d’i pret tuo mi na.

1 Jean 1:5

Wana ni zla d’a ami humumizi avun Jesus Christ sa ami nga dagizi woid’a mi: Nala, Alona ni b’od’a, nduvunda nga kurum mbi.

1 Jean 1:7

Wani le ei nga tid’i kur b’od’a d’igi mam tamba nga mi tit kur b’od’a na ni, ei lei darigïd’a aduk teya, buzuna hi Goroma Jesus-na nga mi mbuzi woi yed’et kur tcho meid’a pet mi.

1 Jean 4:12

Sa tu pî mi we nga Alona ki iram mbi. Le ei nga lei yam teya ni, Alona mi nga kaka kuriya, o mamba ndak memet kuri mi.

Jude 1:25

Mam tu nAlo ma sud’i yam Saleina Jesus Christ-sâ. Subura ki ngola kad’enga ki yam mba ted’a katchogoi d’a kala pet ki d’a tchetchemba ni mamba gak didin. Amin!

Vama ndum mbeina 1:6

Mi mbud’i sum mama, mi mbud’i suma ngat buzuna á le sunda mAbum Alonina. Subura kad’enga ni mamba gak didin. Amin!

Vama ndum mbeina 1:8

Salad’a Alo ma ad’engêm kal petna, Ma nga na, Ma nga adjeu deina, Ma nga mi mbana, mi de woi ala: An ni Alfa, an ni Omega mi.

Vama ndum mbeina 21:3

An hum del la ngola ti tcholï akulo ata yima zlam mba amula ti dala: Ki tchetchemba, yima kaka hAlonina mi nga aduk suma, mba mi kak ki sed’eziya, azi mba mbut sum mama. Alona tamba mba mi kak ki sed’eziya, mam mba arî Alo mazina.

Vama ndum mbeina 22:5

Andjeged’a nga kua d’i. Azi min b’od’a hi lalambid’a, d’oze hafatid’a d’i, kayam Salad’a Alona mba mi b’o kaziya, azi mba te leud’a ki sed’em gak didin.

Vama ndum mbeina 4:11

Â, Salamina Alo mamina, ang ndak á subura, á hud’a, á vad’enga mi. Kayam ahlena pet ang lazi ni angû; nata min manga ba, azi nga, azi nga karid’a mi.

Vama ndum mbeina 7:12

a dala: Amin! Giled’a ki subura ki ned’a ki wed’a ki hud’a ki sib’ika kad’enga ni hAlo meinid’a gak didin. Amin!